بناء جافا سكريبت

بناء جافا سكريبت هى القواعد الاساسيه لكتابه نص برمجى باستخدام لغه جافا سكريبت بالشكل الصحيح.

JavaScript

حساسه لحاله الحرف Case sensitivity

اول قاعده فى الجافا سكريبت انها حساسه لحاله الحرف, بمعنى ان a حاجه و A حاجه تانيه و دا بينطبق بشكل اساسى فى تعريف المتغيرات و الاجرائيات

المتغيرات Variables

و نقدر نعتبرها زى ذواكر تخزين بيستخدمها النص البرمجى عشان يخزن قيمه و يستردها او يعدلها لما نشغل النص البرمجى أو نشغل جزء منو فى الوقت الفعلى لتشغيل النص Run time و مش مطلوب تحديد نوع المتغيير يعنى مش لازم نقول إنو من نوع رقم, لانو القيمه اللى حنسندها للمتغيير هى اللى بتحدد نوعو.

زمان كان المبرمج بيستخدم كلمه var لتعريف المتغير و فى التحديثات الاخيره تم إضافه كلمه let لتعريف المتغير عشان تحل مشكله تعريف المتغير فى الاجرائيات ^[1]

var a = 1;
var b = 2;

if (a === 1) {
  var a = 11; // النطاق على مستوى النص كلو
  let b = 22; // النطاق محلى جوا الاجرائيه

  console.log(a);  // 11
  console.log(b);  // 22
}

console.log(a); // 11
console.log(b); // 2

ممكن استخدام كلمه const للتعريف كمان بس قيمتها بتبقى ثابته يعنى مش ممكن تتغير فى زمن التشغيل.^[2]

الكائنات Objects

هى انماط ليها خصائص و تشكيل هرمى داخلى ممكن مثلا نستخدمو كتجميع لعناصر محدده.

var obj = new Object();
obj.name = "wikipedian";
obj.age = 18;

//أو
var obj = {
    name: "wikipedian",
    age: 18
}

الاجرائيات Functions

و هى تجميع عدد من التعليمات تحت اسم مرجعى واحد عشان تنطلب بشكل تسلسلى و مره واحده و العمليه بتسهل لو حيتم استخدام نفس التعليمات فى اكتر من مكان فى النص البرمجى.^[3][4][5]

عشان نعرّف اجرائيه بنستخدم الكلمه المحجوزه function بيتبعها اسم الاجرائيه و قوسين () ممكن احيانا يكون فيهم متغيرات عشان نمررهم للاجرائيه و بعدين فتح جسم الاجرائيه بالقوسين {} و اللى بينكتب جواهم التعليمات اللى حيتنفذو لما الاجرائيه تنطلب.

function hello(){
    var text = "Hello, World!";
    alert(text);
}

الشروط Conditions

بشكل مبسط هى عمليات فحص شرط معين و علي اساسه تنفيذ امر معين, مثلا: لو a أكبر من b طلع رساله و دا ممكن مثلا يتم من خلال شروط المقارنه بين القيم.

• المقارنه بين القيم

العلامه	الدلاله
==	تساوى القيمه
!=	لا تساوى القيمه
===	تساوى القيمه و النوع
!==	لا تساوى القيمه ولا النوع
>	اصغر من
<	اكبر من
>=	اصغر او يساوي
<=	اكبر او يساوي

• if

شرط "اذا" بتنفذ مجموعه من المهام اذا تحققت الشروط.

if (شرط1) {
  //اذا تحقق الشرط الاول نفذ 
} else if (شرط2) {
  //اذا الشرط الاول ما تحققش و الشرط الثانى تحقق نفذ
} else {
  // و الا نفذ
}

• switch

شرط "حول" حسب الشرط و المقارنه

switch (expr) {
  case SOMEVALUE:
   //statements;
   break;
  case ANOTHERVALUE:
   //statements;
   break;
  default:
   //statements;
   break;
 }

الحلقات Loops

عشان تنفذ مجموعه تعليمات بشكل مكرر لعدد معين من المرات:

• for

for (initial; condition; loop statement) {
  // التغيير     الشرط      البدايه
  
  /*
  الجمل البرمجيه اللى حيتم تنفيذها فى كل تكرار
  مادام الشرط محقق
  */
 }

• do ... while

while
do {
// المهام
} while (الشرط);

شوف كمان

• مكتبه جافا سكريبت
• محرك جافا سكريبت
• جافا سكريبت

مصادر

1. {{cite web}}: Empty citation (help)
2. {{cite web}}: Empty citation (help)
3. {{cite web}}: Empty citation (help)
4. . ISBN 978-0-596-10199-2. {{cite book}}: Missing or empty |title= (help); Unknown parameter |سنه= ignored (help); Unknown parameter |صفحه= ignored (help)
5. JavaScript 1.1 specification نسخة محفوظة 26 فبراير 2017 على موقع واي باك مشين.