ادسنس
 | |
|---|---|
| نوع السايت | خدمة اعلانات |
| مين صاحبها | جوجل |
| الحاله | شغال |
AdSense (ادسنس) هو خدمة اعلانات من شركة جوجل. الخدمه بتخلى اصحاب المواقع ينزلو اعلانات كتابه و صور و فيديو على موقعهم عن طريق جوجل. الاعلانات جوجل بيبعتها بنفسه للمواقع بعد ما بيشوف نوع الموقع و ايه الاعلانات اللى تناسبه.
اصحاب الموقع مش بيتحكمو مباشرة فى الاعلانات اللى بتظهر على موقعهم، لكن بيتحكمو بطريقه غير مباشره، لما يكتبو صفحات موقعهم عن موضوع معين، جوجل ادسنس بيختار الاعلانات اللى تناسب الموضوع اللى الموقع بيتكلم فيه. لكن اكثر من جهه قالت ان الجوجل ادسنسن بيظعر اعلانات مختلفه شويه عن موضوع الموقع، و ده بيخلى نسبه الزوار اللى بيضغطو على الاعلانات قليله، و بالتالى بيكون الربح قليل.
بدايه
[تعديل]سنه 1998 شركه اسمها اوينجو فى لوس انجيليس فى كاليفورنيا، امريكا، عملت نظام اعلانات اسمه وردنت. بعدها فضلو يطورو فيه. بعدها بفتره الشركه غيرت اسمها لابلايد سيمانتيك، و جوجل اشترى الشركه دى سنه 2003 بـ 102 مليون دولار امريكي.
انواع
[تعديل]1 جوجل ادسنس للفيدز 2 جوجل ادسنس للمحتويات 3 جوجل ادسنس لمحتويات الموبايل 4 جوجل ادسنس للدومين 5 جوجل ادسنس للفيديو
ازاى بيشتغل؟
[تعديل]1 صاحب الموقع بيحط جافا اسكريبت على الموقع بتاعه، جوجل بيكون عطاهاله 2 كل ما حد يدخل على الموقع، الجافا اسكريبت دى بتطلب موقع جوجل و بتاخد منه اعلانات ليها علاقه بمحتوى الصفحه. 3 لو الزائر ضغط على الاعلان، الجافا اسكريبت بتوصله و جوجل بيدى له 60% من الربح.
تكلفة الاعلان
[تعديل]جوجل متكتم جدا على اسعار الاعلانات، فى السنين اللى فاتت ناس كتير نزلو كتب بتتكلم على اسعار الاعلانات، لكن مفيش اى معلومات رسميه من جوجل بتحدد تمن الضغط على الاعلانات. و كمان اتفاقيه جوجل بتمنع اصحاب المواقع انهم يقولو نسبه الفلوس اللى بياخدوها على الالف زياره لاعلاناتهم.
المصدر
[تعديل]- الموقع بتاع جوجل ادسنس الرسمي
- ادوات تساعدك تكتر ارباحك على الجوجل ادسنس و تخليك تراقبها بسهوله، مدونة "موقع" باللغه المصريه
- اكسب من الجوجل ادسنس، نصايح لاصحاب الموقع اللى عايزين ينزلو اعلانات جوجل ادسنس، مدونة "موقع" باللغه المصريه
- ادوات تساعدك علشان تركب اعلانات الجوجل ادسنس على مدونة وردبريس مدونه "موقع" باللغه المصريه
