على بابا والاربعين حرامى
الصفحه دى ممكن تحتاج تتويك علشان تبقا حسب معايير ويكيپيديا كمان يمكن الصفحه مافيهاش لينكات لصفحات تانيه, حاول تضيف فيها لينكات لصفحات تانيه متعلقه بيها او تحسين تنسيق الصفحه.
| ||||
|---|---|---|---|---|
| (بالانجليزى: Ali Baba and the Forty Thieves) | ||||
 | ||||
| اللغه | لغه فرنساوى | |||
تعديل  |
||||
على بابا والاربعين حرامي حكايه من حكايات الف ليله و ليله.
كلمة السر المشهوره اللى بتفتح باب المغاره هيه إفتح يا سمسم.
الحكايه
[تعديل]على بابا و الأربعين حرامى هى واحده من أشهر الحكايات القديمه هيا واحده من الحكايات الخياليه المعروفه اللى الهمت الكتاب والفنانين فى الدنيا كلها. الحكايه ملخصها حطاب بسيط اسمه على بابا يسمع بالصدفة كلمة السر افتح ياسمسم اللى بتفتح باب المغارة اللى بيخبى فيها عصابة حراميه كنوزهم اللى سارقينها . و بفضل كلمة السر افتح يا سمسم على بابا كان قنوع سرق شويه صغيره من الكنوز اللى الحراميه سارقينها و مخبينها فى المغاره . مرات على بابا استلفت ميزان من مرات اخوه قاسم الغنى الطماع فحطت مرات اخوه فى كفة الميزان شمع عشان تعرف ها توزن ايه مرات على بابا . مرات قاسم لقت الميزان لازق فيه حتة دهب. قاسم سأل اخوه على بابا فقال له سر المغاره و كلمة السر افتح ياسمسم .قاسم الطماع رغم انه غنى دخل المغاره و قفل بابها بانه قال اقفل ياسمسم و حاول يسرق كل اللى فيها و قعد فتره طويله يلم فى الكنوز و ماعرفش يخرج لانه نسى كلمة السر اللى هى افتح يا سمسم و الحراميه قتلوه و قطعوه و علقو جثته على باب المغاره . على بابا خد جثة اخوه و جاب ترزى يخيطها. الحراميه عرفو ان حد خد جثة قاسم . الحراميه عرفو مكان بيت على بابا من الترزى و علمو بيت على بابا بعلامه لكن الجاريه مرجانه خدت بالها و عملت نفس العلامه على كل البيوت اللى جنب بيت على بابا. الحراميه علمو بيت على بابا بانهم كسرو حته من عتبة البيت . الحرامية حاولو يقتلو على بابا لكن الجاريه مرجانه كشفتهم و انقذت على بابا لما قفلت بحجارة تقيله زلع الزيت اللى مستخبيين فيها الحراميه واللى زعيم العصابه دخلها بيت على بابا على انها زلع زيت . زعيم العصابه حاول يقتل على بابا لكن مرجانه خدت بالها و رقصت بسيف و قتلت بالسيف زعيم العصابه. على بابا عتق مرجانه و جوزها لابنه.
على بابا والاربعين حرامى فى السينما المصريه
[تعديل]- على بابا والأربعين حرامى هو فيلم مصرى انتاج سنة 1942.
على بابا و الاربعين حرامى فى الراديو المصرى
[تعديل]- اوبريت على بابا و الاربعين حرامى فى الراديو المصرى انتاج سنة 1948.
على بابا و الاربعين حرامى فى التليفزيون المصرى
[تعديل]- اوبريت على بابا و الاربعين حرامى فى التليفزيون المصري.
