الپرلمان
(من اصل فرنساوى: parlement, نطق: /paʁləmɑ̃/, اللى من اصل: ”parler“/paʁle/)
او مجلس النواب بدرب السلطان او مجلس الشعب هو هيئة تشريعيه بتمثل السلطه تشريعيه فى الدول اللى عندها دستور, البرلمان المفروض هو المختص و المسؤل عن السلطه التشريعيه. البرلمان شكل من اشكال الفصل بين السلطات وهو من اهم افكار الليبراليه. البرلمان له دوران. دور رقابى, ودور تشريعى, اولًا الدور الرقابى, وهوا متابعة عمل الحكومه وكيفية عملها وبيمارس المجلس الدور الرقابى ايضًا بعِّدة وسائل مثل. طلب احاطه. بيان عاجل. سؤال. استجواب. اولا طلب الاحاطه, و هوا ان نائب او اكثر يطلبوا من الحكومه او احد اعضائها ان يوضحلهم موضوع معين, و طلب الاحاطه اخف وسيله او صوره من صور الرقابه. البيان العاجل, صوره آخرى من صور الرقابه ويكون فى المواضيع الهامة اكتر من المواضيع التي تتناقش فى طلبات الاحاطه. السؤال و بيتم بتوجيه سؤال للحكومه او احد اعضائها والسؤال يأخذ شكل الاتهام سواء اتهام بالتقصير او الاهمال او الفساد او اهدار المال العام او اى سبب بيستدعى مسائلة الحكومه. الاستجواب و ده زى اتهام صريح للحكومه او واحد من اعضائها و عليه انه يرد, والاستجواب زى مايكون تحقيق مع عضو الحكومه, و الاستجواب اخطر وسايل الرقابه اللى ممكن ينتهى بسحب الثقه من الوزير او من رئيس الحكومه نفسها, وفى حالة سحب الثقه من وزير بيقدم استقالته, اما لو الثقه اتسحبت من رئيس الحكومه فاستقالة رئيس الحكومه بتكون استقاله لكل الوزرا, لان مسئولية الوزارة تضامنيه.
