توبفريدوم
| ||||
|---|---|---|---|---|
 | ||||
| حركه اجتماعيه | ||||
| شيرتلس | ||||
تعديل  |
||||
_-_TIMEA.jpg)
التوبفريدوم (Topfreedom) هى حركه ثقافيه و سياسيه بتنادى بالمساواه بين الست و الراجل فى تعرية الصدر، و حق البنات و الستات انهم يمشو من غير غطا للصدر فى الاماكن العامه المسموح فيها للولاد و الرجاله انهم يمشو بصدر مكشوف من غير تفرقه. الحركه كمان بتنادى بإن من حق الامهات ترضيع بيبيهاتهم فى الاماكن العامه، و حق الستات فى اخد حمامات شمس من غير سوتيان زى فى حالة مايوهات المونوكينى من غير تفرقه بين الرجاله و الستات. الحركه منتشره فى امريكا و كندا و كذا بلد زى هيئة توبفرى ايكوال رايتس Topfree Equal Rights Association فى كندا، و منظمة جوتوبليس GoTopless فى امريكا اللى بتنظم مظاهرات ضد عدم المساواه مابين الراجل و الست فى تغطية او تعرية الصدر. السويد فيها منظمة بارا بورست Bara Bröst و الدنمارك فيها منظمة توبليس فرونت Topless Front.
وجهة نظر المنظمات دى هى ان الرجاله و الستات لازم تعاملهم القوانين بطريقه واحده كمواطنين متساويين من غير تفرقه، و ان طالما إن القانون بيسمح للرجاله و الولاد بتعرية صدورهم فى الاماكن العامه المسموح ليهم فيها بتعرية الصدر فده كمان لازم يتطبق على البنات و الستات كحق طبيعى. البز فى حد ذاته ماهواش عضو جنسى فى الاصل، و فى المجتمعات البدائيه المش غربيه زى فى افريقيا و اسيا و امريكا اللاتينيه الستات ما بيغطوش صدورهم و ماحدش هناك بيعتبر الموضوع جنسى او عيبه. الحضاره الحديثه جابت معاها تحريمات و ممنوعات و تابوهات ماكانتش اصلاً موجوده فى المفاهيم الانسانيه فى المجتمعات القديمه زى مثلاً فى مصر و بلاد تانيه، و اتسببت المفاهيم الحديثه فى تحويل اعضاء فى جسم الانسان زى البز لعضو جنسى جنب وظيفته الاصليه كعضو لترضيع البيبيهات. الستات نفسهم مابيعتبروش صدورهم حاجه جنسيه لكن بيمتثلو للقانون اللى بيجبرهم على تغطية الصدر و المنظمات دى بتعتبر ان القانون ده جاير و بيحول كل حاجه فى جسم الست لأعضاء جنسيه على عكس الراجل اللى فى امكانه تعرية الصدر و البطن من غير مايتعرض لمشاكل مع القانون.