شم النسيم

شم النسيم
شم النسيمcode: arz is deprecated
يحتفل به	المصريين
نوعه	ثقافي
تاريخه	اليوم اللى بعد كده لعيد الفصح المسيحى الشرقى
الاحتفالات	زيارة الأماكن العامة الذهاب فى نزهه أكل الفسيخ تلوين البيض و أكله
متعلق بـ	عيد الفصح
تعديل

البيض الملون عاده مصريه قديمه

شم النسيم او عيد شم النسيم عيد مصرى قديم من حوالى 2700 قبل الميلاد، يعنى عيد عمره اكتر من 4700 سنه. اسم شم النسيم جاى من كلمة شمو وهيا كلمه هيروجليفى.

عيد شم النسيم عند المصريين القدام بيعلن بداية الحياه لان المصريين القدام شافو ان الربيع بداية الحياه (لان الزهور بتتفتح فى الربيع و كمان الزرع بيخرج من الارض).^[1]

المصريين القدام كانو بيحتفلوا بشم النسيم بنفس الطريقه اللى لسه موجوده لغاية النهارده ^[2]، فكانو بياكلو البيض الملون والفسيخ و السردين والبصل والخس، وكل حاجه منهم بترمز لرمز. زى البيض اللى هوا رمز خروج الحياه، لان الكتكوت بيخرج من جماد. و الفسيخ او السمك المملح عموما كان تعبير من المصرى القديم عن حبه للنيل (لان السمك بييجى من النيل). و البصل اللى كان رمز للحياه عند المصريين القدام، وكانو بيعلقوه على الجدران بتاعة بيوتهم (زى ما بيحصل لغاية دلوقتى ).والخس اللى كان اسمه (عيب) بالهيروجليفى كان بيعتبر من النباتات المقدسه، و كان معروف من الاسره الرابعه.

الاحتفال بشم النسيم عند المصرى القديم كان مهرجان شعبى بيبتدى مع طلوع شمس اليوم ، و كان بيقضيه المصريين فى الفسح فى الجناين و على شط النيل و الاماكن اللى فيها زرع. وبيكون شم النسيم يوم الاتنين اللى بعد عيد الفصح و اللى بيكون يوم حد.

شم النسيم، اقدم عيد شعبى فى الدنيا، بيفتخر بيه المصريين باعتباره عيد خاص بيهم و بمصر بغض النظر عن عقائدهم الدينيه. اتنقلت مظاهر كتيره من احتفال المصريين بعيد شم النسيم لمناطق تانيه فى العالم و لحد أوروبا.

شم النسيم مالهوش علاقه بعيد النيروز المصرى اللى هو عيد السنه القبطيه فى اول شهر توت و اللى كان بيتعمل فيه كرنفال فى القاهره.

شوف كمان

• اعياد مصر المملوكيه

لينكات برانيه

• افراح المصريين بأعياد شم النسيم Archived 2010-04-08 at the Wayback Machine
• ملايين المصريين يحتفلو بعيد شم النسيم Archived 2010-04-09 at the Wayback Machine

مصادر

1. "Masrawy". مؤرشف من الأصل في 2010-12-06. اطلع عليه بتاريخ 2010-04-05.
2. "Al Ahram Weekly". مؤرشف من الأصل في 2010-10-10. اطلع عليه بتاريخ 2010-04-05.