بودولسك

بودولسك ( بالروسى : Подо́льск ) هى مدينه صناعيه و المركز الادارى لمنطقة بودولسكى فى اقليم موسكو اوبلاست فى روسيا. المدينه على شط نهر باخرا ( فرع من فروع نهر موسكو ) ، و هى اكبر مدينه فى موسكو اوبلاست بتعداد سكانى اتغير عبر السنين : 180.963 ( احصائية 2002 ) ، 209.178 ( احصائية 1989 ) ، 183.000 ( احصائية 1974 ) ، 129.000 ( الحصائية 1959 ) ، 72.000 ( احصائية 1939 ).

مدسينة بودولسك كانت فى الاصل قريه اسمها بودول اللى كانت فى القرن التمنتاشر من ممتلكات دير دانيلوف فى موسكو. بودولسك اتحولت لمدينه بقرار من القيصره كاترين التانيه سنة 1791. فى الفتره دى روسيا كانت بتغير نظام تقسيم الاقاليم و بتعين حكام عليها و بتأسس مدن جديده.

قبل الثوره الروسيه بودولسك كانت من أهم المدن الصناعيه فى روسيا و اتفتح فيها مصنع لشركة سينجر لتصنيع ماكينات الخياطه.

عيلة اوليانوف عاشت فى بوولسك و فلاديمير لينين زارها كذا مره و كان ليه هناك مزرعه و كوخ. فى سنة 1900 لينين اجتمع هناك مع الاشتراكيين الديموقراطيين اللى جم من موسكو و مدن تانيه عشان ياخد تأييدهم لإصدار جورنال " ايسكرا " اللى كانت بتتأسس.

فى سنة 1971 بودولسك اتمنحت وسام راية العمل الحمرا. و فى الفتره السوفيتيه بودولسك بقت من أهم المراكز الصناعيه فى موسكو أوبلاست ، فى الفتره دى كان فيها اكتر من 70 مصنع و معظم سكان المدينه كانو بيشتغلوا فى المصانع دى.

فى سنة 2000 اتحطت على بعد سبع اميال منها فيها قاعده عسكريه ضخمه على بعد سبع اميال القاعده دى حالى تحت ادارة ايجور مينين

من جهه تانيه ، بودولسك فيها الارشيف المركزى لوزارة الدفاع الروسيه.

مدينة بودولسك متآخيه مع المدن دى :

امستيتين ، النمسا
بالتى ، مولدوڤا
بار ، مونتينيجرو ( الجبل الاسود )
بوريسوف ، بيلاروس
تشرنيفتسى ، اوكرانيا
هنان ، الصين
كافارنا ، بلغاريا
كلادنو ، تشيكيا ( جمهورية التشيك )
اوهريد ، مقدونيا
سانت اوين ، فرنسا
سوخومى ، ابخازيا
تيرير لاند ، المانيا
فانادزور ، ارمينيا
وارمينسكو مازورسكى ، بولندا

و فيه خطط للتآخى مع المدن دى :

بنى ملال ، المغرب
كوبير ، سلوفينيا
بيتروزافودسك ، روسيا