المسيح فى الاديان الابراهيميه
المسيح اسم لشخصيه محورية ورئيسيه فى كل الديانات الابراهيميه (الديانات السماويه) بيتسمى بالانجليزى (Christ) (باليونانى Χριστός, او Christos, بالعبرى מָשִׁיחַ عبرى قياسى |Mašíaḥ|. والترجمه الحرفيه لكلمة ماشيح هى "الشخص الممسوح بالزيت".
المسيح فى اليهوديه
[تعديل]عند اليهود اسمه الماشيح (المسيح اليهودى) وهو القائد المنتظر لبنى اسرائيل واليهود واللى حيخلصهم من الضياع و يرجعهم لارض الميعاد. فى المعتقد اليهودى المسيح مظهرش لحد دلوقتى.
المسيح فى المسيحيه
[تعديل]- شوف المسيح يسوع بحسب المعتقد المسيحى
عند المسيحيين بيعتبروا ان وعد العهد القديم بظهور مخلص لبنى اسرائيل اتحقق بظهور يسوع اللى اتصلب عشان يخلص البشر من ذنوبهم. وانه ابن الله و الله المتجسد. المسيحيين بيؤمنوا بمعجزة ميلاد المسيح من العدرا مريم ببشاره من الملاك غبريال.
المسيح فى الاسلام
[تعديل]- شوف المسيح عيسى بحسب المعتقد الاسلامى
عند المسلمين المسيح هو عيسى ابن مريم (يسوع فى المسيحيه) وهو نبى من اعظم الانبيا اللى ربنا بعتهم للناس وانه كلمة الله اللى القاها على مريم بنت عمران. المسلمين برضه بيؤمنوه زى المسيحين بمعجزة ميلاد المسيح من مريم بنت عمران (العدرا مريم) ببشارة من الملاك جبريل. المسلميين بيؤمنوا بالمسيح اللى فى المعتقد المسيحى فى حاجات كتيرا جدا بس مختلفين مع المسيحيه بان المسيح هو ابن الله و الله المتجسد. بس مؤمنين ان المسيح من اعظم الانبيا والرسل اللى اتبعتوه من عند ربنا للناس و انه كلمة الله القالها على العدرا من روح الله. المسلمين بيؤمنوا ان المسيح متصلبش و ان ربنا انقذه و رفعه عنده فى الجنة وان المسيح حيرجع تانى قبل يوم القيامه و من علامات القيامه عودة المسيح و قتله الدجال.