ابو ظبى

ابو ظبى
(بالعربى: ابوظبي)  تعديل قيمة خاصية الاسم الرسمي (P1448) في ويكي بيانات
 
ابو ظبى
ابو ظبى
علم
الاسم الاصلى (بالعربى: ابوظبي)  تعديل قيمة خاصية الاسم الاصلى (P1705) في ويكي بيانات
على اسم أب [1]  تعديل قيمة خاصية سُمِّي باسم (P138) في ويكي بيانات
البلد
الامارات [2]  تعديل قيمة خاصية البلد (P17) في ويكي بيانات
عاصمه لـ
الامارات
امارة ابوظبى   تعديل قيمة خاصية عاصمة لـ (P1376) في ويكي بيانات
التقسيم الادارى امارة ابوظبى   تعديل قيمة خاصية بتقع فى التقسيم الادارى (P131) في ويكي بيانات
المدينه التوأم
الارض و السكان
احداثيات 24°27′04″N 54°23′49″E / 24.451111111111°N 54.396944444444°E / 24.451111111111; 54.396944444444 [5]  تعديل قيمة خاصية الإحداثيات (P625) في ويكي بيانات[6]
القاره اسيا   تعديل قيمة خاصية القارة (P30) في ويكي بيانات
مسطحات مائيه قريبه الخليج الفارسى   تعديل قيمة خاصية موجود بالقرب من المسطح المائي (P206) في ويكي بيانات
المساحه
الارتفاع عن
مستوى البحر(م)
اللغه رسميه عربى   تعديل قيمة خاصية اللغه الرسميه (P37) في ويكي بيانات
التعداد السكانى
الحكم
رئيس الحكومة محمد أبن زايد آلنهيان (14 مايو 2022–)  تعديل قيمة خاصية رئيس الحكومه (P6) في ويكي بيانات
التأسيس والسيادة
بيانات تانيه
رمز الاتصال الهاتفى المحلى 00971  تعديل قيمة خاصية رمز الاتصال الهاتفي المحلي (P473) في ويكي بيانات
الموقع الرسمى الموقع الرسمى  تعديل قيمة خاصية الويبسايت الرسمى (P856) في ويكي بيانات
خريطة
تعديل مصدري - تعديل  طالع توثيق القالب

مدينة ابوظبى (بتتنطق فى الامارات بوظبى) هى عاصمة دولة الامارات. المدينه مركزها على جزيرة ابوظبى، وليها امتداد على الارض والجزر اللى حواليها. وفيها رياسة الدوله ورياسة مجلس الوزرا والسفارات المعتمده لدولة الامارات. وبتعتبر برضو مقر لحاكم ابوظبى ولولى عهده ورئيس المجلس التنفيذى. مع ان الامارة غنية بالبنزين، بتحاول ابوظبى دلوقتى انها تنوع اقتصادها باستثمارات فى المجال الاقتصادى والمجال السياحي، وبتضم الامارات عموما ومدينة ابوظبى خصوصا اعلى نسبة الاغنياء فى العالم و زاد عددهم عن 75 الف مليونير يعنى بنسبة 8.8%, وبتزيد الثروة بنسبة 16% كل سنة.[7] وبحسب سى ان ان ومقياس فورتشن فهى اغنى مدينة فى العالم.[8]

تاريخ حكم ال نهيان - حكام ابو ظبى

[تعديل]
  • 1761 - 1793 الشيخ ذياب بن عيسى ال نهيان (اول حاكم لابوظبى و مقره فى ليوا)
  • 1793 - 1816 الشيخ شخبوط بن ذياب ال نهيان (اول واحد نقل مقر الحكم  لـجزيرة ابوظبى)
  • 1816 - 1818 الشيخ محمد بن شخبوط ال نهيان
  • 1818 - 1833 الشيخ طحنون بن شخبوط ال نهيان
  • 1833 - 1845 الشيخ خليفه بن شخبوط ال نهيان
  • 1845 - 1855 الشيخ سعيد بن طحنون ال نهيان
  • 1855 - 1909 الشيخ زايد بن خليفه ال نهيان (زايد الكبير)
  • 1909 - 1912 الشيخ طحنون بن زايد ال نهيان
  • 1912 - 1922 الشيخ حمدان بن زايد ال نهيان
  • 1922 - 1926 الشيخ سلطان بن زايد ال نهيان
  • 1926 - 1928 الشيخ صقر بن زايد ال نهيان
  • 1928 - 1966 الشيخ شخبوط بن سلطان ال نهيان (فى عهده بداو يطلعوا البترول فى امارة ابوظبى)
  • 1966 - 2004 الشيخ زايد بن سلطان ال نهيان (مؤسس اتحاد دولة الامارات العربية المتحدة)
  • 2004 - 2022 الشيخ خليفة بن زايد ال نهيان (حاكم امارة ابوظبى و رئيس دولة الامارات العربية المتحدة التانى)
  • 2022 - لدلوقتى الشيخ محمد بن زايد ال نهيان (حاكم امارة ابوظبى و رئيس دولة الامارات العربية المتحدة دلوقتى)

تاريخ ابوظبى

[تعديل]

كان سكان ابوظبى القدام عايشين في العين وليوا واراضى الظفرة وبيعتمدو فى حياتهم على رعى الجمال وقطف ثمر التمور وصيد الاسماك واللؤلؤ، وبيسافرو بمواشيهم دايم للمكان اللى فيه ميه. وفى اول الثلاثينات كان الوصول لمدينة ابوظبى  عن طريق مش مباشر، من الصحرا فى الشرق من العين والغرب الجنوبى من ليوا (المارية دلوقتي)، و كانت الميه ناحية شطوط المدينة. اما الارض فكان السفر فيها على ظهور الجمال واحيانا بالعربيات بس كانت قليلة جداً، وعشان كدة كان وصول الاكل والميه مشكلة بالنسبة للسكان علشان قلتها، و كانت توصل من راس الخيمة. فى اواخر الاربعينات و اول الخمسينات، بقت معظم عمارات ابوظبى فى حالة متدمرة، عشان العصر الذهبى للتجارة خلص فى العشرينات و التلاتينات، فى اخر انهيار صناعة اللؤلؤ الطبيعى بعد ما ظهر لؤلؤ صناعى واللى كانت تعتبر المصدر الرئيسى لمصاريف السكان فى ابوظبى. و كانت اسواق المدينة صغيرة، من اشهر الحاجات اللى كانت بتتباع فى السوق، منتجات الاكل الرئيسية، بدل حاجات تانية مستوردة، وساعد السوق السكان المحليين بحاجات زى الخضار والفاكهة والفحم والمواشي، اللى كانت بتتنقل على ظهور الجمال من المناطق الجوانيه، و كانت ميزة نقل البضايع عن طريق البحر على مجموعة قليلة من السكان اللى عايشين فى بعض المناطق الرئيسية، وفى مواسم معينة، وبيستفادو من تعدية المراكب اللى بتشتغل فى مجال صيد اللؤلؤ، و كان التمر (الرطب) بيزرعوه محلي، مع وجود شوية اشجار النخل اللى موجودة فى كل مكان، بس مكانش من النوعية الممتازة، ومكانش بيستوى بدرى زى تمر المناطق اللى الجو فيها حر اكتر زى الجنوب. و كان لكل بلد صغيرة او قرية على امتداد الساحل المتصالح (كان معروف بالاسم دا لحد اواخر الستينات) سوقها الخاص، وبرضو بالنسبة للتجمعات السكانية الداخلية. و كانت الاسواق دى قريبة من بعضها فى الحجم، الا ان كل سوق كان له اهمية خاصة بالنسبة للسكان اللى بيستفيدو منه فى سباق صراع البقاء اللى كان فى البيئة الصعبة دي. و كانت الدكاكين متضللة بسعف النخل علشان تعمل ضل للناس اللى بتشترى من السوق، واحيان كان بعض التجار بيعملو ابراج هوائية من اعمدة بيجيبوها من جذوع اشجار القرم، وبتتغطى باكياس الخيش، و كان فى السوق مصاطب صغيرة بيحطو عليها البياعين بضايعهم، ومن ناحية تانية كانت حمولات السمك اللى جاية من البحر بتتحط برة السوق، ونفس الكلام بالنسبة للبضايع اللى حجمها كبير زي الاخشاب اللى بيستخدموها فى بنى السفن، و كانت اسعار البضايع مختلفة حسب مكان عرضها. وكانت الروبية الهندية هى العملة المنتشرة وقتها ،وكانت دبى مركز جذب لكل اللى تساعده رحلاته من البدو على الوصول ليها، و كان العمال من جنسيات كتيرة زي العرب والايرانيين والبلوش والافارقة والباكستانيين والهنود. وفى ستة اغسطس سنة 1966 م، استلم الحكم فى امارة ابوظبى المغفور له الشيخ زايد بن سلطان آل نهيان وحكمه عمل البداية الحقيقية للنهضة، واللى وجهِّت بعمل اتحاد دولة الامارات العربية المتحدة فى اتنين ديسمبر سنة 1971 م.

الموقع الجغرافى

[تعديل]
صورة لمدينة ابوظبى (جزيرة ابوظبى) اتصورت بالاقمار الصناعية سنة 2003

الجزء الاهم من مدينة ابوظبى او المركز موجود على جزيرة ابوظبى اللى هى اكبر جزر الامارات، ومرتبطة بالارض عن طريق اربعة جسور, اللى هما:

  • كوبرى المقطع
  • كوبرى المصفّح
  • كوبرى الشيخ زايد
  • كوبرى الشيخ خليفة الجديد اللى بيوصل المدينة بجزيرة السعديات، ورغم قصر الكبارى الا ان وجودهم بيحافظ على استمرار ابوظبى جزيرة منفصلة، حواليها ميه البحر من كل الجهات بما انها جزيرة، علشان كدة كترت فيها الشطوط والمتنزهات اللى بتطل على البحر.

ابوظبى دلوقتى

[تعديل]

بعد ظهور البترول، ابتدت ابوظبى مرحلة تاريخية جديدة، وملحمة بطولية جامدة مع البنى والتطور، والفضل كان للمغفور له الشيخ زايد بن سلطان ال نهيان. ودلوقتى بيحكم الامارة الشيخ خليفة بن زايد ال نهيان رئيس دولة الامارات اللى استلم الحكم بعد وفاة المغفور له والده الشيخ زايد فى نوفمبر 2004 اللى كان له دور جوهرى فى بنى الدولة. مساحة ابوظبى 67.340 كيلو متراً مربع، الامارة ليها امتداد حوالى 200 كيلو متر، والمساحة دى حوالى 86.67% من مجموع مساحة الامارات، امارة ابوظبى بتتميز بانها اكبر مساحة بين الامارات السبعه. .وبتتجزا امارة ابوظبى اللى اتسمت بالاسم دة لانها كانت مكان انتشار الظباء،  لتلت اجزاء رئيسة، الجزء الاول اللى هو مدينة ابوظبى وهى عاصمة دولة الامارات العربية المتحدة ومقر الرياسة. اما الجزء التانى اللى هو الجزء الشرقى من الامارات وهى مدينة العين. اما الجزء التالت اللى هو الجزء الغربى اللى فيه المناطق والجزر اللى تبع امارة ابوظبى زى دلما، صير بنى ياس، وجزيرة داس ومبرز وزركو وابو الابيض والمناطق الساحلية والداخلية زي مدينة زايد والمرفا وغياثى وواحات ليوا.

وبتتمركز فى مدينة ابوظبى الوزارات والمؤسسات الاتحادية والسفارات والبعثات الدبلوماسية العربية والاجنبية، وبتتميز المدينة بنضافة وشوارعها الواسعة، وهدوئها، وكتر حدايقها ومبانيها وابراجها الحديثة، وكورنيشها واسواقها، وشطوطها.

العمارة

[تعديل]
ناطحات السحاب فى ابوظبى.

الكثافة السكانية فى ابوظبى بتختلف من منطقة للتانية فمناطق وسط المدينة بتتميز بالزحمة السكانية والمرورية وكل ما بعدت عن المدينة بتبدا الكثافة السكانية تقل باتجاه الضواحى علشان كدة معظم مبانى وسط المدينة بتكون من الابراج القصيرة والابراج العالية او ناطحات السحاب . الابراج ناطحة السحاب فى ابوظبى زي:

  1. مبنى جهاز ابوظبى للاستثمار.
  2. الفرع الرئيسى لبنك ابوظبى الوطني.
  3. برج مؤسسة الاتصالات الاماراتية.
  4. ابراج الاتحاد.
  5. مشروع الابراج فى جزيرة الريم.
  6. مركز ابوظبى للتجارة العالمي

رؤية ابوظبى 2030

[تعديل]

هو مخطط عمرانى علشان يطورو مدينة ابوظبى، واتجهز المشروع بالتعاون مع فريق عالمى للتخطيط العمراني، بالاضافة لضم نخبة من اشهر خبرا التخطيط والتطوير العمرانى فى العالم. الرؤية بتضم مجموعة من المشاريع اللى اتخططلها لبنى مدينة جديدة فى ابو ظبى بما فيها البنية التحتية وكل المشاريع العقارية بتكلفة 200 مليار دولار امريكي.[9] الرؤية هدفها عمل مشاريع الاستدامة او التنمية المسدامة.

الاشراف على المشروع

[تعديل]

بيشرف على المشاريع دي مجلس ابوظبى للتخطيط العمراني و نسبه مساهمة الحكومة فى المشاريع دى حوالى 40% من اجمالى التكلفة والقطاع الخاص المفروض يغطى النسبة الباقية. اتحطت المخططات دى علشان يوسعوا الامارة وتكفى اكتر من 3 ملايين انسان . عدد السكان الاجمالى لمدينة ابوظبى وضواحيها حوالى 900,000 انسان . من مجموع 1,600,000 انسان تقريبا اللى هو مجموع سكان امارة ابوظبى.

بداية الشغل

[تعديل]

بدا الشغل فى تنفيذ المشاريع دى بالاعمال الانشائية والبنية التحتية لمشروع طريق الشهامة - السعديات السريع واللى اتسمى شارع الشيخ خليفة السريع، بتكلفة 1.4 مليار دولار، وبيوصل الشارع بين جزيرة ابوظبى والشهامة والجزر ياس والسعديات بطول 27 كم، وبيتكون من عشر حارات, وخلص الشغل فى واتفتح فى 15 اكتوبر 2009. المشروع دة من المراحل المهمة لخطة ابوظبى 2030.

مدينة خليفة الجديدة

[تعديل]

 برضو مدينة خليفة الجديدة هتكون المقر الجديد للوزارات والهيئات والمؤسسات الاتحادية والدوائر المحلية، وهتتوفر فيه كل المرافق الحيوية زى اماكن السكن والاقامة والمولات والمراكز العلاجية والخدمية علشان تخفيف الضغط عن جزيرة ابوظبى. وركزت الامارات على ان تجهيز خطة 2030 بيسد حاجة امارة ابو ظبى لتخطيط دقيق ومدروس، علشان التطور فى النواحى الاقتصادية والنمو السكانى اللى بيزيد، و ماتر فرص الشغل فى مجالات كتيرة، ودة اللى خلى الامارة قبلة للاستثمار والمستثمرين بسبب الامن والامان اللى بتتميز بيه الامارات.

شبكة لسكة الحديد

[تعديل]

من ضمن الخطة بناء شبكة سكك حديد داخلية وخط مترو، بالاضافة لتوسيع الجزء الداخلى منها فى شبكة من الطرق القريبه للجزر، وده اللى هايساعد فى بناء منطقة تجارية جديدة متركزة على جزيرة الصوة والريم، وده اللى هايساعد فى الحفاظ على الطبيعة بالاضافة لمساكن المواطنين وشوارع جميلة للسير ومرافق محلية ووسايل للنقل الجماعي.

طرق سريعة

[تعديل]

وهدف مشروع الطرق والنقل والمواصلات هو الخطة الشاملة علشان يعملو بنية تحتية تعيش فترة طويلة للطرق والمواصلات ، وبتتركز فى شبكة نقل امنة وجديدة ومتطورة بتربط مدينة ابو ظبى بالمناطق اللى حواليها، وبتدعم النهضة الشاملة اللى فى كل المجالات، بتسهيل حركة الافراد والجماعات والبضايع فى كل وسايل النقل ومن ضمنها المترو والنقل المائي.

حلبة مرسى ياس

[تعديل]

بتتميز حلبة مرسى ياس عن باقى الحلبات "الفورمولا F1" فى العالم بانها صاحبة اطول طريق سباق مستقيم، وبـ 21 حواداية، ودة اللى بيخلى المجال مفتوح للسرعات العالية والمتابعة الحماسية. برضو حوادايات الحلبة على امتداد جزيرة ياس وبتعدى تحت فندق ياس فايسروي, الحركة دى بتجذب كلّ اللى بيتابعو السباق وبتزيد من متعة وحيوية الفرجة.

التوامه

[تعديل]

شوف كمان

[تعديل]

المراجع

[تعديل]
  1. ↑ The World Factbook — تاريخ الاطلاع: 23 يناير 2021 — المؤلف: وكالة المخابرات الأمريكية — الناشر: وكالة المخابرات الأمريكية و مكتب النشر لحكومة الولايات المتحدة
  2. ↑ مُعرِّف مكان في موقع "أرش إنفورم" (archINFORM): https://www.archinform.net/ort/8074.htm — تاريخ الاطلاع: 6 اغسطس 2018
  3. ↑ http://en.sistercity.info/sister-cities/Minsk.html
  4. ↑ Abu Dhabi, United Arab Emirates & Houston, Texas
  5. ↑ أ ب مُعرِّف الأسماء الأرضية (GeoNames): https://www.geonames.org/292968
  6. ↑   تعديل قيمة خاصية مُعرِّف علاقة على خريطة الشَّارع المَفتُوحة (OSM) (P402) في ويكي بيانات "صفحة ابو ظبى فى خريطة الشارع المفتوحة". OpenStreetMap. اطلع عليه بتاريخ 2024-12-10.
  7. ↑ "موقع الجزيرة". مؤرشف من الأصل في 2011-12-17. اطلع عليه بتاريخ 2015-12-04.
  8. ↑ Gimbel، Barney (12 مارس 2007). "The richest city in the world. (No, it's not Dubai.) - March 19, 2007". Money.cnn.com. اطلع عليه بتاريخ 2012-02-23.
  9. ↑ جريدة الحياة[permanent dead link]
  10. ↑ "Archive copy". اطلع عليه بتاريخ 2015-12-04. {{استشهاد ويب}}: الوسيط |archive-url= بحاجة لـ |تاريخ أرشيف= (مساعدة)صيانة الاستشهاد: الأرشيف كعنوان (link)
  11. ↑ "Archive copy". اطلع عليه بتاريخ 2015-12-04. {{استشهاد ويب}}: الوسيط |archive-url= بحاجة لـ |تاريخ أرشيف= (مساعدة)صيانة الاستشهاد: الأرشيف كعنوان (link)
  12. ↑ [1]
  13. ↑ "Archive copy". مؤرشف من الأصل في 2017-05-25. اطلع عليه بتاريخ 2015-12-04. {{استشهاد ويب}}: الوسيط |archive-date= و|تاريخ الأرشيف= تكرر أكثر من مرة (مساعدة)، الوسيط |archive-url= و|مسار الأرشيف= تكرر أكثر من مرة (مساعدة)، الوسيط غير المعروف |URL الأرشيف= تم تجاهله (مساعدة)، الوسيط غير المعروف |تاريخ الارشيف= تم تجاهله (مساعدة)، والوسيط غير المعروف |مسار الارشيف= تم تجاهله (مساعدة)صيانة الاستشهاد: الأرشيف كعنوان (link)
  14. ↑ أ ب "Archive copy". مؤرشف من الأصل في 2020-01-10. اطلع عليه بتاريخ 2015-12-04. {{استشهاد ويب}}: الوسيط |archive-date= و|تاريخ الأرشيف= تكرر أكثر من مرة (مساعدة)، الوسيط |archive-url= و|مسار الأرشيف= تكرر أكثر من مرة (مساعدة)، الوسيط غير المعروف |URL الأرشيف= تم تجاهله (مساعدة)، الوسيط غير المعروف |تاريخ الارشيف= تم تجاهله (مساعدة)، والوسيط غير المعروف |مسار الارشيف= تم تجاهله (مساعدة)صيانة الاستشهاد: الأرشيف كعنوان (link)
  • [2]
  • [3][permanent dead link]
  • [4] جريدة الاتحاد، كوبرى وشارع الشيخ خليفه الجديدان شريان يربط ابوظبى بانحاء الدوله