طنطا, مدينه فى مصر و هيا عاصمة محافظة الغربيه. حلت محل المحله الكبرى كعاصمه لاقليم الغربيه من سنة 1836 بطلب من عباس حلمى الاول لما كان مدير الغربيه قدمه لجده محمد على باشا. بتعتبر المدينه سوق تجارى كبير و من اكبر مدن مصر و اشهرها و مركز تجمع السكه الحديد و الطرق البريه فيها بسبب موقعها فى وسط الوجه البحري و بتشتهر بصناعه الحلويات و الزيوت و الصابون و الآلات الزراعيه و والنسيج. زادت أهميتها التجارية لما نزلها و استقر بيها القطب الكبير السيد أحمد البدوى شيخ الطريقه الأحمديه.
ف عهد الفراعنه كان اسمها تناسو و كانت من بلاد المقاطعه الخامسه فى الوجه البحرى ف مصر الفرعونيه و ف عهد الاغريق فى القرن الرابع قبل الميلاد سـماها الاغريق تانيتاد و ف العصر الرومانى اتعرفت باسم طنتثنا و ف العصر البيزنطى قبل الغزو العربى كان اسمها طو و كان الاسم القبطى القديم طنيطاد و بعد الغزو العربى اتحرف الاسم لـ طنتدا, عرفها الفرنسيون باسم طنطه و هيا الطريقه اللى كان بينطق بيها الفلاحين المصريين زمان لكن اهل مدينة طنطا بيسموها طنطا من زمان . دلوقتى معروفه باسم طنطا فى كل حته.
صور و ملفات صوتيه من كومنز
الصفحه دى فيها تقاوى مقاله, و انت ممكن تساعد ويكيپيديا مصرى علشان
تكبرها.