Cluster 5 أو كلاستر 5 هيا أو كانت طفرة لكوڨيد-19 الفايروس المسؤول عن وباء فيروس كورونا 2019–2020 اكتشفت فى شمال يوتلاند، الدنمارك. بيعتقد إنها حصلت فى حيوانات المينك واتنقلت للبشر فى مزارع المينك. أعلنت الحكومة الدنماركية فى 4 نوفمبر 2020 عن حملة قتل رحيم لحيوانات المينك عشان تقلل انتشار الطفرة وتقليل احتمال حدوثها مرة تانية، والسفر من و لسبع بلديات لشمال يوتلاند اتحظر عشان منع انتشار الطفرة. فى 19 نوفمبر 2020 أعلن معهد State Serum Institute أو (SSI) إن الطفرة تعتبر منقرضة بكل المقاييس.[1]
الطفرة عندها حساسية أقل للأجسام المضادة، وحزرت منظمة الصحة العالمية من إن الطفرة ممكن تقلل من فعالية تطعيمات كوڨيد-19 اللى بتتطور.[2]
الدنيمارك كانت اكبر مصدر لفرو المينك فى 2019 و أغلبية المزارع اللى بتصدره موجودة فى شمال وغرب يوتلاند.[3] أول حالات نقل لكوڨيد-19 من المينك للبشر اتسجلت فى نيديرلاند، والى خلى الحكومة النيديرلاندية تصدر قرار بمنع زراعة حيوانات المينك فى أواخر 2020.[4][5][6][7] بعد اكتشاف قابلية النقل فى هولندا ابتدت الحكومة الدينماركية برامج مراقبة لكل مزارع المينك اللى فى حدود دولتها. أكدت وزارة الزراعة الامريكانيه (USDA) إن اتسجلت حالات كوڨيد-19 فى حيوانات المينك فى يوتا فى اغسطس 2020، وفى ميشيجان، ويسكونسون، وأوريجون. اتسجلت حالات إصابة بكلاستر 5 فى 29 نوفمبر 2020 فى الدنمارك، إطاليا، هولندا، أسبانيا، السويد، وأمريكا. فى 5 نوفمبر، اتسجلت 12 حالة إصابة بشرية بطفرة كلاستر 5.[2][8][9][10]
{{cite web}}
: Cite uses generic title (help)
{{cite web}}
: |last2=
has numeric name (help)CS1 maint: numeric names: authors list (link)
{{cite web}}
: |last=
has generic name (help)