حزب الدستور
| ||||
|---|---|---|---|---|
| البلد |  | |||
| تاريخ التأسيس | 28 ابريل 2012 | |||
| المقر الرئيسى | القاهره | |||
| الايديولوجيا | ليبراليه اشتراكيه | |||
| الموقع الرسمى | الموقع الرسمى | |||
تعديل  |
||||
حزب الدستور هو حزب سياسى مصرى . اعلن قيامه الدكتور محمد البرادعى مع مجموعة مثقفيين و نشطاء زى الدكتور علاء الاسوانى و الدكتور حسام عيسى و الاعلامية جميلة اسماعيل و الدكتور احمد حرارة و السفير سيد المصرى و الدكتور محمد يسرى سلامة و غيرهم. الحزب اعلن عنه 28 ابريل 2012 و ان من اهدافه ان يبقى فيه عمل سياسى منظم ، انقاذ الثورة اللى انحرفت عن مسارها و قربت على فشلها ، و تحقيق شعارات الثورة " العيش- الحرية- الكرامة الانسانية" ، و ان الحزب عايز يجمع الشعب المصرى و ينقل السلطة لجيل الشباب و بنا كوادر وقيادات من الشباب. الحزب اعلن انه مش متمسك بـ ايديولوجيا معينه و انه بيسعى لضم و توحيد الشعب المصرى و تحقيق العدل و الديموقراطيه و المساوة بين كل المصريين بغض النظر عن دينهم او افكارهم او لونهم. فى مؤتمر دعى الدكتور البرادعى الناس انها تحضر المؤتمر الشعبى اللى إتعمل يوم 18 مايو علشان تأسيس الحزب و تجهيز اوراق الانضمام للحزب للى عايزين ينضموا بعد تقديم اوراق تأسيس الحزب المطلوبه.
تسمية الحزب
[تعديل]فى الاساس الحزب كان المفروض يكون اسمه "حزب الثورة" لكن لوجود حزب اخر بنفس الاسم تعذر على البرادعى أن يكون الثوره هو اسم الحزب لكن أتفق المؤسسين على أن يكون "الدستور" هو اسم الحزب نظراً لأن الدستور هو العقد الأجتماعى اللى يربط بين الحكام والمحكومين كما أنه عصب الحياه السياسيه كما أنه يضمن المبادئ والقيم اللى لازم نعيش تحت ظلها.
قادة الحزب
[تعديل]- دكتور محمد البرادعى (الرئيس السابق للوكالة الدولية للطاقة الذرية) .
- دكتور احمد حرارة (من شباب الثورة ).
- دكتور محمد يسرى سلامة
- استاذ جورج إسحاق (المنسق السابق لحركة كفاية -الحركة المصرية للتغيير).
- دكتور محمد غنيم (رائد زراعة الكلى ).
لينكات برانيه
[تعديل]الويبسايت الرسمى لحزب الدستور أخبار حزب الدستور البحر الاحمر Archived 2013-02-28 at the Wayback Machine