فردريك دوجلاس

فردريك دوجلاس
 
معلومات شخصيه
اسم الولاده
الوفاة
الاقامه بالتيمور   تعديل قيمة خاصية الاقامه (P551) في ويكي بيانات
مواطنه
امريكا [4]  تعديل قيمة خاصية الجنسيه (P27) في ويكي بيانات
العرق
عضو فى الفا فاى الفا   تعديل قيمة خاصية عضو في (P463) في ويكي بيانات
عدد الاولاد 5 [5]  تعديل قيمة خاصية عدد الولاد (P1971) في ويكي بيانات
الحياه العمليه
المهنه
الحزب
اللغه الام انجليزى   تعديل قيمة خاصية اللغة الام (P103) في ويكي بيانات
اللغات المحكيه او المكتوبه انجليزى [6]  تعديل قيمة خاصية اللغه (P1412) في ويكي بيانات
التيار حق التصويت   تعديل قيمة خاصية الحركة الثقافية (P135) في ويكي بيانات
التوقيع
 
المواقع
IMDB صفحته على IMDB  تعديل قيمة خاصية مُعرِّف قاعدة بيانات الأفلام على الإنترنت (IMDb) (P345) في ويكي بيانات
تعديل مصدري - تعديل  طالع توثيق القالب
فردريك دوجلاس (1817-1895).
نظام الرق فى امريكا اتسم بالعنف و القسوه.
" هو انا مش انسان و اخ ؟ " رسم مناهض للرق من 1787.
ملف:Frederick Douglass mural، Belfast.jpg
رسم تذكارى لفردريك دوجلاس فى بلفاست.
ورقة بوسته عليها بورتريه لدوجلاس اصدرته امريكا سنة 1965 وقت نشاط حركة المطالبه بالحقوق المدنيه.

فردريك دوجلاس Frederick Douglass، اسمه الأصلى فردريك اوجوستوس واشنطون بيلى Frederick Augustus Washigton Bailey ( توكاهو، امريكا، 7 فبراير 1817 - واشنطون دى.سى ، 20 فبراير 1895 ). كاتب و مصلح اجتماعى كبير كان فى الاصل عبد هربان ، لعب بشخصيته الفذه و قدراته الادبيه الكبيره دور طليعى فى حركة انهاء الرق فى امريكا Abolitiobn Movement. كان اول مواطن اسود يكون له مركز كبير فى تاريخ حكومة الولايات المتحده الامريكيه. بمواهبه و قدراته الذهنيه قدر انه يثبت عملى غلط العنصريين و المؤيدين للاستعباد بان الانسان الاسود بينقصه الذكاء و ماينفعش فى حاجه غير فى استعباده و انه مش ممكن يكون مواطن امريكى حر ، و بقى من اكبر رواد حركة حقوق الانسان فى القرن 19 ، مش بس بالدفاع عن حقوق المواطنين السود لكن كمان بالدفاع عن حقوق الستات و كل المضطهدين.

من كلامه المشهور :

اتولد فردريك دوجلاس فى توكاهو Tuckaho فى ولاية ماريلاند سنة 1817. امه كانت عبده سوده و ابوه كان راجل ابيض لكن فردريك عمره ما عرف هو مين. اتفصل فردريك عن امه و هو لسه رضيع و عاش مع جدته فى مزرعة عبيد فى ماريلاند Maryland لغاية ما بقى عنده 8 سنين لما الراجل اللى بيملكه بعته على بالتيمور Baltimore عشان يخدم فى بيت اسرة هيو اولد Hugh Auld ، و هناك مرات هيو اولد خالفت قانون الدوله اللى كان سايد و علمته القرايه. لكن جوزها عارض و قال ان التعليم حايعمل منه شخص مش نافع للاستعباد ، فكمل فردريك تعليمه بمساعدة تلاميذ مدارس فى الشارع. بعد موت سيده رجع تانى لمزرعة العبيد و هو عنده 16 سنه. بعد كده اتأجر لواحد فى بالتيمور عشان يخدم فى المراكب ، و هناك ، فى سنة 1833 ، حاول انه يهرب مع تلت عبيد تانيين لكن الخطه انكشفت قبل مايقدرو يهربو ، لكن بعدها بخمس سنين وقت ماكان بيخدم كبحار هرب على مدينة نيو يورك New York City و من هناك راح على نيو بيدفورد New Bedford ، و اشتغل عامل لمدة 3 سنين بعد ما قدر انه يخدع " صيادين العبيد Slave Hunters " بتغيير اسمه لـ " دوجلاس Douglass ".

فى سنة 1841 وقت انعقاد مؤتمر معاداة الاستعباد فى نانتوكيت Nantucket فى ولاية ماساشوسيتس Massachusetts اتعزم دوجلاس عشان يحكى عن خبرته و احاسيسه وقت استعباده. الدعوه دى غيرت مجرى حياته و بقى فجاءه وكيل لمنظمة معاداة الاستعباد فى ماساشوسيتس ، و من الوقت ده عمره مااتخلى عن كفاحه لمناهضة الاستعباد رغم كل اللى عاناه من الاستهزاء و الاهانات و الهجمات العدوانيه الجسديه ، و استمر يعرض على الناس بشاعة الاستعباد و يوصف الحالة اللاانسانيه اللى بيعيش فيها العبيد و يحكى عن الاثر الوحش للاستعباد على ضحاياه.

هيئة دوجلاس و طريقة كلامه كانو بيدو انطباع عند الناس بانه مش ممكن انه كان عبد فى يوم من الايام ، فقرر انه يزيل الشكوك دى عن طريق كتابة قصة حياته فى سنة 1845 ، و هى القصه اللى كتبها من تانى بعد عشر سنين بعنوان " قيودى و حريتى My Bondage and My Freedom " اللى نقحها و ختمها سنة 1882 بعنوان " حياة و زمن فردريك دوجلاس Life and Times of frederick Douglass ". البيوجرافيا دى بتعتبر احسن و ادق وصف اتكتب عن حياة العبيد فى امريكا و بقتاشتغل لاسيكى فى الادب الامريكى و مرجع اولانى عن نظام الرق فى امريكا بعيون عبد عاش و عانى فيه بنفسه.

لكن دوجلاس فى الكتاب كتب اسم سيده القديم و مكان مزرعته فبقى معرض للخطف عن طريق صيادين العبيد فقرر انه انه يسيب امريكا و يروح على اوروبا. لمدة سنتين القى دوجلاس محاضرات فى بريطانيا و ايرلندا. الجو فى اوروبا كان خالى من العنصريه اللى كانت ف امريكا اياميها و اتكلم دوجلاس مش بس عن ان نظام الرق لازم يتلغى لكن كمان لازم يحل محله نظام جديد قايم على المساواه الاجتماعيه و الروحانيه و الاقتصاديه. الأوروبيين اعجبو بدوجلاس و افكاره و بقى ليه صحاب اوروبيين كتار بيأيدو حركة الغاء نظام الرق.

دوجلاس رجع من اوروبا على امريكا و وياه صحاب عشان من ناحيه يشترى حريته و من ناحيه تانيه عشان يبتدى نشر جورناله المناهض للرق اللى سماه فى الاول " نجم الشمال The North Star" و بعدين غير اسمه لـ " جورنال فردريك دوجلاس Frederick Douglass's Paper " و نشره من 1857ل1860 فى روشيستر Rochester، N.Y.

فى فترة اصدار الجورنال انفصل دوجلاس عن زعيم حركة الغاء الرق وليام لويد جاريسون و اليبب كان ان جاريسون كان شايف ان المفروض ماتكونش فيه صحافه منفصله بتعالج مشاكل السود بس بالاضافه لتوجهات تانيه لدوجلاس. من سنة 1851 دوجلاس اتحالف مع حركة الالغاء الدستورى اللى كانت تحت زعامة جيمس ج. بيرنى.

فى وقت الحرب الاهليه الامريكيه (1861-1865) دوجلاس بقى من مستشارين الرئيس ابراهام لينكولن Abraham Lincoln و روج لفكرة ان العبيد السابقين لازم يتسلحو و ان الحرب تستغل ضد نظام الرق ، وساعد على فتح باب التطوع للسود للخدمه العسكريه و ابنه كان من المنضمين للخدمه.

فى فترة اعادة البنا (1865-1877) ناضل دوجلاس من غير هواده لحصول العبيد السابقين على حقوقهم المدنيه الكامله و فى نفس الوقت استمر فى مساندة حركة حقوق الستات بقوه زى ماكان بيساندها قبل الحرب الاهليه.

فى فترة مابعد اعادة البنا استمر دوجلاس يشتغل فى الخدمه العامه التابعه للدوله، و فى 1871 اتعين سكرتير فى ادارة سانتو دومينجو Santo Domingo ، و فى الفتره مابين 1877 و 1881 كان مارشال مقاطعة كولومبيا Columbia و اشتغل فى وظايف كبيره تانيه ، و فى 1889 اتعين وزير و سفير لأمريكا فى هاييتى.

اتوفى فردريك دوجلاس سنة 1895 بعد نضال كبير ضد نظام الرق و بعد ماقضى نص قرن فى الخدمه العامه.

على رسم تذكارى لفردريك دوجلاس فى مدينة بلفاست فى ايرلندا الشماليه كتب الايرلندين كلام جه فيه:

لينكات برانيه

[تعديل]

مصادر

[تعديل]
  1. ↑ مُعرِّف اتحاد مكتبات البحوث الأوروبيَّة (CERL): https://data.cerl.org/thesaurus/cnp00547741 — تاريخ الاطلاع: 2 يناير 2021 — الناشر: اتحاد مكتبات البحوث الأوروبية — الرخصة: Open Data Commons Attribution License و رخصة المشاع الإبداعي العامَّة المُلزِمة بالنسب لمُؤلِّف العمل 2.0
  2. ↑ فايند اغريف: https://www.findagrave.com/memorial/6110193 — تاريخ الاطلاع: 2 يناير 2021
  3. ↑ مُعرِّف ملف شخصي في موقع "جيني" (Geni.com): https://www.geni.com/profile/index/6000000012153875412 — تاريخ الاطلاع: 2 يناير 2021
  4. ↑ مُعرِّف مسار دليل المكتبة الوطنية السويدية ليبريس (Libris-URI): https://libris.kb.se/katalogisering/42gkpjxn0rfpmmk — تاريخ الاطلاع: 24 اغسطس 2018 — الناشر: المكتبه الوطنيه السويديه — تاريخ النشر: 11 مارس 2009
  5. ↑ https://ourbondageourfreedom.llc.ed.ac.uk/
  6. ↑ مُعرِّف "كُونُور" (CONOR): https://plus.cobiss.net/cobiss/si/sl/conor/67914595
فردريك دوجلاس فى المشاريع الشقيقه