الخط الزمنى للثوره الفرنسيه
احداث سبقت الثوره بس اثرت فى قيامها
[تعديل]- عصر التنوير و افكار التنوير اللى شجعت الناس على استخدام عقولهم و انتقاد النظام الملكى وقتها و تبنيهم الديموقراطيه و ظهور الليبراليه و بداية ظهور الاشتراكيه و انتعاش كبير لافكار فلسفيه تانيه.
1740
- حرب الخلافه النمساويه اتسببت فى ديون كبيره لفرنسا.
1756
- ابتدت حرب السبع سنين و فيها ديون فرنسا زادت جامد و فى الاخر فرنسا خسرت الحرب.
1774
- تتويج لويس الستاشر فى رانس.
1775
- ابتدت حرب الاستقلال الامريكانيه (1775–1783).
1778
- فرنسا اعلنت الحرب على بريطانيا و ساعدت الامريكان , و بعتت فلوس كتيره و قوات عشان تساعد الامريكان فى الثوره بتاعتهم.
1781
- طلوع قانون سيجر اللى بيمنع غير النبلا من دخول سلك الظباط فى الجيش.
1783
- انفجار بركان فى ايسلندا و و برودة الجو و تغير المناخ و كمان فشل فرنسا فى الاعتماد على محصول البطاطس كمحصول اساسى و قلة المحاصيل و بداية مجاعه فى فرنسا.
- اتفاقية باريس : بتنهى الحرب مع بريطانيا . و نجاح الامريكان ضد القوات الاوروبيه و بريطانيا بيشجع السياسيين الفرنساوين على طلبات الاصلاح السياسى فى فرنسا.
1785
- تورط الملكة مارى انطوانيت.فى قضية العقد الالماظ و زيادة سوء سمعتها زياده عند الشعب.
الأزمة الماليه و ازمة مجلس النبلا (البرلمان)
[تعديل]1786
- 20 اغسطس: وزير الماليه كالون بيوضح للملك لويس ان الوضع المادى و المالى فى فرنسا صعب و حرج جدا .
- 29 ديسمبر: اجتماع مجلس النبلا عشان يشوفوا حل للمشكله.
1787
- 22 فبراير:اجتماع مجلس النبلا تانى , و معارضه جامدا و رفض من النبلا على اقتراح نواب الشعب على اصدار قانون بيخلى النبلا و رجال الدين يدفعوا ضرايب زى بقيت الناس , كحل للخروج من الازمة الماليه, و رفضهم اقتراحات نواب الشعب للاصلاحات الماليه.
- 8 ابريل: لويس بيطرد وزير الماليه و وزير العدل فى محاولة للخروج من الازمه
- 13 ابريل: تعين لامويجنن كوزير العدل.
- 30 ابريل: تعين اسقف تولوز , لومينى دى برين, كرئيس للوزره.
- 25 مايو: حل مجلس النبلا .
- يونيو: رئيس الوزره , برين بيبعت طلب قانون عشان الاصلاح الضريبى للبرلمان عشان تتسجل و يتوافق عليها
- 2 يوليو: البرلمان بيرفض بأغلبيه ساحقه (نواب الشعب) القانون دا و بقيه القوانين التشريعيه الملكيه.
- 6 اغسطس: تمرير التشيرعات فى جلسه ليت دى جستيس من النواب النبلا و نواب الشعب المعارضه بيعلن ان تسجليها غير قانونى , و بدايه اجرائات جنائيه ضد الوزير كالون بتئد شعبى و الرأى العام.
- 15 اغسطس: الملك لويس بيرفض قرارات البرلمان و بقفل البرلمان فى وش نواب المعارضه و بيأمرهم انهم يروحوا مدينة توريس.
- 19 اغسطس: قرار ملكى بقفل كل النوادى و الصالونات و التجمعات السياسيه فى باريس.
- سبتمبر: الاضطرابات المدنية فى الجمهوريه النيديرلانديه بتئدى لغزوها من بروسيا و بيزيد التوتر فى باريس, و رئيس الوزره برين بيتراجع فى مطالبته للقانون الجديد و بيسمح لاعضاء البرلمان المعارضه بالرجوع من المنفى فى مدينة توريس.
- 19 نوفمبر: جلسة ملكية فى البرلمان لتسجيل قروض جديده و بتتحول الجلسه لجلسة جلسة ليت دى جستس , وقت ما الملك مسمحش بالتصويت على القرار و القانون
- 20 نوفمبر: معارضة دوق اوليونز للى بيحصل بيتسبب لنفيه المؤقت و اعتقال و حبس اتنين قضاه اتضمنوا معاه.
1788
- 6 مايو: صدور امر ملكى بالقبض على اتنين من اعضاء البرلمان المعارضه , اللى كانو بيقودوا حركة المعارضه على القرارات الحكوميه اللى كانت الحكومه عالمها عشان الاصلاح المالى , و بسبب تضامنهم مع القضاه المقبوض عليهم.
- 8 مايو: قرار بهدف الاصلاحات القضائيه بيمنع سلطة البرلمان فى مراجعه التشريعات و رفضها. بيتزامن مع دورات عسكريه.
- 7 يونيو: يوم البلاط فى غرونوبل - أوقف الجنود اجتماع كان البرلمان قد دعى ليه فى تحد لأمر حكومي.
- يونيو: احتجاج على القرارات دى و اعتصامات فى فرنسا بتئدى لاضراب القضاه و مفيش محاكمات فى فرنسا.
- 5 يوليو: رئيس الوزره بيعمل اجتماع مع الوزراه و النبلا و رجال الدين و اعضاء البرلمان الاغلبيه من النبلا عشان يبحثوا المشكله و يشوفوا حل .
- 8 اغسطس: برين بيحدد يوم 1 مايو 1789 لعقد الاجتماع تانى فى محاوله لاستعادة ثقة الداينين بعد ما عرف ان الخرزنه الملكيه فاضيه
- 16 اغسطس: توقيف سداد القروض الحكوميه واعلان افلاس الحكومة الفرنسيه.
- 25 اغسطس : استقاله براين من رئاسه الوزره و و تشكيل وزاره جديده و تعين الملك لجاك نيكر كوزير الماليه الجديد عشان يطلع فرنسا من الافلاس و كمان عشان يرضى المعارضه و الشعب.
- سبتمبر: جاك نيكر بيفرج عن كل المعتقلين السياسين اللى كانو معترضين على سياسة الوزاره القديمه.
- 6 نوفمبر: جاك نيكر بيطلب البرلمان انه يجتمع عشان يفكروا سوا فى حل للمشكله
- 12 ديسمبر : فشل كل اقترحات نواب الشعب من نواب النبلا و بداية ازمة برلمانيه جديده
- 27 ديسمبر : جاك نيكر بيئيد مطالب نواب الشعب و بيعلن ان لازم نواب الشعب لازم يبقوا متساويين مع نواب النبلا و رجال الدين.
1789
- 27 ابريل : اضربات و اعمال شغب فى باريس قام بيها العمال بسبب نقص المرتبات و الاكل, ادت لمقتل 25 متظاهر على ايد رصاص قوات الملك.
- 5 مايو : جاك نيكر يطلب اجتماع برلمان سريع و بيحضره كل اعضاء البرلمان من نبلا و نواب الشعب و رجال الدين لاول مره من سنة 1614.
- 20 يونيه : بعد محاولة من النواب الاغلبيه(النبلا و رجال الدين) لمنع نواب الشعب من حضور الجلسه, نواب الشعب بيعلنوا نفسهم الجمعيه الوطنيه و انهم الممثلين الحقيقين للشعب و ان البرلمان دا مش قانونى ولا بيعبر عن الناس و طالبوا بعمل دستور جديد للبلد و اصلاح سياسى و خروج مظاهرات شعبيه بتئيد نواب العشب ضد الملك و النظام
11 يوليه : الملك لويس بيشيل جاك نيكر من منصبه عشان متعاطف مع المعارضه , و مظاهرات و اعمال شغب تجتاح البلد بسبب كدا
12 يوليه : استمار اعمال الشعب فى فرنسا و مهاجمة بيوت النبلا للبحث عن السلاح و الاكل
13 يوليه : المواطنين و بتئيد من الجمعيه الوطنيه بيشكلوا الحرس الوطنى , قوات ميليشا بتتكون من مواطنين الطبقه الوسطى.
الثوره
[تعديل]14 يوليه : اقتحام سجن الباستيل و البداية الحقيقية لالثوره الفرنساويه و سقوط الملكيه المطلقه و قيام الملكيه الدستوريه
- 27 اغسطس : توقيع اعضاء الجمعيه الوطنيه و اعلنهم اعلان حقوق الانسان والمواطن
- 5- 6 اكتوبر : بدىء مسيرة الستات و محاصرتهم قصر فرساى و طلبهم ان الملك و الحكومة يتنقلوا لباريس
- 6 موافقة الملك لويس على طلبات المسيرة بعد اقتحام الستات القصر و قتلهم للحراس و محاولتهم لقتل الملكة, و الملك بيروح باريس بعربيته و المسيرة محصراهم وشايلين رئوس الحراس المقتولين على عصيان.
- 2 نوفمبر : تأميم و مصادرة كل ممتلكات الكنيسة الكاتولوكية فى فرنسا
1790
- 29 مارس : بابا الفاتيكان (Pope Pius VI) فى اجتماع كنيسى بيدين و بيرفض اعلان حقوق الانسان والمواطن و افعال الثوره الفرنساويه ككل ضد سلطة الكنيسة و الملك.