الثقافه فى مصر
| الحياه فى مصر |
|---|
 |
| الثقافة |
| القانون والحقوق |
| الجغرافيا والسكان |
| السياسة |
| الاقتصاد |
| البنيه التحتيه |
الثقافه فى مصر عمرها آلاف السنين من التاريخ المتسجل و مصر القديمه كانت من أوائل الحضارات فى الشرق الأوسط و افريقيا و لآلاف السنين حافظت مصر على ثقافه فريده من نوعها و معقده و مستقره و اللى أثرت بدورها على الثقافات الى جت بعدها فى أوروبا, بعد الفتره الفرعونيه مصر بقت تحت تأثير الحضاره الهلنستيه لفتره من الزمن و بعدها اتأثرت بالثقافه المسيحيه.[1][2][3]
اللغات
[تعديل]اللغه العربيه هى اللغه الرسميه لمصر و جت مصر فى القرن السابع الميلادى [4] و اللغه المصريه هيا لغه التخاطب بين الناس و هى الأكتر انتشارا بسبب تأثير السينما و الإعلام المصريين فى العالم العربى. اليوم اللهجه المصريه اليوميه فيها كمان كلمات من الفرنسيه و الإيطاليه و اليونانيه و التركيه و الأرمنيه و الإنجليزيهبالاضافه لكلمات من لغاتها القديمه زى القبطيه و الديموتيه.
كانت اللغه المصريه فرع منفصل بين عائله اللغات الأفرو آسيويه و من أولى اللغات المكتوبه الأولى و هى معروفه من النقوش الهيروغليفيه المحفوظه على الآثار و أوراق البردى . اللغه القبطيه و هى المرحله الأخيره من اللغه المصريه و هى اليوم اللغه المقدسه للكنيسه القبطيه الأرثوذكسيه .
كانت لهجه "كونى" - و هى اللهجه المعتمده للمصريين - من اللغه اليونانيه المهمه فى الإسكندريه الهلنستيه و استخدمت فى الفلسفه و درسها علما اللغه العربيه.
فى وادى النيل حولين كوم أمبو وأسوان حوالى 300000 ناطق باللغات النوبيه معظمهم من النوبيين. و بيتم استخدام نوع من اللغات الأمازيغيه و هى تاسيويت و بيتكلم بيها حوالى 20,000 فى كل اماكن واحه سيوه و بتشمل الأقليات التانيه حوالى 60,000 من اللى بيتكلمو باللغه اليونانيه فى الإسكندريه و القاهره كمان حوالى 10,000 من اللى بيتكلمو بالأرمينيه.
الأدب
[تعديل]
تاريخ الأدب المصرى القديم بيرجع للمملكه القديمه فى الألفيه التالته قبل الميلاد و احسن المؤلفات الدينيه الباقيه هى النصوص الجنائزيه و بيعتبر أقدم أدب مصرى موجود هو نصوص الأهرام من الأساطير و الطقوس المنحوته حولين مقابر الحكام. بيتضمن الأدب الدنيوى لمصر القديمه نصوص الحكمه و أشكال التعليم الفلسفى.
كانت المملكه الوسطى بتزى العصر الذهبى للأدب المصرى و بعض النصوص البارزه بتشمل قصه نفرتيتى و تعليمات أمنمحات الأول , و حكايه سينوهى و قصه بحار غرقى السفن و قصه الفلاح الفصيح و كانت التعاليم أو النصائح نوع أدبى فى المملكه الحديثه و أخدت شكل نصيحه عن السلوك المناسب و بتعتبر قصه وينامون وتعليمات أنى من الأمثله المعروفه فى الفتره دى.
فى الفتره اليونانيه الرومانيه (332 ق.م. - 639 م) , تم ترجمه الأدب المصرى للغات تانيه و دمج الأدب اليونانى الرومانى مع الفن الأصلى فى أسلوب جديد للكتابه, من الفتره دى جيه حجر رشيد اللى بقى المفتاح لفتح أسرار الكتابه المصريه للعلوم الحديثه. كانت مدينه الإسكندريه العظيمه الشهيره ب فيها مكتبه فيها كتب مكتوبه بخط الايد عددها حوالى نص مليون كتاب فى القرن التالت قبل الميلاد. أنتج مركز التعلم بالإسكندريه كمان الترجمه اليونانيه للكتاب المقدس العبرى و السبعونيه .
فى القرون القليله الأولى من العصر المسيحى كانت مصر المصدر الأساسى لكثير من الأدب الزاهد باللغه القبطيه و الأديره المصريه ترجمت الكلمات اليونانيه والسريانيه و هى موجوده بسفى اللغه القبطيه.
فى الإسلام تابعت مصر سعيها أن تكون المصدر الكبير للأدب فى اللغه العربيه سنه 970 اتأسست جامعه الأزهر فى القاهره و اللى لسا لحد يومنا أهم مركز تعليم الإسلامي.
فى مصر فى القرن التناشر أنتج العالم اليهودى التلمودى ابن ميمون أهم أعماله.
فى الأزمنه المعاصره كان الروائيين و الشعرا المصريين من أوائل اللى جربو الأساليب الحديثه فى أدب اللغه العربيه و تم تقليد الأشكال اللى طوروها على نطاق واسع و كان منهم محمد حسين هيكل و نجيب محفوظ و نوال السعداوى و بيرم التونسى و أحمد فؤاد نجم و صلاح جاهين و عبد الرحمن الأبنودى .
الدين
[تعديل]
حوالى 75 ٪ من سكان مصر من المسلمين بأغلبيه سنيه. حوالى 22 ٪ من السكان مسيحيين أقباط . الأديان التانبه و غيرها من أشكال المسيحيه بتشكل التلاته فى الميه الباقيه.
الفن البصرى
[تعديل]الفن المصرى فى العصور القديمه
[تعديل]كان المصريين من أوائل الحضارات الكبرى اللى صنفت عناصر التصميم فى الفن و كانت اللوحات الجداريه فى زمن الفراعنه مدونه صارمه للقواعد و المعانى المرئيه. و بيتميز الفن المصرى المبكر بعدم وجود الرسم المنظورى.[5]
كان عند الفنانين المصريين الأوائل نظام للحفاظ على الأبعاد فى الشغل الفنى و استخدموا نظام الشبكه اللى سمح لهم بإنشاء نسخه أصغر من الشغل الفنى و بعدين رفع مستوى التصميم بناء على التمثيل النسبى فى شبكه اكبر.
الفن المصرى فى العصر الحديث
[تعديل]الفن المصرى الحديث والمعاصر متنوع زى أى أعمال فى المشهد الفنى العالمى. بعض الأسماء المشهوره بتشمل محمود مختار , عبد الهادى الجزار , فاروق حسنى.
العلوم
[تعديل]شملت المساهمات الثقافيه فى مصر أعمالا عظيمه فى العلوم و الفنون و الرياضيات و اللى بترجه للعصور القديمه و لحد العصر الحديث.
إمحوتب
[تعديل]يعتبر المهندس الاولانى و المهندس المعمارى و الطبيب الاولانى فى فى التاريخ إمحوتب هو اللى صمم هرم زوسر فى سقاره فى مصر حول 2630 - 2611 قبل الميلاد و ممكن يكون أول اللى استخدام الأعمده فى العماره و بيعتقد أن إمحوتب هو أسس الطب المصرى و هو مؤلف أول مخطوطه طبيه معروفه فى العالم وهى برديه إدوين سميث .
البطالمه والرومان فى مصر
[تعديل]مر طريق الحرير مباشره عبر الإسكندريه القديمه كمان كانت مكتبه الإسكندريه الملكيه اكبر مكتبه فى العالم و تم تأسيسها فى بدايه القرن التالت قبل الميلاد فى عهد بطليموس التانى فى مصر بعد ما أنشأها ابوه كمعبد أو متحف.
تعتبر مناره الإسكندريه واحده من عجائب الدنيا السبع فى العالم القديم اللى صممها سوستراتوس و اللى اتبنت فى عهد بطليموس الأول و كانت من معالم المدينه.
الرياضيات والتكنولوجيا
[تعديل]كانت الإسكندريه كونها مركز العالم الهلينستى أنتجت عدد كبير من علما الرياضيات و علما الفلك و علما زى ستيسيبيوس و ببس الرومى و ديوفانتوس الإسكندرى و جذبت العلما من كل اماكن البحر المتوسط زى إراتوستينس.
احمد زويل
[تعديل]
مقاله مفصله: احمد زويلأحمد زويل (من مواليد 26 فبراير 1946) هو كيميائى مصرى كسب بجائزه نوبل فى الكيمياء سنه 1999 عن اختراعه فى مجال كيمياء الفيمتو .
علم الآثار المصريه
[تعديل]فى العصر الحديث علم الآثار و دراسه تراث مصر القديم بقى مجال لعلم المصريات و من أهم المساعى العلميه فى البلد نفسه. ابتدا الحقل فى العصور الوسطى , و كان بقياده الأوروبيين و الغربيين فى العصر الحديث.
الرياضه
[تعديل]
كوره القدم هى الرياضه الاكتر شعبيه فى مصر و بتشتهر أنديه كوره القدم المصريه و خاصه الأهلى والزمالك فى كل اماكن قاره إفريقيا و بتتمتع بسمعه أبطال الرياضه من فتره طويله على المستوى الإقليمى.
فى الفتره ما بين 1930 و 1940 كانت مصر قوه فى رفع الأثقال والملاكمه و المصارعه و كسبت بالكتير من الميداليات فى الألعاب الأولمبيه والعالميه.
يتوفر كمان لعبه الهوكى الهوائى فى مصر .
بتتلقى الأنديه الرياضيه المحليه الدعم المالى من الحكومات المحليه.
وسايل الإعلام
[تعديل]السينما
[تعديل]ازدهرت السينما المصريه من تلاتينات القرن العشرين.[6] و عشان كده أطلق على العاصمه المصريه اسم "هوليود الشرق الأوسط" , و بيتعمل فيها مهرجان القاهره السينمائى الدولى اللى ليه شهره عالميه كل سنه. تم تصنيف المهرجان على ايد الاتحاد الدولى لجمعيات منتجى الأفلام على أنه من المهرجانات السينمائيه الـ 11 الراقيه فى كل اماكن العالم.[7]
تأثر معظم أعمال التيليڤزيون والسينما باللغه العربيه باللهجه المصريه , بسبب بساطتها. تعتبر صناعه السينما المصريه هى الاكبر جوه السينما الناطقه بالعربيه.[6]
المزيكا
[تعديل]المزيكا المصريه هى مزيج غنى من التأثيرات المصريه و الغربيه الأصليه. فى وقت مبكر من سنه 4000 قبل الميلاد كان المصريين القدماء بيعزفو على القيثارات والفلوت بالإضافه لأداتين محليتين: الناى والعود و الآلات الإيقاعيه.
بترجع بدايات المزيكا المصريه المعاصره فى الأعمال الإبداعيه لللمغنيين زى عبده الحامولى و سيد مكاوى و محمود عثمان اللى رعاهم جميعهم الخديوى إسماعيل و اللى أثروا فى الشغل اللاحق لسيد درويش و أم كلثوم ومحمد عبد وهاب وعبد الحليم حافظ وغيرهم من عمالقه المزيكا المصريين.
من سبعينيات القرن العشرين بقت مزيكا البوب المصريه مهمه بشكل متزايد فى الثقافه المصريه و خاصه بين الشباب الكبير فى مصر. المزيكا الشعبيه المصريه ليها شعبيه كمان و بيتم عزفها فى حفلات الزفاف و غيرها من الاحتفالات.
المطبخ المصرى
[تعديل]بيتكون المطبخ المصرى من تقاليد الطهى المحليه زى الفول مدمس و الكشرى و الملوخيه و بيتشابه مع المواد الغذائيه الموجوده فى كل اماكن شرق البحر المتوسط زى الكباب والفلافل .
مصادر
[تعديل]- ↑
{{cite web}}: Empty citation (help) - ↑
{{cite web}}: Empty citation (help) - ↑ Egyptian State Information Service (SIS) - Cinema In Egypt Archived 2008-04-19 at the Wayback Machine
- ↑ Abdl-Hamid Youssef 2003, p. vii.
- ↑
{{cite book}}: Empty citation (help) - ↑ أ ب Egyptian State Information Service (SIS) - Cinema In Egypt Archived 2008-04-19 at the Wayback Machine
- ↑
{{cite web}}: Empty citation (help)
مصادر
[تعديل]- . ISBN 9789774247088.
{{cite book}}: Invalid|ref=harv(help); Missing or empty|title=(help); Unknown parameter|الأول=ignored (help); Unknown parameter|تاريخ أرشيف=ignored (help); Unknown parameter|سنه=ignored (help); Unknown parameter|عنوان=ignored (help); Unknown parameter|مؤلف1=ignored (help); Unknown parameter|مسار أرشيف=ignored (help); Unknown parameter|مسار=ignored (help); Unknown parameter|مكان=ignored (help); Unknown parameter|ناشر=ignored (help) . ISBN 9789774247088.{{cite book}}: Invalid|ref=harv(help); Missing or empty|title=(help); Unknown parameter|الأول=ignored (help); Unknown parameter|تاريخ أرشيف=ignored (help); Unknown parameter|سنه=ignored (help); Unknown parameter|عنوان=ignored (help); Unknown parameter|مؤلف1=ignored (help); Unknown parameter|مسار أرشيف=ignored (help); Unknown parameter|مسار=ignored (help); Unknown parameter|مكان=ignored (help); Unknown parameter|ناشر=ignored (help) . ISBN 9789774247088.{{cite book}}: Invalid|ref=harv(help); Missing or empty|title=(help); Unknown parameter|الأول=ignored (help); Unknown parameter|تاريخ أرشيف=ignored (help); Unknown parameter|سنه=ignored (help); Unknown parameter|عنوان=ignored (help); Unknown parameter|مؤلف1=ignored (help); Unknown parameter|مسار أرشيف=ignored (help); Unknown parameter|مسار=ignored (help); Unknown parameter|مكان=ignored (help); Unknown parameter|ناشر=ignored (help)
