ارثر سيسيل البورت

ارثر سيسيل البورت
معلومات شخصيه
الميلاد 25 يناير 1880 [1]  تعديل قيمة خاصية تاريخ الولاده (P569) في ويكي بيانات


بيوفورت ويست   تعديل قيمة خاصية مكان الولاده (P19) في ويكي بيانات

الوفاة 17 ابريل 1959 (79 سنة)[2][1]  تعديل قيمة خاصية تاريخ الموت (P570) في ويكي بيانات


لندن   تعديل قيمة خاصية مكان الموت (P20) في ويكي بيانات

مواطنه
جنوب افريقيا   تعديل قيمة خاصية الجنسيه (P27) في ويكي بيانات
ابناء كوثبيرت الپورت [3]  تعديل قيمة خاصية الابن (P40) في ويكي بيانات
الحياه العمليه
المدرسه الام جامعة ادنبره   تعديل قيمة خاصية اتعلم فى (P69) في ويكي بيانات
المهنه دكتور   تعديل قيمة خاصية الوظيفه (P106) في ويكي بيانات
اللغات المحكيه او المكتوبه انجليزى   تعديل قيمة خاصية اللغه (P1412) في ويكي بيانات
تعديل مصدري - تعديل  طالع توثيق القالب

ارثر سيسيل البورت Arthur Cecil Alport كان دكتور من جنوب افريقيا.

حياته

[تعديل]

ارثر سيسيل البورت من مواليد يوم 25 يناير سنة 1880 فى بيوفورت ويست, بمنطقة كارو فى مقاطعة كيب الغربيه بجنوب افريقيا, سافر بريطانيا عشان يدرس طب و بعد تخرجه فى جامعة ادنبره سنة 1905, رجع بلده و اشتغل بالطب فى جوهانسبرج و كان عنده فيها منجم صغير للدهب عرف بعدين انه موش منتج,[4] و فضل يشتغل فى جوهانسبرج تسع سنين.[5]

خدم البورت فى الفيلق الطبى بالجيش الملكى البريطانى فى جنوب غرب افريقيا الالمانيه بعدين فى مقدونيا و سالونيكى و اشتغل فى الفترتين دول اخصائى للامراض الباطنة بمستشفى هربرت الملكى فى ضاحية وولويتش اللندنيه.[6] اتسرح البورت بعد ما الحرب العالمية الاولى خلصت برتبة ميجور (رائد),[5] و اشتغل ممارس سنة فى ريف انجلترا,[5] و بعدين اخصائى لامراض المناطق الحارة فى وزارة المعتزلين بلندن, و فى اكتوبر 1921 بدا يشتغل تحت رئاسة البروفيسور فردريك صمويل لانجميد (1879 ـ 1969) مدير مساعد لوحدة الامراض الباطنة اللى كانت اتعملت قريب فى مستشفى سانت مارىى فى بادنجتون, و هوا الموقع اللى اشتغل فيه 14 سنه.[4]

شغله بمصر و انتقاده لمنظومتها الصحيه

[تعديل]

فى سنة 1937 البورت جيه القاهرة ـ بنصيحة السير الكسندر فليمنج ـ و اشتغل استاذ للطب الاكلينيكى بمدرسة طب قصر العينى بجامعة فؤاد الاول. و انصدم البورت من اللى شافه من الاحتيال و عدم الامانه و الفساد فى المستشفيات المصرية وقتها و الاهمال اللى بيتعرض له الفقرا من المرضى و حاول يصلح المنظومة.[4]

كانت الاحوال دى هيا موضوع كتابه "عدل ساعة: الكتاب الاسود عن المستشفيات المصريه", و هوا كتيب طبعه البورت على حسابه الخاص و قال فى مقدمته انه اقتبس عنوانه من حديث للنبى "عدل ساعة خير من عبادة سبعين سنه".[7] و اللى كان بيتكلم عن المحاولات اللى عملها المصريين لاصلاح المنظومه الصحيه فى النصف الاول من القرن العشرين بس البورت كان حاسس ان زمايله البريطانيين خذلوه فى مسعاه الاصلاحى و داه هلاه يقدم استقالة من زمالة كلية الاطباء الملكية بلندن سنة 1947.[4]

كتابه اترجم للعربية و نشرته دار الهلال المصريه فى فبراير 2009 بعنوان "ساعة عدل واحدة: الكتاب الاسود عن احوال المستشفيات المصرية 1937 ـ 1943" بترجمة سمير محفوظ بشير.

الدراسه

[تعديل]

درس فى جامعة ادنبره.

من مؤلفاته

[تعديل]
  • الملاريا وعلاجها بالانجليزى: Malaria and Its Treatment, خلاصة تجربته مع الملاريا سنة 1915.
  • ساعة واحدة من العدل: الكتاب الاسود عن المستشفيات المصرية بالانجليزى: One Hour of Justice: The Black Book of the Egyptian Hospitals, عن تجربته مع فساد المنظومة الصحية فى مصر فى اواخر التلاتينات وبدايات الاربعينيات من القرن العشرين.

وفاته

[تعديل]

اتوفى البورت فى مستشفى سانت مارى بلندن سنة 1959, بعمر 79 سنه.[8]

لينكات برانيه

[تعديل]

مصادر

[تعديل]
  1. ↑ أ ب معرف طبيب في من سمى هذا؟: http://www.whonamedit.com/doctor.cfm/184.html — باسم: Arthur Cecil Alport — تاريخ الاطلاع: 9 اكتوبر 2017 — المخترع: اوليه دانيال انرسن
  2. ↑ مُعرِّف شخص في موقع "النُبلاء" (thepeerage.com): https://wikidata-externalid-url.toolforge.org/?p=4638&url_prefix=https://www.thepeerage.com/&id=p4417.htm#i44168 — باسم: Arthur Cecil Alport — تاريخ الاطلاع: 9 اكتوبر 2017 — المؤلف: داريل روجر لوندي — المخترع: داريل روجر لوندي
  3. ↑ المؤلف: داريل روجر لوندي — المخترع: داريل روجر لوندي
  4. ↑ أ ب ت ث whonamedit: Arthur Cecil Alport Archived 2016-05-31 at the Wayback Machine
  5. ↑ أ ب ت أرثر سيسيل ألبورت: ساعة عدل واحدة: الكتاب الأسود عن المستشفيات المصرية. ترجمة: سمير محفوظ بشير؛ دار الهلال، 2009
  6. ↑ Obituary: A. C. Alport, MD, FRCP. Br Med J. May 2, 1959. P. 1191-2
  7. ↑ فى الحديث: يا أبا هريرة، عدل ساعة احسن من عبادة ستين سنة قيام ليلها، وصيام نهارها..."، و هو حديث ضعفه الألبانى فى ضعيف الترغيب والترهيب
  8. ↑ British Medical Journal Obituary. May 2, 1959


ارثر سيسيل البورت على مواقع التواصل الاجتماعى
ارثر سيسيل البورت فى المشاريع الشقيقه