قسطنطيوس كولوروس

قسطنطيوس الاول (قسطنطيوس كولوروس)
الامبراطور الـ54 فى الامبراطورية الرومانية
تمثال راس قسطنطيوس كولوروس من متحف برلين
الامبراطور الـ54 فى الامبراطورية الرومانية
الفترة 293–305 (قيصر تحت ماكسيميان);
305–306 (اغسطس على الجزء الغربي بالاشتراك مع جاليريوس اغسطس الجزء الشرقي)
معلومات شخصيه
اسم الولاده
الاسم الكامل Marcus Flavius Valerius Constantius Herculius Augustus[1]
الميلاد 31 مارس 250
داردانيا
الوفاة 25 يوليه 306(306-07-25) (عمره 56 سنه)
يورك, بريطانيا
مواطنه روما القديمه   تعديل قيمة خاصية الجنسيه (P27) في ويكي بيانات
الزوجة هيلانه (?–293)
تيودورا (293–306)
ابناء
الاب يوتروبيوس
الام كلاوديا
نسل قسطنطين العظيم
Flavius Dalmatius
يوليوس قسطنطيوس
فلافيا يوليا كونستانتيا
يوتروبيا
انستاسيا
سلالة العيلة القسطنطينية
معلومات تانيه
المهنه سياسى   تعديل قيمة خاصية الوظيفه (P106) في ويكي بيانات
اللغات المحكيه او المكتوبه لاتينى   تعديل قيمة خاصية اللغه (P1412) في ويكي بيانات
تعديل مصدري - تعديل  طالع توثيق القالب

قسطنطيوس كولوروس (بالكامل: ماركوس فلافيوس فاليريوس قسطنطيوس هيركوليوس اغسطس) (بالانجليزي:Marcus Flavius Valerius Constantius Herculius Augustus) , قسطنطيوس الاول , المعروف باسم قسطنطيوس كولوروس,[2] اتولد فى 31 مارس 250 و مات فى 25 يوليه 306 بالتقويم اليولياني (الميلادي القديم) , كان امبراطور روماني فى الفتره من سنت 293 لغايت سنت 306 . و يبقى ابو قسطنطين العظيم مؤسس العيلة القسطنطينية التّي حكمت الامبراطورية الرومانية بين سنين 306 و 350 . ايام حكمه كامبراطور معاون "قيصر" نجح فى انه يقضي على تمرد كاروسيوس و هزم خليفته اليكتوس و استرد بريطانيا لأملاك الامبراطورية الرومانية , كمان اشترك مع الامبراطور ماكسيميان فى الحملات العسكريه الضخمه اللى قام بيها فى منطقت الغال ضد تمرد السكان المحليين هناك . و ايام حكمه كـ"اغسطس" سنت 305 قام بحمله ضخمه ورا حاجز أنطونين الدفاعي ضد البكتيين فى شمال اسكتلندا .[3] لكنه مات فجأه فى وسط الحمله فى مدينت ايبوراكوم (يورك دلوقتي) . بموت قسطنطيوس انتهى نظام الحكم الرباعي اللى كان بدأه الامبراطور دقلديانوس كتقليد لحكم الامبراطورية الرومانية.

نشأته

[تعديل]

قسطنطيوس اتولد فى داردانيا,[4] بعض المصادر بتقول ان ابوه هو يوتريبيوس و هو نبيل من اقليم مويزيا و بينتمي للطبقه الارستقراطيه فى البلاط الروماني , و ان امه هى كلاوديا بنت اخت الامبراطور كلاوديوس التاني .[5] بس فيه مصادر تانيه بتقول ان النسب ده من تأليف قسطنطين ابنه , اللى حاول يعمل لأبوه نسب ارستقراطي لما وصل للحكم , و نفس المصادر بترجح ان قسطنطيوس فى الحقيقه جاي من اصل متواضع على عكس ادعاءات قسطنطين.[6] قسطنطيوس كان عضو فى فرقة Protectores Augusti Nostri و هى فرقة من الحرس الامبراطوري تدريبها عالي و مهمتها حمايت الامبراطور . الفرقه دي اتكونت بمعرفت الامبراطور أورليان لحمايتو فى حروبه ضد مملكة تدمر .[7] قسطنطيوس اترقى فى عهد الامبراطور كاروس و وصل لمستوى حاكم اقليم دلماتيا .[8] قسطنطيوس ساعد دقلديانوس فى الوصول للحكم بالمعارضه لـكارينوس وريث الامبراطور كاروس , و انضم بالجيش بتاعو لمساعدت دقلديانوس ضد كارينوس فى معركة مارجوس فى يوليه 285 , و بكده كان قسطنطيوس له دور كبير فى وصول دقلديانوس للكرسي الامبراطوري.[9]

سنت 286 الامبراطور الجديد دقلديانوس رقّى صديقه القائد ماكسيميان و خلاه امبراطور على الجزء الغربي من الامبراطوريه الرومانيه و دقلديانوس بقى امبراطور على الجزء الشرقي .[10] سنت 288 ماكسيميان امبراطور الجزء الغربي عيّن قسطنطيوس رئيس للحرس الخاص بيه , و ما بين سنين 287 و 288 كان قسطنطيوس اشترك مع ماكسيميان فى حملات كتير ضد القبايل الفرانكيه و الجرمانيه فى منطقت الراين و الدانوب .[11] و عشان يقوي علاقته بالقائد الجديد بتاعو , قسطنطيوس طلّق مراتو هيلانا و اتجوز تيودورا بنت ماكسيميان.[12]

الترقيه لرتبة قيصر

[تعديل]

دقلديانوس و ماكسيميان كانو مهتمين بطموح قسطنطيوس و نتيجت اخلاصه ليهم كانو عايزين يشركوه معاهم فى الحكم , و ده اللى خلاهم يخترعوا صيغه جديده للحكم هى مجلس الحكم الرباعي .[13] بحيث الامبراطوريه الرومانيه تكون مقسومه نصين , و كل نص بيحكمه امبراطور "اغسطس" بيساعده امبراطور معاون "قيصر" و بحيث يكون كل قيصر هو ولي عهد الامبراطور بتاعو عشان مايحصلش خناقات ع السلطه لما يموت الاغسطس .

فى اول مارس سنت 293 فى مدينت ميلانو قسطنطيوس اتعين كقيصر على الجزء الغربي من الامبراطوريه فى معاونة الامبراطور ماكسيميان ,[14] و بقى حاكم عسكري على منطقت الغال و اسبانيا و بريطانيا . و بنفس الطريقه دقلديانوس هو كمان عيّن لنفسو قيصر معاون هو جاليريوس فى 21 مايو سنت 293.[7]

اول مهمه كانت مطلوبه من قسطنطيوس و هو قيصر هى انه يقضي على تمرد كاروسيوس و استقلاله ببريطانيا و شمال الغال . و فعل فى اواخر سنت 293 كان قسطنطيوس نجح فى انه يقضي على معظم قوة كاروسيوس فى الغال و حصره فى الجزيره البريطانيه , و ابتدا يجهز اسطول استعداداً لغزو بريطانيا من البحر .[15] من الحاجات اللى ساعدته كمان ان كاروسيوس اتقتل بعد انقلاب عسكري من وزير ماليته اليكتوس . عدم الاستقرار الداخلي فى حكم كاروسيوس و من بعديه اليكتوس ساعد قسطنطيوس فى انه يركز الاول مع القبايل الفرانكية اللى كانت مواليه لتمرد كاروسيوس و نجح فعل خلال سنتين انه يقلل خطرهم الى حد كبير على سنت 295.[16] لما حس انه مستعد و ان وصول جيش ماكسيميان على حدود الراين هايسند ضهرو , ابتدا يجهز اسطول ضخم لعبور القنال الانجليزي للقضاء على اليكتوس . الحمله كانت مقسومه نصين نص بقيادت واحد من الجنرالات بتوع قسطنطيوس و هو يوليوس اسكليبودتوس و نص بقيادت قسطنطيوس نفسو . النص الاولاني وصل بريطانيا عند جزيرة وايت و قابل جيش اليكتوس و هزمه ,[17] و النص التاني بقيادت قسطنطيوس طلع بسرعه و احتل مدينت لندن لتأمينها من هجمات فلول جيش اليكتوس المهزوم او من هجمات المرتزقه من القبايل الفرانكية اللى بقوا من غير قائد يدفع لهم بعد موت اليكتوس . بعدها قسطنطيوس قام بحملت تطهير واسعه و قبض على كل المرتزقه و اعدمهم .[18]

قسطنطيوس فضل فى بريطانيا كام شهر على بال ما الامور تستقر شويه , و عمل شويت اصلاحات و غير كل القيادات بتاعت كاروسيوس و جاب قاده مخلصين للامبراطوريه ,[19] و عمل تقسيمات اداريه جديده و اعاد تحصين سور هادريان الدفاعي.[19] و فى أواخر سنت 298 رجع للغال و حارب فى معركة لينجون ضد قبايل الآلامانيين , و اتحاصر 6 ساعات كامله دافع فيها عن المدينه بعدد قليل من العساكر قبل ما الجيش بتاعو ييجي يحرر المدينه و ينقذه.[20] سنت 300 حارب ضد القبايل الفرانكية على جبهت الراين تاني , و اعاد انتشار الفرانكيين فى المناطق المهجوره من الغال.[21]

سنت 303 دقلديانوس ابتدا سلسله من الاجراءات الوحشيه ضد المسيحيين فى الامبراطوريه الرومانيه , بس قسطنطيوس مكانش متشجع اوي للمشاركه فى اضطهاد المسيحيين .[22] و كان هو الوحيد من ضمن الاباطره الاربعه فى مجلس الحكم الرباعي اللى ماعملش مدابح ضخمه ضد المسيحيين و كل اللى عمله كان انه هدم عدد من الكنايس .[23] طبعاً جاليرويس المنافس بتاعو استغل ده و بذل مجهود مضاعف فى اضطهاد المسيحيين عشان يبان اودام دقلديانوس انه اشطر و اكفأ .

الصعود للكرسي الامبراطوري

[تعديل]

بين سنت 303 و سنت 305 جاليريوس ابتدا عدد من المناورات عشان يضمن مكانه كامبراطور بعد دقلديانوس و ماكسيميان , و عمل اجتماع مع ماكسيميان سنت 304 عشان و حاول يقنعه ان قسطنطيوس ماينفعش يبقى امبراطور لأنه لو بقا امبراطور فى جبهت الراين هاتفضى و مش هايكون فيها قائد عسكري كبير.[24] من المعروف ان قبل سنت 303 كان فيه اتفاق ضمني بين الاباطره الاربعه فى مجلس الحكم الرباعي ان قسطنطين ابن قسطنطيوس و مكسينتيوس ابن ماكسيميان هايترقوا لمنصب امبراطور معاون "قيصر" بعد تنحي دقلديانوس و ماكسيميان . بس بنهايت سنت 304 كان جاليريوس نجح فى اقناع دقلديانوس بان قرايبو ماكسمينوس و سفيروس هما الأولى بمنصب قيصر .[25] و بالفعل فى اول مايو سنت 305 دقلديانوس اتنحى و سلم الحكم لـجاليريوس كامبراطور على الجزء الشرقي و ماكسيميان اتنحى و سلم الحكم لقسطنطيوس كامبراطور على الجزء الغربي , و اترقى ماكسمينوس و سفيروس لمنصب امبراطور معاون "قيصر" . قسطنطين كان متضايق بسبب استبعاده من منصب "قيصر" و رجع لبلاط ابوه على ساحل الغال كقائد عسكري فى الوقت اللى كان قسطنطيوس بيجهز لحملته على بريطانيا .[26]

وفاته

[تعديل]

سنة 305 قسطنطيوس دخل لعمق بريطانيا و وصل لأقصى شمال الجزيره البريطانيه و عمل حمله عسكريه ضد البكتيين فى اسكتلندا و انتصر عليهم و اخد لقب Britannicus Maximus II يعني "سيد بريطانيا" فى 7 يناير 306,[27] و ده للمرة التانيه بعد دقلديانوس اللى كان اول واحد ياخد اللقب ده. و لكن و هو فى طريق رجوعه فى مدينت يورك مات فجأه يوم 25 يوليه سنت 306 .[28] و كتب فى وصيته ان ابنه قسطنطين يبقى هو خليفته , و بالتبعيه جيش قسطنطيوس اعلن قسطنطين امبراطور على الجزء الغربي من الامبراطوريه فى نفس اليوم فى مدينت يورك.[29]

شوف

[تعديل]

ليستة امبراطرة الرومان

مصادر

[تعديل]
  1. ↑ Southern, pg. 147
  2. ↑ "Marcus Flavius Valerius Constantius", "Valerius Constantius", "Gaius Valerius Constantius", and "Gaius Fabius Constantius" have been found on inscriptions, while Aurelius Victor (Caes 39:24) implied it may have been Julius Constantius
  3. ↑ W.S. Hanson "Roman campaigns north of the Forth-Clyde isthmus: the evidence of the temporary camps"
  4. ↑ Roman Colosseum
  5. ↑ Historia Augusta, Life of Claudius 13
  6. ↑ Southern, pg. 172
  7. ↑ أ ب Potter, pg. 288
  8. ↑ Odahl, Charles Matson. Constantine and the Christian Empire. New York: Routledge, 2004. p.16
  9. ↑ Potter, pg. 280
  10. ↑ DiMaio, Constantine I Chlorus; Canduci, pg. 119
  11. ↑ Southern, pg. 142
  12. ↑ Potter, pg. 288; Canduci, pg. 119
  13. ↑ Southern, pg. 145
  14. ↑ Birley, pg. 382
  15. ↑ Birley, pg. 385
  16. ↑ Southern, pg. 149
  17. ↑ Aurelius Victor, Liber de Caesaribus, 39
  18. ↑ Potter, pg. 292
  19. ↑ أ ب Birley, pg. 393
  20. ↑ Eutropius, Breviarum 9.23
  21. ↑ Southern, pg. 152
  22. ↑ Potter, pg. 339; Southern, pg. 168
  23. ↑ DiMaio, Constantine I Chlorus
  24. ↑ Potter, pg. 344
  25. ↑ Potter, pg. 340
  26. ↑ outhern, pg. 170; Eutropius, Breviarum 10.1; Aurelius Victor, Epitome de Caesaribus 39; Zosimus, Historia Nova 2
  27. ↑ Birley, pg. 406
  28. ↑ Potter, pg. 346
  29. ↑ Eutropius, Breviarum 10.1–2; Canduci, pg. 126