تاهيتى
| ||||
|---|---|---|---|---|
 | ||||
 | ||||
| الاسم الاصلى | ||||
| البلد | .svg) | |||
| التقسيم الادارى | بولينيزيا الفرنساويه | |||
| الارض و السكان | ||||
| احداثيات | 17°40′00″S 149°28′00″W / 17.666666666667°S 149.46666666667°W [1] | |||
| مسطحات مائيه قريبه | المحيط الهادى | |||
| اعلى قمه | جبل مونت اوروهينا | |||
| المساحه | ||||
| الارتفاع عن مستوى البحر(م) | ||||
| الطول | 61 كيلومتر | |||
| العرض | 29 كيلومتر | |||
| التعداد السكانى | ||||
| الحكم | ||||
| التأسيس والسيادة | ||||
| بيانات تانيه | ||||
| ||||
تعديل مصدري - تعديل  | ||||
تاهيتى Tahiti او أوتاهيتى O'Tahiti ، اكبر جزيره فى مجموعة جزر سوسايتى فى جنوب المحيط الهادى ( الباسيفيك ) مساحتها 1041 كم مربع و عاصمتها پاپيتى Papeete. عدد سكانها حوالى 178,133. و عملتها الفرنك البولينيزى. تاهيتى كمان عاصمة المستعمرات الفرنساويه فى المحيط الهادى المعروفه باسم جزر بولينيزيا الفرنساويه.
بينتمى سكان تاهيتى للبولينيزيين لكن بيعتبرو مواطنين فرنساويين و بيتكلمو بولينيزى و اللغه الفرنساوى مستخدمه كمان.
من اشهر جزرها : موريا اللى مباشرة قدام پاپيتى ، و بورا بورا ، و هاوهينا ، و تاها ، و راياتيا.
تاهيتى بركانيه جبليه و ليها سهول ساحليه خصبه ، بتنتج الفواكه زى المانجه و القصب و الكاكاو و البن و الفانيليا و القطن ، و بتصدر الكوبرا و اللولى و جوز الهند و الڤانيليا و الفوسفات. تاهيتى مشهوره بجمال طبيعتها و شطوط ها و طيبة سكانها و حسن معاشرتهم و بيزورها سياح كتير. الفرنساويين حافظو على شكل جزر تاهيتى التقليدى و اتجنبو بنا مبانى عاليه زى ما عمل الامريكان فى هاواى ). جنب پاپيتى فيه " نقطة ڤينوس " و هى المكان اللى قعد فيه الملاح المستكشف الانجليزى چيمس كووك فى ابريل 1769 و هو فى رحلته فى المحيط الهادى لرصد تحرك كوكب ڤينوس ( الزهره ).
تاهيتى عندها شركة طيران ( اير تاهيتى ) و شركة طيران موريا ( اير موريا نوى ) و فيها مطار دولى ( مطار فا-أ الدولى Faa'a International Airport ) و موانى و شركات نقل بحرى و مستشفيات و مدارس حديثه و جامعه فرنساويه ( جامعة بولينيزيا الفرنساويه )، و بوجه عام البنيه التحتيه فيها متطوره و سكانها مطلعين على العلوم و الثقافه العالميه.
بتشتهر تاهيتى بالفن البولينيزى التراثى و الوشم و المزيكا و الرقص البولينيزى الاصيل ، و فى پاپيتى فيه متحف للفنون البولينيزيه ، و اشتهر الرسام الفرنساوى پول جوجان برسم لوحات لتاهيتى و التاهيتيين.
