شبرا
| ||||
|---|---|---|---|---|
  | ||||
 | ||||
| البلد |  | |||
| التقسيم الادارى | القاهره | |||
| الارض و السكان | ||||
| احداثيات | 30°04′21″N 31°14′27″E / 30.0725°N 31.240833°E | |||
| المساحه | ||||
| التعداد السكانى | ||||
| الحكم | ||||
| التأسيس والسيادة | ||||
| تاريخ التأسيس | 1809 | |||
| بيانات تانيه | ||||
| الموقع الرسمى | الموقع الرسمى | |||
| ||||
تعديل مصدري - تعديل  | ||||
| ||||
|---|---|---|---|---|
 | ||||
| ||||
| البلد | | |||
| التقسيم الادارى | القاهره | |||
| الارض و السكان | ||||
| احداثيات | 30°04′21″N 31°14′27″E / 30.0725°N 31.240833°E | |||
| المساحه | ||||
| التعداد السكانى | ||||
| الحكم | ||||
| التأسيس والسيادة | ||||
| تاريخ التأسيس | 1809 | |||
| بيانات تانيه | ||||
| الموقع الرسمى | الموقع الرسمى | |||
|
| ||||
| تعديل مصدري - تعديل | ||||
شبرا (قبطى: ϭⲱⲡⲣⲟ |ʃopro|, معناها: عزبه او قريه) Shubra هيا حى من اكبر احياء القاهره فى عدد السكان و موجود فى شمال القاهره, و كان فى الاصل ضاحيه عملها محمد على باشا مؤسس مصر الحديثه سنة 1809.[1]
سبب التسميه
[تعديل]فى القرن 13 كان مكان بتغمره ماية النيل ، لما ظهر فى التقسيم الإدارى لأحياء القاهره كان بيتكون من جزيرة بدران و كوبرى شبرا، عد سكانه فى الوقت ده كان 1091.
تاريخ حى شبرا
[تعديل]فى السبعينات من القرن الماضى كان حى شبرا بقى زحمه لدرجه كبيره جدا و استمرت معاناة سكان حى شبرا سنين مع الزحام و صعوبه المواصلات لحد اتمد ليه فى التسعينيات خط مترو الانفاق و اتلغى خط الترام من شارع شبرا و اتعاد التخطيط للشوارع و اللى ساعد على تخفيف الزحمه و كان داه متزامن الخروج السكانى منه اللى خلى الهدوء يرجع ليه, بيتميز حى شبرا بتركيبه سكانيه خاصه بتمتزج فيها العادات و التقاليد بين العيل المسلمه و المسيحيه فى منطقه بتعتبر من اهم مراكز التجمع للمسيحيين بالقاهره.
الحى بيعتبر شعبى مع وجود شريحه تانيه من الطبقتين البرجوازيه و الارستقراطيه بتتركز فى منطقة اغاخان و طوسون, و برغم ان شبرا من المناطق الحديثه نسبيا بس اكتملت خلال فتره بسيطه و بقت من الاحياء المهمه ف القاهره, و بيرجع انشاء حى شبرا لعصر محمد على اللى شاف نهضه كبيره على كل المستويات, محمد على اللى بنى قصر ليه جنب شبرا الخيمه شمال ترعه الاسماعليه و لاقى ان الطريق للقصر من القاهره ممكن يتعمل فيه مدينه جديده فبدا فى شق شارع شبرا سنة 1808 و كان نواه لانشاء مدينه شبرا اللى اتعرفت وقتها باسم «شبرا مصر», كان الطريق معروف وقت انشائه بجسر شبرا, و انشا محمد على مصنع لتبييض المنسوجات اللى كانت بتتصنع فى معامل النسيج المصريه, و كان المصنع جنب لسراى الامير طوسون بن سعيد باشا و هيا السراى اللى اتعملت سنة 1869, على افخم طراز معمارى و بتشغلها دلوقتى مدرسه شبرا الثانويه و لسا المكان معروف باسم المبيضه بمنطقه روض الفرج, اما الجزء خلف السراى او المدرسه فمعروف بمنطقة طوسون. كتب التاريخ بتقول ان جزء كبير من حى شبرا كان ضمن بستان الجيوش اللى انشاه الافضل ابن امير الجيوش بدر الدين الجمالى و كان بيمتد للشمال شرقى الخليج المصرى لحد الوايلى و للغرب لحد منيه السيرج «الجزء الشمالى الشرقى من حى شبرا دلوقتى» كمان انشا الافضل منظره رائعه اتعرفت بمنظره البعل و كان للفاطميين شمال منظره «البعل» منظرتين الاولى اتعرفت «بالتاج» و التانيه بمنظره «الخمسه وجوه» و داه اسم شوارع و ميادين فشارع الترعه البولاقيه واحد من اهم شوارع شبرا.
و فى الشوارع الخلفيه المتفرعه من الجنب اليمين لشارع الترعه فيه ميدان صغير اسمه ميدان «الافضل», و فضلت منطقه شبرا مجرد منطقه زراعيه و بساتين لحد شق محمد على كوبرى شبرا فدخلت المنطقه نطاق العمران و بدا الامرا يبنو القصور الفاخره فيها و كان قصر سعيد باشا واحد من اهم القصور فى مدينه شبرا سنة 1858 على الشارع الرئيسى و اتحول بعدها لمدرسه التوفيقيه الثانويه. و ازداد العمران بعد كده فى مدينه شبرا بعدما اتمد خط الترام ليها فى شارع شبرا سنة 1902 و وصل لمنطقه روض الفرج و ساحل روض الفرج سنة 1903 و اتعمل بيه القهاوى و النوادى اللى كان بيروحها اهل القاهره للتنزه, و كان وصول الترام لشبرا من اهم عوامل تحول مدينه شبرا لمنتزه للاثرياء و لاقى فيها اهالى القاهره بديل عن قلب المدينه المزدحم واتحولت كل البساتين و الاراضى الزراعيه لاراضى للبنا و اتعمل عليها العمارات, فى الفتره اللى بعد الحرب العالميه التانيه ازداد العمران فيه لحد اتصلت مدينه شبرا بقريه شبرا الخيمه اللى كتر فيها انشاء المصانع و المعامل و المخازن بالاضافه لمعاهد العلم و المساجد و الكنايس و المستشفيات و مراكز رعايه الطفل, و انتشرت فى شوارعها المحلات التجاريه, ساحل روض الفرج كان ليه مكانه خاصه للترفيه و اتعمل بيه الملاهى و المسارح قبل ما تنتقل الحركه الفنيه لشارع عماد الدين بوسط القاهره.
حى شبرا كان مشهور بانه حى الفنانين و كان بيسكن فيه الفنان الكوميدى على الكسار و الفنانه مارى منيب والفنان ماهر العطار والفنان الراحل محرم فؤاد والفنانه الراحله سعاد نصر والفنان الراحل سراج منير و الفنان الراحل بليغ حمدى و الفنان يوسف شعبان و الفنانه بوسى,و الفنان وائل نور و المخرج خيرى بشاره و اتولدت بيه المطربه العالميه الراحله داليدا , اللى قالت داه فى واحده من اغنياتها بالعربيه "احسن ناس" .
توسعة شارع شبرا
[تعديل]بعد ثورة يوليه دخل ضمن خطه لتطوير القاهره على ايد عبداللطيف البغدادى وزير شئون البلديه و القرويه و اتوسع شارع شبرا الى 40 مترا و نقل الترام لوسط الشارع, كمان مد شارع الترعه البولاقيه و وصل شبرا بعد ردم الجزء الفاضل من الترعه, كمان انشا محطه نهائيه لاتوبيسات الوجه البحرى للقاهره. و مع التوسع الشديد فى العمران بشبرا كانن من الضرورى تقسيمها اداريا فبقى الجزء من ميدان احمد حلمى لحد ميدان المظلات تبع لقاهره, اما الجزء الباقى منها من ميدان المؤسسه و هوا المعروف بشبرا الخيمه فهو تبع محافظه القليوبيه و تم تقسيمه لقسمى اول و تانى شبرا الخيمه, اما الجزء التبع لقاهره فهوا فى نطاق اربع اقسام للشرطه و هيا اقسام اول و تانى شبرا و قسم الساحل و قسم روض الفرج.
بيعتبر شارع شبرا واحد من اطول شوارع القاهره و اهمها من الناحيه التجاريه, و من اقدم شوارع شبرا فتقريبا عمره ميتين سنه, بيتمتع شارع شبرا بنشاط تجارى واسع و خاصه فى منطقه «الدوران» و ارتفعت اسعار المحلات التجاريه بعد افتتاح المرحله التانيه من مترو الانفاق.
مدرسه التوفيقيه واحده من اهم معالم شارع شبرا و اللى كانت فى الاصل قصر سعيد باشا سنة 1858 و اتخرج منها المدرسه عدد كبير من رواد مصر زى الشاعر ابراهيم ناجى و د.نجيب محفوظ باشا رائد طب الستات فى مصر و اللى اتسمى باسم الاديب نجيب محفوظ و د.على لطفى رئيس وزراء مصر الاسبق, جامع الخازنداره واحد من اهم معالم الشارع و اقدمها و كمان كنيسه «مارى مرقص» بمنيه السيرج و بتطل على شارع شبرا و هيا اكبر كنايس شبرا و هيا للاقباط الارثوذوكس و كنيسه «سانت تريزا» للكاثوليك و اتسمى اسم الكنيسه على تالت محطات مترو الانفاق لشبرا بعد محطه مبارك او «رمسيس» و تعتبر كمان مدرسه الراعى الصالح من اقدم و اهم المدارس بشارع شبرا و واحد من اهم المعالم الهامه بسورها الاثرى و بيرجع انشاء المدرسه لاكتر من ميه سنه و لحق بيها كنيسه و مستشفى و اتعمل سوق تجارى كبير جنبها اسمه سوق «الراعى الصالح» شبه سوق «وكاله البلح» الشهير و بيوصل السوق لشارع شبرا من جهه و شارع الترعه البولاقيه من الجهه التانيه من خلال ممر تجارى ضيق بيضم محلات صغيره.
شارع احمد حلمى
[تعديل]شارع احمد حلمى من اهم شوارع شبرا و هوا موازى لشارعى الترعه البولاقيه و شبرا و هوا مهم لحركه المرور بحى شبرا و كسب شهرته و اهميته باعتباره طريق للسفر و الرجوع بين القاهره و الوجه البحرى, و لحد وقت قريب كان موقف احمد حلمى واحد من اهم مواقف عربيات الاجره و اتوبيسات الوجه البحرى قبل نقلها لموقف عبود, و اتسمى الموقف و الشارع على اسم المناضل الوطنى احمد حلمى رفيق الكفاح مع الزعيم مصطفى كامل لمدة سبع سنين و اللى اشتغل بالصحافه و كتب فى صحف «اللواء» و«الشعب» و العلم بعدين سابها و اشتغل بالزراعه ون جح فى المجال و اشترى ارض واسعه فى شبرا و بنى عماره كبيره فى مدخل شبرا من ناحيه الشارع اللى حمل اسمه بعد وفاته سنة 1936.
شارع الترعه البولاقيه
[تعديل]شارع الترعه البولاقيه و شبرا الرئيسى و شارع احمد حلمى بتمتد بالتوازى و بتقطع حى شبرا بالطول و بينها شوارع كتيره متقاطعه معاها اشهرها شارع خلوصى اللى بيربط بين شارع الترعه البولاقيه و شبرا و هوا واحد من اهم الشوارع التجاريه بيها و شارع احمد بدوى اللى بيوصل بين احمد حلمى و الترعه البولاقيه و شبرا و بترجع تسميه الشارع بسبب ترعه قديمه كانت بتربط بين حى بولاق ابوالعلا و شبرا و عشان كده اتسمى الشارع باسم الترعه البولاقيه و لسا جزء من الشارع لغايه دلوقتى بحى بولاق من ناحيه السبتيه و القللى, و بيشتهر شارع الترعه بمحلات قطع غيار و اكسسوارات العربياتو فى الشارع فيه ميدان «فيكتوريا» واحد من اشهر ميادين شبرا و بتتفرع منه شوارع تانيه شهيره زى العطار و العسال و شيكولانى و المحمودى و بالشارع سينما قديمه اسمها «شبرا بالاس» و هيا من سينمات الدرجه التانيه و بتشتهر بتقديم الافلام الهنديه بس.
جزيره بدران
[تعديل]منطقه جزيره بدران من اقدم المناطق بحى شبرا و كانت بتتميز بالقصور و الفيلات من زمان و اغلبها اتهدم و حل مكانها عمارات و ابراج و بتعتبر منطقه جزيره بدران حدود شبرا مع حى بولاق العريق من ناحيه «مزلقان النجيلى» على شارع السبتيه و بتفصل قضبان القطر للجنوب للصعيد ما بين حى بولاق و حى شبرا و بيمتد عمق جزيره بدران لحد اول شبرا من ناحيه ميدان احمد حلمى وى شارع «ابن الرشيد» هوا الشارع الرئيسى بجزيره بدران كمان مدرسه «رقى المعارف» من اقدم المدارس هناك, و بتعتبر منطقه ميدان الخلفاوى من اقدم المناطق فى حى شبرا و ارض اغاخان و هما من المناطق الراقيه اللى بيسكنها الطبقه البرجوازيه والارستقراطيه, و منطقه الخلفاوى جنب الشيخ رمضان و فيكتوريا و بتربطها شوارع شهيره زى عبدالحميد الديب و محمد الخلفاوى اما اغاخان فبتطل على النيل من ناحيه المظلات.
هوا حى شعبى قديم كان مركز للمسارح انطلق منها كتير من الفنانين الاستعراضيين و المطربين.كان فى روض الفرج سوق الخضار و الفاكهه المركزى فى القاهره اللى كان مركز تجميع من كل الجمهوريه , بس اتنقل لمدينه العبور الجديده. من الافلام اللى اتصورت فى السوق فيلم (سلام يا صاحبى), اغلبيه سكانه كانو من اللى جيه من الريف عشان يكونو جنب السوق و بيختص بقسم للشرطه و فيه منطقه «جزيره بدران».
اغانى عن شبرا
[تعديل]اتغنى مطربين بحى شبرا من شعبان عبدالرحيم اللى عدد اسماء شوارع شبرا فى اغنيه شهيره كانت سبب فى شهرته اسمها «احمد حلمى» قال فيها «احمد حلمى اتجوز عايده, كتب الكتاب الشيخ رمضان, و كان شاهد العسال وجابو الشمع من العطار». و كلها اسماء شوارع بحى شبرا ماعدا «مزلقان عايده» و هوا الاشهر فى حى شبرا, و محرم فؤاد غنى «باحبك ياشبرا» بتقول كلماتها, باحبك ياشبرا باحبك صحيح, ياموال واوبرا و عامى و فصيح, ياجامعه محمد و عبدالمسيح.
اصل تسميه مناطق شبرا و روض الفرج
[تعديل]شبرا كانت عباره عن جزيره وسط النيل ... اسمها جزيره الفيل ... وبفعل عوامل التعريه اتصلت الجزيره بالأرض ... علشان تكون هى أرض شبرا و روض الفرج
- حى شبرا كان يشتهر قديما بأنه حى الفنانين فكان يسكن فيه الفنان الكوميدى على الكسار و الفنانه مارى منيب والفنان ماهر العطار والفنان الراحل محرم فؤاد والفنانه الراحله سعاد نصر والفنان الراحل سراج منير والفنان الراحل بليغ حمدى والفنان القدير يوسف شعبان والفنانه بوسى,والفنان وائل نور و المخرج خيرى بشاره و اتولدت به المطربه العالميه الراحله داليدا , اللى ذكرت ذلك فى واحده من اغانىها بالعربيه "أحسن ناس" .
- اتحفر ترعه لرى أشجار شارع شبرا وحدائق القصر. و كانت هى الترعه البولاقيه.
- كان الشارع بيمر بقريتين صغيرين قبل ما يوصل لقصر شبرا. وهى جزيره بدران (أرض مرتفعه لا تغطيها ميه الفيضان) وبعدها منيه السيرج (قريه مشهوره بصناعه زيت السمسم المسمى زيت السيرج)
- شارع البعثه: سموه كده لتمركز بعثه الرهبان الكاثوليك فيه
- شارع العطار: هو فى الأصل عزبه الحاج محمد هرمس كبير العطارين. وورث ابنه ايوب المهنه عن والده وصارت المنطقه اللى بنى فيها بيته هى أرض أيوب.
- شارع قبه الهواء هو ضمن ابعاديه قصر قبه الهواء (مصنع الخنازير حالى) و هو قصر حريم عمر طوسون
- السبتيه: حى اليهود وكانوا يغلقون تجارتهم يوم السبت و عشان كده سموهم السبتيه
- أمر محمد على الأعيان والأمراء ببناء قصور لهم فى ضاحيه شبرا, و كان شارع شبرا الوقت ده أوسع شارع فى مصر و كان الأمراء والأميرات يتنزهون على ظهور الخيل وعربات السوارس.
- أول من بنى قصره فى المنطقه هو الأمير "حيدر دولتيان" و هو الايام دى مدرسه الخلفاوى بنات بشارع دولتيان حاليا.
- وبعده أمير الخزانه "عبد الرحمن الخازن دار" اللى بنى قصر وجامع (القصر اليوم هو كنيسه سانت تريزا)
- بعدها بنى محمد على قصر لأخته الأميره "أنجه هانم"
- واستمر الأعيان فى بناء القصور لكن أشهرهم هو قائد جيوش السلطان سليم أحمد خمارويه
- سنة 1849 بعت الخديو اسماعيل أمر لالمريدى باشا محافظ القاهره بأن يجد مكان لأقامه دوله الأمير طوسون ابن سعيد باشا والى مصر. فأهداه قصر النزهه الأميرى على طريق شارع شبرا (مدرسه التوفيقيه حالى) وكمان الأراضى حوله وسميت المنطقه طوسون.
- و كان للأمير طوسون خادم أرمنى أسمه برنار شيكولانى أنعم عليه الأمير بقصر بجواره و هو الايام دى مدرسه الاستقلال.
- كمان بنى الأمير عمر طوسون سنة 1886 قصر جميل قائم لحد دلوقتى وتحيط بع 4 مدارس(شبرا الثانويه – قاسم أمين الاعداديه – حسنى مبارك الثانويه بنات – مدرسه روض الفرج).
- كان تجار الجمال والمواشى يتوافدون من الدلتا للتجاره فى دى السوق. و كان عليهم عبور النيل للوصول لالسوق. أما الطريقه الوحيده لعبور النيل فى دى المنطقه كانت معديات "جسر البحر" قرب الشارع اللى يحمل ده الاسم دلوقتى .
- و كان الحى فى منتهى الروعه لحد سماه سكان القاهره (عزب البكوات) وصارت الأزبكيه
- منطقة أحمد حلمى: هو تم الشاعر والكاتب المعروف و أول رئيس تحرير جريده الوفد وجد صلاح جاهين
- شارع الشيخ رمضان على الصعيدى: من الدراويش المشهورين فى دى المنطقه
- ميدان فيكتوريا: أرض قصر فيكتوريا الفرنسيه خليله أمير الجيوش خمارويه
مناطق شبرا
[تعديل]- دوران شبرا
- شيكولانى
- طوسون
- الجيوشى
- الترعه البولاقيه
- ڤيكتوريا
- الساحل
- روض الفرج
- سانت تريزا
- الخلفاوى
- المظلات
- احمد حلمى
- المتنزه
- الشيخ رمضان
- عبود
اهم الشوارع والميادين
[تعديل]- شارع شبرا
- شارع الترعه البولاقيه
- شارع شيكولانى
- شارع العطار
- ميدان ڤيكتوريا
- ميدان المتنزه
- ميدان الخلفاوى
- شارع خلوصى
- دوران شبرا
- شارع طوسون
- روض الفرج
- جزيره بدران
- الخلفاوى
- احمد حلمى
- شارع ابن الرشيد
- شارع بديع
- شارع مسره
- شارع المدرسه الانجليزيه
- شارع البعثه
- شارع احمد باشا كمال
- شارع رقى المعارف
- شارع ابن الكورانى
- شارع ترعه جزيزره بدران
- شارع البراد
- شارع شيبان
- شارع الورشه
- شارع بحرى القرقول
- شارع قبلى القراقول
- شارع الملك الصالح
- شارع دولتيان
- شارع مصنع الالبان
- شارع مدرسه التوفيقيه
- شارع الاهوانى
- شارع ياسر مشرط
معالم شبرا
[تعديل]- قصر محمد على
- دوران شبرا
- سينما دولى
- سينما التحرير
- جامع الخازندار
- كنيسه سانت تيريزا
- قصر طوسن (روض الفرج)
- مستشفى معهد ناصر
- مستشفى الساحل التعليمى
- غيه عنتر
- ملك الكبده
- سنتر الامير
- كليه هندسه شبرا, جامعه بنها
- مطاعم سياحيه
- مدارس مشهوره
مشاهير شبرا
[تعديل]- جمال حمدان
- الشاعر عبدالله شمس الدين ( مؤلف نشيد الله اكبر )
- داليدا
- سعاد حسنى
- على الكسار
- مارى منيب
- صلاح جاهين
- نوال السعداوى
- ابراهيم ناجى
- احمد الجارحى
- رجاء عبده
- محمود الجارحى
- استيفان روستى
- سعاد نصر
- محرم فؤاد
- بوسى
- يوسف شعبان
- نورا
- سراج منير
- محمد قنديل
- بليغ حمدى
- خيرى بشاره
- نبيله عبيد
- عادل عبد الرحمن
- زينه
- وائل نـور
- مدحت صالح
- نشوى مصطفى
- نجيب الريحانى
- طاهر ابو زيد
- هشام عباس
- شيرين (ممثله)
- سيمون
- ماهر العطار
- حسين رياض
- مصطفى عبده
- ابراهيم نصر
- عامر منيب
- عبدالله محمود
- منى عبد الغنى
كنايس شبرا
[تعديل]- كنيسه الانبا انطونيوس بشبرا
- كنيسه الست العدرا مريم - مسره
- كنيسه الست العدرا - الوجوه
- كنيسه الشهيد مارمينا - ارض الطويل
- كنيسه الشهيد مارجرجس الجيوشى
- كنيسه الشهيد مارجرجس - خمارويه
- كنيسه الشهيد جورجيوس - ابو طاقيه
- كنيسه الشهيد مارجرجس - جزيره بدران
- كنيسه السيده العدرا - عياد بك
- كنيسه الملاك ميخائيل - عياد بك
- كنيسه الملاك ميخائيل - طوسون
- كنيسه الشهيد مار مرقس - شبرا
- كنيسه القديسه دميانه - بابادبلو
- كنيسه الشهيد ابوسيفين - شبرا
- كنيسه الست العدرا - الحافظيه
- كنيسه الست العدرا و الملاك ميخائيل - الخلفاوى
- كنيسه سانت تريزا
- الكنيسه الانجيليه - شبرا النزهه
- الكنيسه الانجيليه - ارض شريف
- كنيسه سيده البشاره للروم الكاتوليك - جزيره بدران
- كنيسه سان مارك للكاتوليك
- كنيسه مارمينا شبرا
مساجد شبرا
[تعديل]- جامع الخازندار
- جامع مجد الاسلام - عبود
- جامع عمر ابن الخطاب - منيه السيرج
- جامع نصر الاسلام - ميدان ڤيكتوريا
- جامع الفتح - الخلفاوى
- جامع بديع - روض الفرج
- جامع النور المحمدى
- جامع مكارم الاخلاق - جزيره بدران
- جامع خورشيد - ابن الرشيد
- جامع الصحابه- مساكن جزيره بدران
- جامع نور الاسلام - روض الفرج
- جامع منبر الاسلام - روض الفرج
- جامع المجاهد - ابن الرشيد
- جامع السمرى - ابن الرشيد
- جامع جنود الاسلام - جزيره بدران
- جامع سيدى بدران - شارع مسره
- جامع الرحمن - شارع المدرسه الانجليزيه
- جامع الهدى - روض الفرج
- جامع التوحيد /شارع البراد
- جامع الخلفاوى
- جامع عمر بن عبد العزيز_ش.الورشه
- جامع خضر - ش.طوسون
- جامع سيدى الحلى - روض الفرج
- جامع الاصلاح - الساحل
مدارس شبرا
[تعديل]- المدرسه التوفيقيه الثانويه بنين
- مدرسه الاشراف الابتدائه المشتركه
- مدرسه شيبان الاعداديه بنات
- مدرسه شبراالثانويه للولاد
- مدرسه شبراالثانويه للبنات
- مدرسه روض الفرج الثانويه للولاد
- مدرسه شبرا الاعداديه بنين
- مدرسه الايمان الابتدائى والاعداى والثانوى
- مدرسه ناصر الثانوى للولاد
- مدرسه ناصر الثانوى للبنات
- مدرسه محمد فريد الثانوى للولاد
- مدرسه نهضه مصر الابتدائيه المشتركه
- مدرسه رمسيس العامه و مدرسه رمسيس الخاصه
- مدرسه اليسيه فرانسيه - شبرا
- مدرسه راهبات الراعى الصالح للبنات
- مدرسه الفرير
- مدرسه راهبات الكرمليت
- مدرسه القديس يوسف
- مدرسه راهبات نوتردام
- مدرسه نوتر دام ديزابوتر للبنات
- مدرسه القديس بولس للولاد
- معهد دون بوسكو الأيطالى
- مدرسه شبرا الميكانيكيه
- المدرسه الفنيه للطباعه
- مدرسه القاهره الفنيه المتقدمه للصناعات النسيجيه (مشتركه)
- كليه هندسه شبرا, جامعه بنها
- مدرسه الترعه البولاقيه الاعداديه للولاد
- مدرسه شبرا الئانويه التجاريه للولاد
- مدرسه الترعه الاعداديه للبنات
- مدرسه روض الفرج الثانويه للبنات
- مدرسه روض الفرج الاعداديه بنات
- مدرسه روض الفرج الاعداديه بنين
- مدرسه السلام الخاصه المشتركه
- مدرسه الراقيه الابتدائيه الخاصه
- مدرسه قاسم امين الاعداديه بنات
- مدرسه روض الفرج الثانويه بنات
- مدرسه طوسون الابتدائيه المشتركه
- مدرسه العهد الجديد
- مدرسه العامريه الابتدائيه المشتركه
- مدرسه رقى المعارف
- مدرسه مكارم الاخلاق
- مدرسه على بن ابى طالب
- مدرسه الاسماعليه الخاصه
- مدرسه السيده حنيفه
- مدرسه الانجليه الخاصه الابتدائيه
- مدرسه المعاملات الثانويه الفنيه التجاريه بنات
- مدرسه النصر الاعداديه بنات
مستشفيات شبرا
[تعديل]- مستشفى الساحل التعليمى
- مستشفى معهد ناصر, أهم واكبر المستشفيات المصريه
- مستشفى مارمرقس
- مستشفى العربى
- مستشفى الراعى الصالح
- مستشفى المحبه - جزيره بدران
- مستشفى الصفوه - منيه السيرج
- مستشفى الخازندار السنه
- مستشفى الاصلاح الاسلامى
- مستشفى سانت تريزا
- مستشفى رمد روض الفرج
- مستشفى شبرا السنه (مستشفى كتشنر التاريخى)
سينمات شبرا
[تعديل]- سينما دوللى
- سينماالأمير
- سينما مودرن
- سينما نيو مودرن
- سينما الخانكه
جناين شبرا
[تعديل]- جنينه الاغاخان كورنيش النيل
- حديقه روض الفرج
- حديقه الترعه
نوادى شبرا
[تعديل]- نادى اسكو الرياضى
- نادى شبرا الرياضى
- نادى تجديف الشرطه
- نادى روض الفرج الرياضى
- نادى الكهرباء
- دار ظباط النقل
محطات مترو انفاق القاهره
[تعديل]الخط التانى (شبرا الخيمه - المنيب)
- كليه الزراعه
- المظلات
- الخلفاوى
- سانت تريزا
- روض الفرج
- مسره
مواقف لاتوبيسات شبرا
[تعديل]- موقف دوران شبرا
- موقف عبود
- موقف احمد حلمى
- موقف الزهور
- موقف المنوفيه ( مطار المنوفيه )
- موقف المظلات
- موقف مسره
- موقف ابووافيه
قصور شبرا التاريخيه
[تعديل]- قصر محمد على باشا
- قصر طوسون (مدرسه شبراالثانويه للبنين)
- قصر زينب هانم بنت محمد على باشا الكبير على شارع شبرا نفسه
- قصر انجه هانم ارمله محمد سعيد باشا والى مصر
- قصر النزهه اللى جدده الخديوى اسماعيل (حاليا المدرسه التوفيقيه الثانويه)
- قصر شيكولانى الحافل, التماثيل النادره (مدرسه الاستقلال)
- قصر شبرا كان بيمتلكهالامير حليم باشا
- قصر عمر مكرم - مدرسه مسره الابتدائيه للبنات شارع ابن الرشيد روض الفرج
- قصر اللورد كوتشنر ( مستشفى شبرا العام)
احياء و مدن و قرى بنفس الاسم
[تعديل]- شبرا مصر
- شبرا الخيمه
- شبرا أوسيم مركز كوم حماده
- شبرا خيت
- شبرا دمنهور
- شبرا اريس - البحيره
- شبرا النمله مركز طنطا
- شبرا قاص مركز السنطه
- شبرا بابل مركز المحله الكبرى
- شبراتنا مركز بسيون
- شبرا ملكان - الغربيه
- شبرا منت مركز الجيزه
- شبرا النخله مركز بلبيس
- شبرا صوره مركز ديرب نجم
- شبرا العنب - الشرقيه
- شبرا خلفون
- شبرا باص مركز شبين الكوم
- شبرا زنجى مركز أشمون
- شبرا بخوم
- شبرا قباله
- طه شبرا مركز قويسنا
- شبرا بلوله مركز منوف - المنوفيه
- كفر شبرا زنجى مركز الباجور منوفيه
لينكات برانيه
[تعديل]- شبرا – صور وتسجيلات صوتيه و مرئيه على ويكيميديا كومونز (الإنجليزية)
- شبرا معرف مخطط فريبيس للمعارف الحره (الإنجليزية)
- شبرا معرف قاعده البيانات الجغرافيه لموقع جيونيمز (الإنجليزية)
- شبرا معرف ملف استنادى متكامل (الإنجليزية)
- شبرا معرف جوجل لرسوم المعرفه (الإنجليزية)
مصادر
[تعديل]لم يتم العثور على روابط لمواقع التواصل الاجتماعي.
صور و ملفات صوتيه من كومنز
| وطنيه | |
|---|---|
| جغرافيه | |
