دسوق

دسوق
الاسم الاصلى	(بالعربى: دسوق)
البلد	مصر [1]
عاصمه لـ	مركز فوه
التقسيم الادارى	مركز فوه
الارض و السكان
احداثيات	31°07′57″N 30°38′52″E / 31.1325°N 30.647777777778°E / 31.1325; 30.647777777778 [1]
الارتفاع عن مستوى البحر(م)
التعداد السكانى
الحكم
التأسيس والسيادة
بيانات تانيه
تعديل مصدري - تعديل

مدينة دسوق

مدينه دسوق من جواه

دسوق (نطق: /deˈsuːʔ/) هى مدينه مصريه تبع محافظة كفر الشيخ فى شمال الدلتا على بعد 80 كم من اسكندريه. من الناحيه الاداريه، دسوق واحده من عشر مراكز بتتكون منهم محافظة كفر الشيخ. مبنيه على ضفاف نهر النيل و بتطل على فرع رشيد بمسافة 25 كم^[2] ومن معالمها المهمه جامع العارف بالله ابراهيم الدسوقى. بيتبع دسوق قريه ابطو اللى كانت معروفه باسم بوتو و كانت عاصمة مصر السفلى قبل توحيد مصر سنة 3200 قبل الميلاد.

الموقع الجغرافي

مدينة دسوق بتقع عموما فى اقصى شمال مصر، اما تحديدا حسب التقسيم الاداري لمحافظات مصر، دسوق بتقع فى جنوب غرب محافظة كفر الشيخ، اما حدود المركز هى:

• من الشمال: مركز فوه و مركز سيدي سالم.
• من الشرق: مركز كفر الشيخ ومركز قلين.
• من الغرب: نهر النيل - فرع رشيد، وبعدها جزيرة الرحمانيه التابعه لمركز الرحمانيه - محافظة البحيره، جنوب مركز الرحمانيه موجود مركز شبرا خيت اللى بيطل قدام مركز دسوق على الضفه الغربيه لفرع رشيد.
• من الجنوب: مركز بسيون - محافظة الغربيه.^[3]

المساحة

صوره فضائيه لمدينة دسوق سنة 2009

• مساحة مدينة دسوق 1254 فدان، بتساوي 5.30 كم².
• مساحة مركز دسوق حوالي 70353 فدان، بتساوي 300 كم²، يعني بتساوي نسبة 7.9% من مساحة المحافظه.^[4]

السكان

مقال اصلى :سكان دسوق

حسب اخر تعداد تقديري بتقوم بيه المحافظه فى 31 ديسمبر 2009:

• عدد سكان مدينة دسوق: 129604 انسان.
• عدد سكان مركز دسوق: 387603 انسان.
• جملة سكان المدينة والمركز: 517207 انسان^[4]

المناخ

من ناحية مناخ المدينه، بتتصنف تبع اقليم مناخ البحر المتوسط، والاقليم بيتميز بانه حر فى فصل الصيف، دافي وممطر فى فصل الشتا.

التقسيم الإداري لمركز دسوق

خريطة مركز دسوق

مركز دسوق فيه 10 قرى رئيسيه^[5] و25 قريه تابعه و206 عزبه:

• شباس الشهدا.
• محلة دياي : (منية جناج - كفر الخير)
• ابو مندور : (المندوره - النوايجه)
• محلة ابو علي : (جماجمون - كفر ابراهيم)
• سنهور المدينه : (كفر ام يوسف - منشية بطاح - كفر العرب).
• شابه : (كفر ابو زياده - الشباسيه).
• كنيسة الصرادوسي : (دمرو سليمان - منشية علي اغا - لاصيفر البلد - ابيوقا).
• كفر مجر : (دمنكه - الصافيه).
• العجوزين : (كفر عبد الرحمن - الشون - ابطو).
• شباس الملح : (محلة مالك - الزوامل - كفر السودان - الابراهيميه - منشية زعلوك).

التعليم

من مدارس دسوق

المدينه فيها منشآت تعليميه فى كل مراحل التعليم المختلفه:

محو الاميه

فيه عدد كبير من فصول محو الاميه خصوصا فى الريف، وحسب تعداد 2007 بيبان التالي:

• عدد المستهدف محو اميتهم: 2507 انسان.
• عدد المسجلين بفصول محو الاميه: 5250 انسان.
• نسبة المتقدين بالمستهدف: 80%^[6]

التعليم الاساسي

• المرحلة الابتدائية: مدارس مثل (ابو بكر الصديق، ابو الانبياء، لطفي السيد...و غيرها).
• المرحلة الإعدادية: مدارس مثل (الشهيد نجيب سالم، الشهيد الصيحي، النجاح، الدسوقي،...و غيرها).

المرحلة الثانوية

• ثانوية عامة (جمال عبد الناصر العسكريه، احمد زويل، دسوق الثانويه، الابراهيميه، المرشدي).
• ثانوي زراعي (مدرسة دسوق الزراعيه المشتركه).
• ثانوي تجاري (دسوق التجاريه بنات، دسوق التجاريه بنين).

التعليم الازهري

• التعليم الازهري الابتدائي: عدد 2 معهد فى الحضر، و33 معهد فى الريف.
• التعليم الازهري الاعدادي: عدد 2 معهد فى الحضر، 27 معهد فى الريف.
• التعليم الازهري الثانوي: عدد 2 معهد فى الحضر، 16 معهد فى الريف^[7]

التعليم الجامعي

فى دسوق فرع لجامعه الازهر، وبتتمثل فى كلية الدراسات الاسلاميه والعربيه.^[8]

المحافظ اللى فات "صلاح سلامه" حط حجر الاساس لبناء فرع جامعه كفر الشيخ ^[9] فى دسوق فى نهاية شارع الاستاد.

الطرق والمواصلات

الطرق

فيه شبكة طرق مميزه بتحيط فى مدينة دسوق، وبتربطها بمحافظة كفر الشيخ ومحافظات جنبها (البحيره، الغربيه)، ومن اهم الطرق دي:

• طريق دسوق – كفر الشيخ بطول 36 كم.
• طريق دسوق – قلين.
• طريق دسوق – فوه بطول 6 كم، والطريق ده بيوصل لمدينة مطوبس شمال فوه، وبيحاذي فرع رشيد من جهة الشرق.
• طريق دسوق – دمنهور بطول 16 كم، وبينتهي الطريق بكوبري متفرع لفرعين على طريق مصر - اسكندريه الزراعي، واحد منهم يودي على اسكندريه، والتاني يودي على القاهره.
• طريق دسوق – بسيون - طنطا (الغربيه)، هو فى الاصل طريق دسوق - طنطا، لكن بسيون بقت مدينه وقريبه من الطريق ده.
• طريق دسوق – سيدي سالم، ويبدأ الطريق من بعد قرية شابه عند كوبري محرم.
• الطريق الدائري، بويربط شمال مدينة دسوق بجنوبها.

كوبري دسوق العلوي (الضفه التانيه جزيرة الرحمانيه)

الكباري

مقال اصلى :كوبري دسوق العلوي

• كوبري دسوق القديم (على نهر النيل)، وبيسموه برضه كوبري السكه الحديد، وهو اقدم كوبري فى دسوق ومن اقدم كباري مصر لانه اتبنى سنة 1895، وبيوصل دسوق بجزيرة الرحمانيه وبعدها بيوصل لمركز الرحمانيه، وفيه حارتين للعربيات ووسطهم خط سكه حديد.
• كوبري دسوق العلوي، وبيوصل دسوق بالرحمانيه.

- فيه كباري تانيه زي:

تاكسي دسوق

• كوبري البدالة العلوي.
• كوبري البدالة القديم.
• كوبري عتريس.
• كوبري السكة الحديد على ترعة البدالة.
• كوبري المدير.

سرفيس دسوق

النقل والمواصلات

دسوق فيها وحدة مرور بتخدم دسوق وتوابعها ومدن ومراكز تانيه زي فوه ومطوبس، وبيتم فيها التراخيص وامتحانات المرور...

النقل الداخلي

دسوق فيها تاكسيات ليها لون مميز (اصفر وابيض) ملف:سيارات الأجرة فى مدينة دسوق.JPG، وكمان فيها اتوبيسات عامه وسرفيس (3 خطوط سرفيس) بتنقل السكان جوه المدينه.

مجمع مواقف دسوق (مدن)

النقل الخارجي (بره المدينه)

• سكه حديد: دسوق فيها محطة قطر بتوصل لمدن كتير فى شمال مصر.

بقرار من محافظ كفر الشيخ، تم بناء مجمعين للمواقف، مجمع مواقف المدن، ومجمع مواقف الارياف.

• مجمع مواقف المدن: مكانه فى حي جنوب، فيه عربيات اجره بتوصل لمدن المحافظه: زي فوه، مطوبس، كفر الشيخ، قلين، سيدي سالم،... ده غير مدن بره المحافظه زي اسكندريه، القاهره، طنطا، بسيون، الرحمانيه، شبرا خيت، دمنهور، المنصوره،...
• مجمع مواقف الارياف: مكانه فى حي شمال، وفيه عربيات اجره بتوصل لكل قرى مركز دسوق، والقرى المجاوره فى المراكز التانيه.

الصناعه

دسوق فيها صناعات كتير معطمها يدوي، لكن فيه اللى بيميز دسوق عن غيرها من بلاد مصر بصناعتها، واهم الصناعات الكبيرة فيها ضرب الرز وحلج القطن وطحن القمح.

اما الصناعات الغذائية فهي صناعة اللحوم والسمك والحلويات والعصير.

التجاره والتموين

مدينه دسوق مدينه تجارية من الدرجه الاولى، ده بسبب انها قريبه من مدن مهمة زي اسكندريه ودمنهور وطنطا وكفر الشيخ ورشيد، ده غير انها بتطل على النيل (عشان الملاحة النهريه وحركة التجارة فيها) وقريبه من ساحل البحر المتوسط وبحيره البرلس، ده غير انها مربوطه بشبكة طرق كتيره متفرعه من المدينه، كل ده خلاها مدينه تجاريه من الطراز الاول، وبتشتهر بتجاره قطع غيار العربيات المستورده عشان فيها مقرات لشركات استيراد من دول مصانع العربيات نفسها، ده غير انها بتشتهر بتجارة الفسيخ، هيا المدينه الاولى فى مصر فى المجال ده، وبرضه فى الحلويات عشان مصانعه ومحلات الحلويات هناك كتيره، وتجاره الحلويات والفسيخ عموما قايمه على احياء مولد ابراهيم الدسوقى، فده من الاسباب اللى خلى شهرة البلد تشتهر بسرعة فى المجالات دي.

السياحه

جامع سيدي ابراهيم الدسوقى

السياحة الدينية ^[10]

مقاله رئيسيه: جامع ابراهيم الدسوقى

دسوق مشهوره فى المقام الاول بالسياحه الدينيه، لان فيه عده اضرحه لاولياء الله الصالحين، واهمهم هو سيدي ابراهيم الدسوقى، وهو اعظم الاقطاب الاربعه الصوفيه، وضريحه فى جامعه اللى بيعتبر سادس اكبر جامع فى العالم. وهو من المساجد العريقه القديمه فى العالم الاسلامي لان تاريخ انشاءه بيرجع لعصر السلطان الاشرف خليل بن قلاوون، واخر توسعات فيه كانت سنة 1969، وبيزور الجامع اكتر من 2 مليون زائر كل سنه من كل انحاء الجمهوريه والدول العربيه.

دسوق فيها مساجد واضرحه صوفيه تانيه، زي جامع سيدي احمد ربيع، وضريح سيدي جلال الدين الكركي وغيرهم.

من اثار بوتو القديمه فى دسوق

السياحه التاريخيه ^[11]

مقال اصلى :بوتو

فيه اثار فرعونيه كتير فى دسوق، ده بيرجع لوجود مدينه بوتو (تل الفراعين) شمال شرق دسوق بحوالي 12 كم، وكانت عاصمة مملكة الشمال فى عصر ما قبل الاسرات (قبل توحيد القطرين)، وكانت فى فترات فى عصور تاليه كانت عاصمة مصر السياسيه، ومن اهم اثارها معبد واجت.

كورنيش النيل فى دسوق

السياحه الترفيهيه

السياحه الترفيهيه عباره عن سياحة اليوم الواحد، يعني زيارة الجناين والمتنزهات والسياحه النيليه، ده غير كورنيش النيل اللى بيتميز فى دسوق بالهدوء المريح للاعصاب .^[12]

فيه جناين وحدايق كتيره فى دسوق زي:^[11]

• حديقة الاسره والطفوله: بتطل على النيل ومبنيه على مساحه 4 فدان فى شكل شريط على الساحل، فيها كافتيريات وشاليهات وكباين عشان سياحة اليوم الواحد، وفيها اماكن مخصصه لهواة الصيد، ده غير ان فيها مكتبة سوزان مبارك و عدد 2 مدينة ملاهي واحده منهم للاطفال اقل من 6 سنين، وفيها مرسى للمراكب واليخوت السياحيه، ومقترح مشروع انه يتم بناء نادي تجديف ومدينه ملاهي مائيه.
• حديقة ام القرى: على اول مدخل المدينه من طريق دسوق - كفر الشيخ، على مساحة 2 فدان.
• حدائق الميدان الابراهيمي: وبتقع فى وسط المدينه امام جامع سيدي ابراهيم الدسوقى، هيا من نوع الحدائق المفتوحه.
• حديقة 6 اكتوبر: موقعها جنب كوبري دسوق العلوي على مساحة 3 فدان.
• حديقة الصفا: على مساحة 6 فدان عند مدخل دمنهور واسكندريه.
• حديقة النادي الرياضي: على مساحة 2100 م²، ومشهوره بالنباتات النادره.
• حديقة نادي المعلمين: على مساحة 1000 م² وبتطل على النيل.
• حديقة سوزان مبارك: على مساحة 200م²، هيا من الجناين المفتوحه.
• حديقة مبنى الوحده المحليه: على مساحة 400 م².

الرياضه

نادي دسوق الرياضي

استاد دسوق الرياضي

موجود فى حي شمال بالمدينه، ومساحته 17 فدان، وبيتمارس عليه كل الالعاب الرياضيه لكل الاعمار، وفريق كرة القدم بيلعب فى الدوري العام الدرجه الاولى، وبيحقق نتايج معقوله.

نادي دسوق الرياضي

وبيتمارس فيه الالعاب الخفيفه زي كرة السرعه وتنس الطاوله، لكن المميز ان النادي بيدخل فى المسابقات العالميه وبيحقق نتايج كويسه جدا.

احصائيات الرياضه فى كل مركز دسوق

• عدد مراكز الشباب فى: 29 مركز شباب.
• عدد الانديه الرياضيه: 1 نادي رياضي.
• عدد اللجان الرياضيه: 3 لجان رياضيه.
• عدد الهيئات اللى بتشتغل فى مجال الشباب والرياضه: 33 هيئه.
• نصيب السكان من الهيئات الرياضيه (الف نسمة/هيئه): 15000 انسان.

أيمن الشاذلي بطل مصر الاوليمبي فى التايكوندو فى التسعينيات المركز التالت على العالم فى بطولة اليونان سنة 1992, ساكن هناك.

معرض الصور

• 
  مستشفى مبرة دسوق
• 
  نصب شهداء دسوق فى حرب اكتوبر 1973
• 
  مجلس مدينة دسوق بالليل

سبب التسميه

الحته دى من الصفحه دى فاضيه, ساعد ف كتابتها.

مشاهير دسوق

الحته دى من الصفحه دى فاضيه, ساعد ف كتابتها.

شوف كمان

• شخصيات مصريه مشهوره

مصادر

1. معرف ميزة GNS: https://geonames.nga.mil/gn-ags/rest/services/RESEARCH/GIS_OUTPUT/MapServer/0/query?outFields=*&where=ufi+%3D+-293221 — تاريخ النشر: 11 يونيه 2018
2. "desouq.org". Archived from the original on 2010-12-16. Retrieved 2010-05-25.
3. "desouq.org: تاريخ". Archived from the original on 2013-07-03. Retrieved 2010-05-26.
4. "desouq.org: تقسيم ادارى". Archived from the original on 2013-06-05. Retrieved 2010-05-26.
5. "kfrawy.com". Archived from the original on 2016-03-04. Retrieved 2010-05-25. {{cite web}}: Unknown parameter |URL الأرشيف= ignored (help); Unknown parameter |تاريخ الأرشيف= ignored (help); Unknown parameter |تاريخ الارشيف= ignored (help); Unknown parameter |مسار الأرشيف= ignored (help); Unknown parameter |مسار الارشيف= ignored (help)
6. "desouq.org: تعليم-فصول". Archived from the original on 2013-06-06. Retrieved 2010-05-26.
7. "desouq.org: تعليم ازهرى". Archived from the original on 2020-03-06. Retrieved 2010-05-26.
8. "ازهر دسوق". Archived from the original on 2020-10-30. Retrieved 2021-02-21.
9. kfs.edu.eg
10. desouq.org Archived 2013-05-29 at the Wayback Machine: دين
11. desouq.org Archived 2020-03-05 at the Wayback Machine: تاريخ
12. desouq.org Archived 2011-08-10 at the Wayback Machine: النيل

لينكات برانيه

• دسوق – صور وتسجيلات صوتيه و مرئيه على ويكيميديا كومونز (الإنجليزية)
• دسوق على موقع كيورا - Quora (الإنجليزية)
• دسوق معرف مخطط فريبيس للمعارف الحره (الإنجليزية)
• دسوق معرف قاعده البيانات الجغرافيه لموقع جيونيمز (الإنجليزية)
• دسوق معرف مين الاول (الإنجليزية)

مصادر

لينكات برانيه

• المعرفة : دسوق ... Archived 2011-09-03 at the Wayback Machine
• الموقع الرسمي لمدينه دسوق Archived 2010-12-16 at the Wayback Machine
• محافظه كفر الشيخ^{[permanent dead link]}
• كفراوي دليل محافظه كفر الشيخ-دسوق Archived 2016-03-04 at the Wayback Machine
• كليه الدراسات الاسلاميه والعربيه-دسوق Archived 2020-10-30 at the Wayback Machine
• جامعه كفر الشيخ