عصر التنوير
| ||||
|---|---|---|---|---|
| بيتكون من | هاسكالا | |||
تعديل  |
||||
عصر التنوير (Age of Enlightenment) مصطلح بيعبر على كام قرن بيبتدى من القرن الستاشر , فى ناس بتقول الخمستاشر, لحد القرن التامنتاشر و اول القرن التسعتاشر, فى الفلسفه الاوروبيه بيعتر جزء من عصر اكبر بيضم عصر العقلانيه. مصطلح عصر التنوير دا بيعبر عن انتشار افكار و مبادىء التنوير اللى بتقوم على المنطق و استخدام العقل, و عدم الاعتماد على الخرافات و الجهل و التفكير القديم. التنوير قدر يطلع اوروبا من عصور الظلام , اللى انتشرت فيه الخرافات و المعتقدات الدينيه المتطرفه على الناس و استغلال رجال الدين و الملوك و القاده الكلام دا عشان يزودوا نفوذهم و اتدخلوا و سيطروا على تفكير و حياه الناس.
ايه هو التنوير ؟ هى مقاله كتبها الفيلسوف ايمانويل كانط بعد ما القسيس يوهان فريدريش زولنير سأله ايه هو التنوير ؟ فحدد كانط مفهوم التنوير بانه : خروج الانسان من حالة عدم استخدام عقله الا لما حد تانى يوجهه و يديله امر عشان يشغل مخه ، و ان الانسان ده بيعتمد على ناس تانيه زى رجال دين و قاده و سياسيين انهم يفكروله و يقولوله كلام و هو يصدقه و يفضل يكرره من غير ما هو فاهم او مقتنع بيه.كل دا بيخلى الانسان عبد بيتحكم فيه الناس اللى بتفكر ليه و بتمنعه انه يفكر لنفسه , التنوير بيدى الناس الفرصه انهم ويحرروا نفسهم من استبداد و سيطره ناس ليه مصلحه انها تسيطر على عقولهم و تحرم عليهم عيشيتهم و منعهم من المناقشه و ظلمهم. بس كانط كان شايف ان احسن حاجه لاصلاح عقل البنى ادم من غير ثورات ممكن يكون بس بالتربيه العقليه و النقديه ، فلو الانسان اتربى على كدا مش حيسمح لحد انه يسيطر على عقله و يفكر له ، و مصيره مش حيبقى مرتبط بحاله حكومه معينه ، و بغض النظر عن ان يكون موجود فى البلد وقتها اولى امر محترمين بيدوه حقوقه ولا لاء. كانط كان شايف ان الحريه حاجه اساسيه للتنوير ، حرية استخدام عقلك و انك تشوف وضعك الحالى دا كويس ولا لاء؟...و لو مش كويس تقدر تغيره ازاى؟. عصر التنوير عصر فلسفى اسسا و طلع مدارس فلسفه مختلفه العقلانيه و التجريبيه. عصر التنوير وفر للناس حوليين العالم انهم يتعلموا و يشغلوا عقلهم.ايمانويل كانط قال ان شعار التنوير هو “اتجرأ عشان تعرف و شغل عقلك ، بالالمانىSapere aude , بالانجليزى : Dare to know
التنوير بينادى بقوة العقل والمنطق كوسيله لتأسيس نظام شرعى للاخلاق والمعرفه لتأسيس النظام الشرعى للأخلاق والمعرفة مع الدين , بس مش بتحكم الدين المطلق فيه, التنوير افكاره بتتطبق حسب اللى بيطبقه و فاهمه, و بيعتمد على توعيه الناس و تعلمهم وانهم يستخدموا عقلهم بدل ما يعتمدوا ويصدقوا الخرافات والادعائات والجهل , من اشهر مبادىء التنوير " متصدقش كل اللى اتقالك من حكامك او من اى حد مهما كانت سلطته السياسيه او الدينيه...فكر فى الكلام الاول..و شغل عقلك واكتشف الحقيقه بنفسك..ربنا ادا للانسان عقل عشان يستخدمه...اوعا تخاف انك تستخدم عقلك.". الحركة دى قدرت تطلع اوروبا من عصور الظلام والجهل و الايمان بالخرافات.
عصر التنوير و الثورات
[تعديل]افكار التنوير و فلاسفه عصر التنوير الهمه ثورات اجتماعيه و سياسيه و ثقافيه حصلت فى اوروبا و فى العالم كله و ابتدت من القرن التمنتاشر ب الثوره الفرنساويه و ظهور الليبراليه و حرية التعبير و الحقوق مدنيه و الحريات المدنيه و اعلان حقوق الانسان والمواطن و الهم كمان الثوره الامريكانيه اللى طبقت افكار التنوير و حولت امريكا لدوله عظمى , و بعدين ساعد على انتشار المذاهب الاقتصاديه المختلفه و الافكار و التيارات السياسيه المختلفه زى ال ليبراليه و الاشتراكيه و بعديها الشيوعيه. افكار التنوير بتعرف الناس ان ليهم عقل لازم يستخدموه و يعرفوا لو مظلوميين ولا لاء و انهم لو مظلوميين يتصرفوا و يواجهوا الظلم والاستبداد, افكار التنوير الهمت كمان الثوره الروسيه و حركات التحرر فى امريكا الجنوبيه و بتلهم لحد دلوقتى ثورات و اضرابات بيقوم بيها الناس ضد حكامهم اللى بيظلموهم و بيحتكروا حريتهم فى التفكير و حقوقهم.