ناجى اسعد

ناجى اسعد
معلومات شخصيه
الميلاد	12 سبتمبر 1945 (79 سنة)[1]
الجنسيه	مصر
المدرسه الام	جامعة حلوان
الحياة العمليه
المهنه	لاعب العاب قوى ،  وبروفسور [2]
اداره	جامعة حلوان
الرياضه	العاب القوى
تعديل

الدكتور ناجى اسعد يوسف ( من مواليد 12 سبتمبر ،سنة 1945 ^[3]) هو رياضى مصرى زى مصر فى بطولات العاب القوى الدوليه فى سبعينات واوائل تمانينات القرن العشرين فى دفع الجله ورمى القرص. فى الوقت ده ناجى اسعد كان بطل مصر فى دفع الجله.

انجازاته

ناجى اسعد بيعتبر واحد من أنجح الابطال فى تاريخ العاب القوى المصرية.^[4] كسب ميداليات دهب كتير فى دفع الجله و ميداليات فضه فى رمى القرص.^[5] و كان قبلها لاعب كورة سله ف النادى الأهلى من 1966 ولحد 1969.^[6] و هو الرياضى المصرى الوحيد فى العاب القوى اللى كسب ميداليات دهب فى تلات بطولات كبرى وهى دورة الالعاب الافريقية ، دورة العاب البحر المتوسط ، البطولات الافريقيه فى العاب القوى^[7]

ناجى اسعد هو رقم 130 فى قايمة أحسن 150 فى العالم فى دفع الجلة 20.71 - متر.

حياته

ناجى اسعد من عيله قبطيه من شمال مصر و عاش فى القاهره واتخرج من كليه التربيه الرياضيه (بنين) فى جامعة حلوان، واشتغل معيد فى الكليه نفسها بعد التخرج ، و اخد درجة الدكتوراه فى التربيه البدنيه ، و دلوقتى بيشتغل استاذ فى الكليه نفسها .^[8] كان بيلعب فى فريق النادى الاهلى الرياضى. شكل ناجى اسعد مع زملاته هشام فؤاد جريس ، حسن احمد حماد و محمد نجيب حامد واحد من اقوى الفرق المصرية فى الرمى .وبعد ما بطل لعب اشتغل فى البحرين مدرب لفريق العاب القوى البحرينى ، و رجع مصر فى التسعينيات اشتغل مدير فنى لفريق المنتخب المصرى فى العاب القوى.

مدرسة الرمى

د. ناجى اسعد كمان بيعتبر احسن مدربين الرمى فى مصر^[9] المدير الفنى للمنتخب الوطنى للشباب و وصفه أشرف بكير رئيس اتحاد العاب القوى المصرى بأنه صاحب الفضل الاول فى الحصول على البطولة الافريقية للعبة تحت 20 .

د. ناجى اسعد حط قواعد مدرسة الرمى المصريه الحديثه,^[10][11] أثمر بعد عمل سنتين ميدالية فضية وميدالية برونزية فى بطولة العالم تحت18 سنة, ومن الانجازات كمان فى البطولة الافريقية لالعاب القوى 2007, تم اختيار ناجى اسعد مدربا لمنتخب الرمى فى افريقيا^[12]

دفع الجلة

• مرتين بطل افريقيا فى دفع الجلة 1979 ، 1982
• الميداليه الذهبية فى دفع الجلة فى دورة العاب البحر المتوسط سنة 1971 ، فى أزمير (تركيا)
• الميداليه الذهبية مرتين فى دفع الجلة فى دورة الالعاب الافريقية سنة 1973 نيجيريا وسنة 1978 والجزائر
• الميداليه الذهبية مرتين فى دفع الجلة شرق ووسط افريقيا بطولات 1981 و 1982 .
• الميداليه الذهبية فى دفع الجلة سنة 1980 بطولة جرس الحرية البطوله البديله اللى اترتب للامم اللى قاطعت الالعاب الاولمبيه سنة 1980
• الميداليه الفضيه فى دفع الجلة فى دورة العاب البحر المتوسط سنة 1979 ، يوجوسلاڤيا

رمى القرص

• الميداليه الفضيه فى رمى القرص دورة العاب البحر المتوسط سنة 1971 ، ازمير (تركيا)
• الميداليه الفضيه فى رمى القرص فى دورة الالعاب الافريقية نيجيريا ، 1973.

مواضيع مرتبطة

• دورة الالعاب الافريقية
• دورة العاب البحر المتوسط
• البطولات الافريقيه فى العاب القوى
• لستة ابطال افريقيا لألعاب القوى

مصادر

1. http://digilander.libero.it/Mennea/Stagionali/WRL/1979/SP.htm
2. http://193.227.34.212/peducationboys/Kinesiology/Staff_Kinesiology.html
3. Lista Anno
4. Watani: ناجى أسعد ..عملاق العاب القوى
5. African Athletic Champions, GBR Athletics website
6. "Alaraby article". مؤرشف من الأصل في 2007-08-22. اطلع عليه بتاريخ 2008-08-04.
7. "Alaraby article". مؤرشف من الأصل في 2007-10-23. اطلع عليه بتاريخ 2008-08-04.
8. "Faculty of Physical Education websit in Arabic". مؤرشف من الأصل في 2020-04-06. اطلع عليه بتاريخ 2008-08-04.
9. "Aaraby article 26/09/04". مؤرشف من الأصل في 2007-09-27. اطلع عليه بتاريخ 2008-08-04.
10. "elakhbar". مؤرشف من الأصل في 2008-06-23. اطلع عليه بتاريخ 2008-08-04.
11. "alaraby". مؤرشف من الأصل في 2020-03-28. اطلع عليه بتاريخ 2008-08-04.
12. "elmasri". مؤرشف من الأصل في 2016-03-18. اطلع عليه بتاريخ 2021-04-20.