حقوق مدنيه
| ||||
|---|---|---|---|---|
  | ||||
| حقوق انسان | ||||
| بيتكون من | حرية الفكر حرية التعبير حرية العقيده | |||
| جنب من | حكومه | |||
تعديل  |
||||
الحقوق المدنيه هى الحمايه و المميزات اللى الفرد بياخدها من دولته و من حكومته بحكم القانون. الحقوق المدنيه بتعتبر من اهم افكار و مطالب الليبراليه و الليبرالين , الحقوق المدنيه بتختلف عن حقوق الانسان , الحقوق المدنيه دى حقوق لكل مواطن فى دولة معينه و كل مواطن معاه جنسية دولة اما حقوق الانسان فدى حقوق لكل البشر بياخدوها مهما كانت جنسيتهم او دولتهم.من اشهر اللى طالب بالحقوق دى الفيلسوف جون لوك اللى بيعتبر من اكبر مفكرين الليبرالين, جون لوك قال "ان من الطبيعى أن يكون للانسان حق فى الحياة والحريه والملكيه و لازم تتحول كل الحقوق دى لحقوق مدنيه بتحميها الدولة و الحكومه و القانون".
حقوق مدنيه للمواطن
[تعديل]الحقوق المدنيه اللى المفروض تبقى من حق المواطن بتاع كل دولة غالبا بتتكب فى الدستور بتاع الدولة اللى البرلمان و الشعب موافق عليه و من الحقوق دى :
- الحق فى التظاهر السلمى
- الحق فى الاشتراك فى اى حزب سياسى او الترشح فى الانتخابات , بدون قيود او مشاكل
- الحق فى المطالبه بتغير القوانين اللى بتمنع الحريات و فيها تميز حد على حد
- الحق فى الخصوصيه
- الحق فى الحرية الشخصيه
- الحق فى حرية العقيده
- الحق التصويت فى الانتخابى
- الحق فى حرية التنقل
- الحق فى الحمايه المتساوية مع بقيه المواطنين مهما كان نفوذهم.
- الحق فى التعويض لو اتصاب من حد تانى
- الحق فى محاكمة عادله
- الحق فى وجود محامى يدافع عنه فى حالة اتهامه و تحقيق عادل و جزاء عادل