ايكليديس
| ||||
|---|---|---|---|---|
 | ||||
| معلومات شخصيه | ||||
| اسم الولاده | ||||
| الميلاد | القرن 4 ق.م[1] | |||
| الاقامه | اسكندريه | |||
| الحياه العمليه | ||||
| المهنه | كاتب [2] | |||
| اللغات المحكيه او المكتوبه | لغه يونانى قديم [3] | |||
| اعمال بارزه | ||||
تعديل مصدري - تعديل  | ||||
ايكليديس (يونانى: Εὐκλείδης <> |Eukleídēs|</> يعنى نصر كويس;; انجليزى: Euclid; فرنساوى: Euclide) (ازدهر حوالى 300 قبل الميلاد/مش معروف تاريخ و مكان ولادته و موته بالظبط), معروف كمان باسم إوكليديس اسكندرية هو شخصية تاريخيه و غالبن بيتقال عليه ابو الهندسه. و يعتقد انه عالم رياضيات يونانى نشط فى اسكندريه فى عهد بطليموس الاول (323 قبل الميلاد - 283 قبل الميلاد).
كتاب العناصر غالبن بيتنسب ليه و الكتاب ده يعتبر الكتاب الأكتر نجاح و تأثير فى تاريخ الرياضيات.[4] [5] و فيه مبادئ بيتقال عليها دلوقتى مبادئ هندسة ايكليديس و تم استنتاجها من مجموعة صغيرة من البديهيات.
كتب المبادئ
[تعديل]إوكليديس الّف كتب كتير بس كتاب واحد بس لخد كل الشهرة و هو كتاب "مبادئ الهندسة" والكتاب ده مهم مش علشان النظريات الى فيه لأن معظمها كانت معروفة ببراهينها اصلا لكن الكتاب ده إشتهر لأنه اول كتاب يجمع النظريات ويعرضها ويربطها مع بعض ويأكد على صحتها و أضاف بديهيات هندسية و إقليدس رتب النظريات بطريقة منطقية وزود براهين جديدة محدش قالها قبل كدة و أضاف معادلات جبرية. وفضل كتاب "المبادئ" اساس لدراسة الهندسة لأكتر من الفين سنة ودى تعتبر أطول فترة عاشها كتاب. و الكتاب ده بالإغريقى بس إترجم للغات كتيرة بعد كدة,وكانت اول طبعة ليه سنة 1482 يعنى بعد مخترع جوتنبرج الطباعة بتلاتين سنة.و الكتاب ده تدريب عملى على التفكير المنطقى فكان مؤثر أكتر من كتاب أرسطو عن "المنطق" لأنه أحسن نموذج للتنظيم المنطقى للفكر.علشان كده اهتم بى كل المفكرين العظام من وقت الكتاب ده ماإكتب. وكتاب إقليدس من العوامل القوية الى أحيت العلوم الحديثة,لأن العلم مش مجرد تجميع معلومات,لكن العلم ملاحظة دقيقة و إستخراج نتاائج و قواعد عامة و أعظم انجازات العلم الحديث بتيجى من ترابط التجارب الإتسانية وتحليلها الدقيق بعد كدة و الوصول لنتائج ليها شكل النظريات وقوة البديهيات. يوكليديس اثر فى نيوتين جدا,وده كان واضح فى كتاب نيوتن "المبادئ" اللى كتبه باللاتينى و كان فى شكل هندسى زى كتاب إقليدس بالظبط وقلدوهم بعد كدة ناس كتير زى الفيلسوفين الإنجليز رسل,و هوايتهد والنيديرلاندى أسبينوزا. و فى المية وخمسين سنة لفاتو الجماعة بتوع الرياضة عرفو إن الهندسة الإقليدية مش النموذج المنطقى الوحيد او مش الصورة الصح لكل الفكر الانسانى وكل العلاقات بين الحاجات والناس وعلاقات الكون لكن فى حاجات تانى مختلفة جدا عن الصورة لسيطرت على الناس من ايام إقليدس.. زى نظرية النسبية للعالم ألبرت أينشتاين لنسفت الصورة التقليدية الإقليدية فى المجالات المغناطيسية للنجوم البعيدة والكواكب وحركاتها و لمش ممكن نطبق عليها هندسة إقليدس لمتنفعش غير للحاجات الجامدة المحدودة بس...وبالرغم من النظريات الحديثة فى الهندسة والرياضيات والفيزيا والفلك بس ده ميقللش من أهمية وخطورة العبقرى الإغريقى لعاش ومات من أكتر من 22 قرن.
مصادر
[تعديل]- ↑ الصفحة: 255 — نشر في: Dictionnaire des philosophes antiques
- ↑ الناشر: SISMEL – Edizioni del Galluzzo
- ↑ مُعرِّف "كُونُور" (CONOR): https://plus.cobiss.net/cobiss/si/sl/conor/56977763
- ↑ Ball, W.W. Rouse (1960). A Short Account of the History of Mathematics (4th ed.). New York: Dover Publications. pp. 50–62. ISBN 0-486-20630-0.
{{cite book}}: Check|authorlink=value (help) - ↑ Boyer, Carl B. (1991). A History of Mathematics (2nd ed.). John Wiley & Sons. pp. 100–19. ISBN 0471543977.
{{cite book}}: Check|authorlink=value (help); External link in|وصلة=
