ستيفانى ماير
 ستيفانى ماير | |
| اتولدت | ستيفانى مورجان 24 ديسمبر 1973(السن 35 سنة) |
|---|---|
| مكان الولادة | هارتفورد, كونيتيكت بامريكا |
| الوظيفة | مؤلفة روايات |
| الجنسية | امريكانية |
| نوع الكتابة | خيال علمى - رومانسية - فانتازيا |
| الموقع(السايت) الرسمى الخاص بيها | الموقع الرسمى |
ستيفانى ماير (اتولدت فى 24 ديسمبر 1973 م) هيا مؤلفة امريكانية معروفة بالسلسلة المشهورة توايلايت. السلسلة مشهورة فى العالم كله وكسبت جوايز ادبية كتيره واتباع منها اكتر من 85مليون نسخة واترجمت لـ37 لغة مختلفة. ماير كمان مؤلفة الحكايه الخيالية ذا هوست او المضيف بالعربى.
جورنال يو اس ايه توداى (امريكا النهارده) الكبيرة سمت ستيفانى "مؤلفة السنة" لسنة 2008. توايلايت اتباع منها اكتر من 29مليون نسخة بس فى 2008 عشان كده ماير هيا اكتر واحدة اتباعت قصص من تأليفها فى 2008. ستيفانى كان ترتيبها رقم49 فى قايمة اكتر 100واحد ليهم تأسير اللى عملتها مجلة التايم لسنة 2008. وكمان دخلت فى قايمة مجلة فوربس بتاعة اقوى 100شخصية مشهورة لسنة 2009 ترتيبها رقم 26 بدخل اكتر من خمسين مليون دولار سنويا.
حياتها الشخصية
[تعديل]اتولدت ستيفانى ماير فى هارتفورد بولاية كونيتيكت لـ ستيفن وكاندى مورجان. اتربت فى فينيكس بولاية اريزونا مع خمس اخوات: سيث, ايميلى, جاكوب, بول, هايدى. دخلت مدرسة شابرال الثانوية فى سكووت دال بأريزونا. خدت البكالوريوس من الجامعة بعد دراستها للانجليزى سنة 1997. قابلت جوزها لما كنات لسه صغيره فى أريزونا واتجوزت جوزها كريستيان ماير وهيا لسه عندها 21 سنة بس عندهم تلت اولاد:جاب وسيث و آيلى. جوزها كان شغال محاسب بس ساب الشغل عشان يعتنى بالاولاد.
ماير عضوة فى كنيسة يسوع المسيح لقديسين الايام الاخيرة وهيا شديدة اوى بالنسبة لمعتقداتها حيث انها مش بتدخن ولا بتشرب خمرا. ماير مكتبتش اى قصة قبل سلسلة توايلايت دى كمان كانت ناوية تخوش كلية الحقوق عشان حست انها عمرها ما هتعرف تكون مؤلفة بس بعد ما اتولدت ابنها غيرت تفكيرها وقالت انها اول ما شافته كانت عايزه بس انها تكون امه. الشغلانة الوحيدة اللى اشتغلتها ستيفانى قبل مده هيا موظفة استقبال فى شركة.
ماير عايشه دلوقتى فى سكوتسديل و كمان عندها بيت تمنه 1.3 مليون دولار على جزيرة ماروستون بواشنطن.
سلسلة الشفق(توايلايت)
[تعديل]- توايلايت
بتقول ماير ان فكرة الشفق (Twilight) جاتلها فى حلم فى 2 يونيو، 2003.وكان الحلم بيدور حوالين بنت، ومصاص دماء اللى وقع فى حبها وبس كان متعطش لدمها. و بعد الحلم ده ، كتبت ماير اللى بيعتبر دلوقتى الفصل 13 فى الكتاب.وف خلال تلت شهور ماير حولت حلمها لرواية كاملة،وبالرغم من انها كانت بتقول أنها مكنتش ناوية أبداً أنها تنشر الشفق وانها كانت بتكتب لمتعتها الشخصية بس. لكن رأى اختها كان غير كده خالص تجاه وقدرت تقنع ماير أنها تبعت سكيربتات الحكايه للوكالات الادبية. ومن الـ 15 جواب اللى كتبتهم خمسة مردوش عليها وتسعة قالوا لا والأخرانى بس جودى ريمور من وكالة رايترز هوس هوا اللى وافق .تمن ناشرين اتنافسوا على حقوق نشر الشفق فى مزاد علنى سنة 2003.وفى نوفمبر وقعت ماير على صفقة لتلت كتب بـ 750،000 دولار مع ليتل، وبراون وشركاءهم.
اتنشرت توايلايت سنة 2005 بعدد نسخ مطبوعة 75،000 نسخة.وخدت لأول مرة على المرتبة رقم5 فى قايمة جورنال نيو يورك تايمز لأحسن مبيعات فى خلال شهر من ساعة نزوله السوق،وبعد كده خد المرتبة الأولى.اتباعت حقوق الرواية الاجنبية لاكتر من 26 دولة.اتسمت الحكايه أحسن كتاب لناشرين ويكلى للسنة ونيو يورك تايمز اديتورز تشويس.
- القصص اللى بعد كده
بعد النجاح الكبير لتوايلايت (2005) ماير وسعت احداث الحكايه لسلسة عن طريق اضافة تلت كتب تانية: القمر الجديد(New Moon)(2006)، والكسوف(Eclipse)(2007)، والانهيار(Breaking Dawn)(2008). وفى اسبوعها الاول بعد النشر، خدت الحكايه الأولى، القمر الجديد ،المرتبة رقم 5 فى قايمة نيو يورك تايمز لأحسن المبيعات لكتب فصل الاطفال، وفى اسبوعه التانى وصل للمرتبة الأولى، حيث قعد لمدة حداشر اسبوع متتالية. وبالإجمالي، قعد أكتر من 50 اسبوع على القايمة.وبعد اصدار الكسوف ، التلت كتب مجمعين قعدوا لمدة 143 اسبوع على قايمة نيو يورك تايمز لأكتر الكتب الناس بتشتريها.طلع الجزء الرابع من سلسلة الشفق ، الانهيار ، مع عدد نسخ اولية بتاع 3.7 مليون نسخة.اتباع أكتر من 1.3 مليون نسخة فى اليوم الاولانى بس، وسجل بكده رقم قياسى فى اداء مبيعات اول يوم لمجموعة هاتشيت بوك.كمان كانت الرواية سبب فى حصول ماير على جايزتها الأولى من جوايز الكتاب البريطاني، رغم منافستها مع رواية چ. ك. رولينج حكايات بيدل الشاعر .وباعت السلسة ككل أكتر من 70 مليون نسخة على مستوى العالم بـ 37 لغة.فى سنة 2008، احتلت سلسلة الاربع كتب قمة الشهرة فى قايمة يو اس توداى لأعلى المبيعات فى امريكا،ده خلى ماير المؤلفة الأولى اللى حققت الانتصار ده واخدت اعلى المبيعات من المؤلفين للسنة دى.
فى اغسطس 2009 جورنال يو اس ايه توداى كتب ان ماير عدت چ. ك. رولينج فى المبيعات فى قايمتهم لاحسن المبيعات للكتب. الاربع كتب قعدوا متربعين على عرش احسن عشر كتب لمدة 52 اسبوع وكمان قعدوا اكتر من 102 اسبوع على قايمة نيو يورك تايمز لاوسع الكتب انتشار.
بعد ما خلصت الكتاب الرابع ماير قالت ان الانهيار هيكون اخر كتاب بيتقال من وجهة نظر بيلا سوان. شمس نص الليل هتكون رواية تبع السلسلة بس هتتقال من وجهة نظر ادوارد كولين على نفس احداث الشفق(تيوايلايت). ماير كانت بتتمنى انها تتنشر بعد فتره قصيره من نشر الانهيار لكن حصل تسريب اونلاين على النت للفصول اللى كتبتها. ده خلى ماير تأجل المشروع نهائيا وعشان هيا عايزه تبتدى فى مشاريع تانيه مش مرتبطة بالسلسلة نشرت الاتناشر فصل على السايت بتاعها.
مصادر الهامها
[تعديل]ماير بتموت فى القرايه.كتير من الروايات كانو مصدر لإلهامها فى رواية الشفق، زى جين اير لشارلوت برونتى و آ نى الجملون الاخضر لـ ال, ام مونتغمري.كمان كل كتاب فى السلسلة كان مستوحى بالتحديد من الاعمال الادبية الكلاسيكية المختلفة: فالشفق من جاين أوستن كبرياء وتحامل ؛ والقمر الجديد من شكسبير روميو وجولييت ؛ والكسوف من إيميلى برونتى مرتفعات ويذرينج ؛ والانهيار من مسرحيتين لشكسبير، تاجر البندقية و حلم ليلة صيف.وهيا قالت "فضلت اقرأ كتب للبالغين طول حياتي. ومع نشأتي، كنت بحب القراية جدا- وكل كان سمك الكتاب اكبر، كل ما كان أحسن.قالت برضه أنها من اشد المعجبين بأورسون سكوت كارد، وما ينفعش تمر عليها السنة من غير ما تعيد قراية كتب جين أوستن.
قالت كمان أن كتباتهااتأثرت اوى بالمزيكا، وحطت "قايمة" (من موقع Playlist.com) على السايت بتاعها للاغانى اللى استوحت منها كتبها. اما الفرق اللى بتهتم بيها ماير هى ميوز، وبلو اكتوبر، وماى كيميكال رومانس، وكولد بلاي، ولينكن بارك.
نسخة الفيلم
[تعديل]اختارت شركة سمت إنترتاينمنت توايلايت فى ابريل 2007. كاثرين هاردويك اخرجت الفيلم، وميليسا روزنبرغ كتبت السيناريو. وكريستين ستيوارت مثلت دور بيلا سوان وروبرت باتينسون زى دور ادوارد كولين.الفيلم نزل فى 21 نوفمبر، 2008.وظهرت ماير فى مشهد العشا فى الفيلم.وبعد نجاح الفيلم(كسب حوالى 380مليون دولار) ، ادت شركة ساميت الضوء الاخضر لتحويل الجزء التانى من السلسلة الى فيلم، القمر الجديد ، فى نوفمبر 2008. كريس فايتز هو مخرج الفيلم، نزل الفيلم يوم 20 نوفمبر 2009 و حقق نجاح كبير وعمل اكتر من 550مليون دولار.كمان ادت شركة ساميت الضوء الاخضر لتصوير الجزء التالت من السلسلة، الكسوف ، فى فبراير 2009.ديفيد سليد هيخرج الفيلم ده ،والمفروض انه هينزل السينما فى 30 يونيه سنة 2010.
الاستقبال والاعتراف
[تعديل]كتبت مجلة انترتينمنت ويكلى عن ماير "أكتر كُتاب قصص مصاصى الدماء شهرة من ساعة الكاتبة انى رايس"، وكمان الجارديان وصفتها على انها "راوية قصص مبدعة"، وكاتبة مثمرة ورمز قوة جديد فى سوق النشر."واتفقت واين جينس فى جورنال تورنتو صن على نفس الكلام،وقالت، "إن نجاح ماير بيمشى فى اتجاه تانى -السيطرة الفعلية لقوايم احسن المبيعات فى السنين القليلة اللى فاتت واللى ممكن أنه يتصنف طبيعى على أنه خيال للصوغيرين والكوبار،" و أشارت ، "أنه فى غياب مغامرات هارى بوتر جديدة، فان المراهقين، وعشاق الخيال، والمتحمسين والستات (معظم المبيعات لستات) الغرقانين فى فكرة عذرية مصاص الدماء جيمس دين-ايش هو اللى خلى ماير تروج لفكرة الحب العفيف."وبالإضافة لكده، وصف تيمون سميث من جورنال التايمز ماير على أنها نجمة الخيال للكوبار والصوغيرين".
المؤلف اورسون سكوت كارد قال عنها، "(ستيفانى ماير) بتكتب بشفافية واضحة، ومش بتقف ابدا بين القاريء والحلم اللى يتشاركوه. انها الشيء الحقيقى ".وكمل سكوت فى وصف ماير، باعتبارها ظاهرة "مذهلة". وفى مقابلة مع مجلة نيوزويك ، قال المؤلف جودى بيكولت، أن ستيفانى ماير خلت الناس ينكبوا على الكتب، وده شيء كويس لينا جميعا.
المعجبين
[تعديل]بقى لماير اتباع ليها من القراء الشباب لرواياتها الشفق ، اللى بتتعمل فى المدينة الصوغيره فوركس(مكان احداث الرواية) على شبه الجزيرة الاولمبية فى ولاية واشينطون. وبكده فوركس بقى ليهااهتمام مش طبيعى، وتحتفل "بيوم ستيفانى ماير" فى 13 سبتمبر، تاريخ يوم ميلاد الشخصية بيلا سوان، كتكريم للمؤلفة.
بيعبر المعجبين عن نفسهم كل واحد بطريقته:"يلبسوا زى شخصيتها. بيكتبوا مذكراتهم الخاصة عن نفسهم ويبعتوا حكاياتهم على النت. ولما تظهر ماير فى محل لبيع الكتب، بيروح بتاع 3،000 عشان يقابلوها. فى كمان فرقة روك اسمها تيوايلايت.
اعمالها التانيه
[تعديل]اتنشرت ليها واحدة من القصص القصيره وهيا ليالى الرقص من الجحيم ، وهيا مجموعة من القصص عن ليالى حفلات رقص وحشه بيحصل فيها ظواهر خارقة للطبيعة. اما المؤلفين التانيين اللى ساهموا فى المجموعة دى هما ميج كابوت ، وكيم هاريسون، وميشيل جافي، ولورين ميراكل.ليالى الرقص من الجحيم نزلت فى ابريل 2007.
فى مايو 2008،نزلت رواية الخيال العلمى لماير، ذا هوست ، اللى نزلها قسم الكوبار لـ ليتل، وبراون وشركاهم؛ وهيا بتحكى قصة ميلانى سترايدر ووندرير، وهيا قصة لواحدة شابة ومخلوق فضائى "روح"، واللى اجبروا أن يبقوا فرد واحد(الروح ساكنه جسم البنت).خدت الحكايه لاول مرة على المرتبة # 1 فى النيو يورك تايمز لأكتر الكتب انتشار ،وقعدت على القايمة لمدة 26 اسبوع.وفى مارس 2008، قالت ماير انها كانت خلاص بتنهى جزء من المضيف ، بعنوان الروح .واذا كانت هتستمر فى السلسلة دى فهيكون عنوان الجزء التالت الساعي.
قالت ماير ان فى دماغها كتير من الافكار لكتب تانيه فى الطابور، منها قصة عن الأشباح بعنوان منزل الصيف ورواية فيها سفر عبر الزمن،وقصة تانيه عن حورية البحر.
فى سنة 2009، تعاونت ماير مع شركة الواح التزحلق والملابس هوبو سكيت عشان تنتج خط ملابس خاص بيها، بيشتمل على خط لانتاج التيشيرتات وسكيتبورد متعلقه برواية الخيال العلمى الخاصة بيها، المضيف.
النشاط الاجتماعى و الخيرى بتاعها
[تعديل]فى ابريل 2009، شاركت ماير فى مشروع بوك بابي، وهوا هيرجع مخصوص لمساعدة صاحبتها فيث هوشلتر فى دفع تكاليف علاجها بعد تشخيص مرضها على انه سرطان الثدي. وتبرعت ماير بكتير م المخطوطات الاصلية للبيع فى المزاد. وف نفس السنة، تعاونت ماير مع شركة هوبو سكيت عشان تبيع السكيت بورد المعموله لدعاية قصة المضيف ، وده خلى قيمتها تترفع لحد 1500 دولار للاعمال الخيرية.
الحاجات اللى نشرتها
[تعديل]- سلسلة الشفق
- توايلايت(الشفق)(2005)
- نيو موون(قمر جديد)(2006)
- ايكلبس(الكسوف)(2007)
- بريكينيج داون(الانهيار)(2008)
- كتب تانية
- ليالى الحفلات الراقصة من الحجيم(2007)
- ذا هوست(المضيف)(2008)
- ملحمة توايلايت(الشفق): الدليل الرسمى (ديسمبر 2009)
