شنيتزل
| ||||
|---|---|---|---|---|
| صنف فرعى من | طبق اساسه لحم بقر | |||
 | ||||
| المنشأ |  | |||
| البلد | النمسا
| |||
| النوع | طبق اساسه لحم بقر | |||
| المكونات الرئيسية | لحمه او فراخ مع بيض و بقسماط | |||
تعديل  |
||||
شنيتزل بالألمانى : Schnitzel يعنى حتت لحمه أو فراخ فيليه filet (من غير عضم) متغطيه بيض و بقسماط و مقليه، الأكله دى من اشهر أكلات ڤيينا عاصمة النمسا و يعتبر الطبق الوطنى لدولة النمسا.
فى النمسا اسمه شنيتزل ڤييننا نسبه لمدينة ڤيينا و بيتقدم مع بطاطس و حتت لمون ، فى اغلب الاحيان بيتعمل من لحمه بتللو (لحمة عجل) و بيتقدم مع سلطة بطاطس . فى بلاد كتيره بيتعمل من لحمه بتللو (يعنى لحمة عجل) أو لحمة خنزير أو صدور فراخ أو لحمه ضانى (يعنى لحمة غنم) أو ديك رومى . شنيتزل يشبه لحد كبير طبق اسكالوپ فى فرنسا و اسبانيا ، بانادو فى پورتوجال ، تونكاتسو فى اليابان ، كوتوليتا فى ايطاليا ، كوتليت شابوى فى بولندا ، ميلانيسا فى امريكا اللاتينيه ، شوليتا فالونا فى كولومبيا ، وشريحة لحمة فراخ مقليه و لحمة خنزير فى الولايات المتحده .
شنيتزل ڤييننا
[تعديل]فى النمسا و المانيا، شنيتزل ڤييننا بيكون معمول فى العاده من لحمة العجل.[1] لكن ممكن يتعمل من لحمه تانيه، ممكن يتعمل شنيتزل ڤيينا من خنزير او ديك رومى او فراخ .
مصر
[تعديل]فيه فى مصر اكلات اساسيه تشبه شنيتزل، من الفراخ و من اللحمه . فيه اكلات اكتر فى بعض البيوت و المطاعم و الفنادق
- اسكالوپ پانيه Escalope Pané حتت طويله و رفيعه من صدر فراخ فيليه filet يعنى مخليه رفيعه متغطيه ببيض و بقسماط . بانيه Panè كلمه فرنساوى يعنى متغطيه ببقسماط . (اسكالوپ يعنى من صدر فراخ مش من لحمه عجل. لو من لحمه عجل اسمها ستيك steak).
- فراخ بانيه Chicken Pané حتت من ورك فراخ فيليه filet يعنى مخليه متغطيه بيض و بقسماط بيسموها فراخ پانيه .بانيه كلمه فرنساوى يعنى متغطيه بقسماط
- پيكاتا Piccata حتت رفيعه فيليه يعنى من غير عضم من لحمه او فراخ او سمك تندق بمطرقه عشان تطرا و تتغطا دقيق و توم و لمون و تتقلا فى زيت زتون و زبده . يتحط معاها مكرونه سپاجيتى بصلصة طماطم.
- ستيك Steak يعنى حتت لحمة عجل فيليه يعنى مافيهاش عضم متغطيه ببيض و بقسماط. المصريين بيسموها "ستيك""Steak". (ستيك steak يعنى من لحمه بتللو يعنى لحمة عجل مش من فراخ . لو من فراخ اسمه اسكالوب escalope)
- ستيك شامبينيون Steak Champignons يعنى ستيك عليه مشروم mushroom
- ستيك پواڤر Steak Poivre ستيك بفلفل حصا
- ستيك نپتون Steak Neptune ستيك مع كابوريا
- كوستوليتا Costoletta حتت لحمه بعضم المصريين بيسموها "كوستوليتا " "cotsoletta" زى الطليان (costoletta معناها ضلع صغير بالطليانى)
- بوفتيك لحمه مفرومه معجونه ببيض و بقسماط المصريين بيسموها بوفتيك. ممكن تتعمل حتت صغيره او كبيره
النمسا
[تعديل]وينر شنيتزل ، حتت لحمه بتللو متغطيه ببيض و بقسماط ، هيا واحدة من أشهر اكلات فى مطبخ ڤييننا عاصمة النمسا ، هيا واحده من الأطباق الوطنيه فى النمسا.[2][3]
لبنان
[تعديل]فى لبنان ، بيسمو الاكله دى اسكالوب زى الفرنساويين. بتتقلا و تتطبخ مع صلصة طماطم
أكلات تشبهها
[تعديل]- اسكالوب Escalope اسكالوپ يعنى حنة صدر فراخ رفيعه. فيليه يعنى من غير عضم و مدقوقه بمطرقه عشان تطرا و (اسكالوپ من فراخ مش لحمه بتللو. لو لحمه بتللو اسمها ستيك )
- اسكالوپ پانيه Escalope Pané اسكالوپ يعنى شريحة فراخ رفيعه مدقوقه عشان تطرا. پانيه يعنى متغطيه ببقسماط . بيغطوها بيض و بقسماط
- فراخ فيليه Filet فراخ فيليه يعنى فراخ مخليه من العضم. filet بالفرنساوى.بالانجليزى fillet
- ستيك Steak يعنى حتة لحمه بتللو .(ستيك من لحمه بتللو مش فراخ . لو فراخ اسمها اسكالوپ)
- ستيك پواڤر Steak Poivre:يعنى ستيك بفلفل حصا
- ستيك شامپينيون Steak Champignons: يعنى ستيك بمشروم. شامپينيون بالفرنساوى يعنى مشروم
- ستيك نپتون Steak Neptune: يعنى ستيك معاه حتت كابوريا او جمبرى . نپتون علا اسم الاه البحر
- كوردون بلو Cordon Bleu كوردون بلو بالفرنساوى يعنى شريط ازرق عباره عن حته صدر فرخه جواها حته رفيعه لحمة خنزير و حتة جبنه رفيعه و حتة لحمة خنزير رفيعه تانيه ملفوفين حوالين بعض.
- پوللو اللا ڤالدوستانا Pollo alla Vadostana: يعنى فراخ علا طريقة ڤالدوستانا شرايح فراخ يتحط عليها ملح و فلفل و تتغطا بدقيق و تتقلا و يحطو عليها شرايح جبنه فوقها . الاكله دى من منطقة جبال الألب فى ايطاليا، ڤال دوستا
- فراخ كييڤ:Chicken Kiev: حتت كبيره و رفيعه من صدر فراخ ملفوفه حوالين توم و زبده
- ميلانيسا نابوليتانا: Milanesa Napolitana النوع دا اللى له شعبيه كبيره فى ارچنتينا و اوروجواى، معمول من شريحة لحمه متغطيه بصلصة مارينارا ( عصير طماطم و توم و بصل و توابل) و جبنه موزاريلا و بتتقدم فى العاده مع بطاطس مقليه
- شرايح لحمة خنزير هاينانى سنغافورى: تتقدم مع شوربه فيها حتت طماطم و بطاطس و بصل و بسله ، و بتتاكل مع رز مطبوخ علا البخار و صلصة فلفل حراق .
- پيكاتا Piccata اكله امريكيه اسمها ايطالى عباره عن حتت رفيعه فيليه يعنى من غير عضم من لحمه او صدور فراخ او سمك مدقوقه بمطرقه عشان تطرا و متغطيه دقيق و توم و عصير لمون و مقليه فى زيت زتون و زبده . بيتحط معاها مكرونه سپاجيتى بصلصة طماطم
- صوابع فراخ عباره عن شرايح رفيعه من صدور فراخ متغطيه بيض و بقسماط و مقليه .
- شرايح فراخ مقليه عباره عن شرايح صدور فراخ فيليه يعنى مخليه متغطيه دقيق و توابل و مقليه. ليها شعبيه كبيره فى جنوب امريكا
- بارمو: Parmo هو طبق له شعبيه كبيره فى شمال شرق انجلترا، و بالخصوص فى منطقة (Teesside) ؛ شرايح صدر فراخ متغطيه بشاميل (دقيق و لبن) و جبنه برمجان و بتتقدم مع بطاطس شيبس و سلطه.
- كوتوليتا Cotoletta كوتوليتا اكله زى شنيتزل شرايح لحمه مافيهاش عضم
- كوستوليتا Costoletta يعنى ضلع صغير بالطليانى اكله زى شنيتزل و زى كوتوليتا لكن فيها عضم مع اللحمه
شوف كمان
[تعديل]مصادر
[تعديل]- ↑ "Wiener schnitzel". Archived from the original on February 25, 2012.
- ↑ "Wiener Schnitzel – Austria's National Food". All Things Austria. 2010-12-13. Archived from the original on 2017-07-10. Retrieved 2017-10-29.
- ↑ "Wiener Schnitzel". Hunter Angler Gardener Cook. 2012-12-21. Archived from the original on 2016-12-05. Retrieved 2017-10-29.