كابتات الانزيم PDE5

مولد الضد	الهدف
اعتبارات علاجيه
معرفات
بيانات كيميائية
	تعديل

كابتات ( مهبطات ) الانزيم فوسفودايستريز رقم 5 - PDE5 inhibitor. وهوا انزيم مهم من انزيمات فوسفودايستريزس .الادويه اللى بتشتغل عليه وبتمنع شغله بتفيد فى علاج الضعف الجنسي . لانه الانزيم ده بيتشغل علي مركب تاني اسمه cGMP واللي موجود فى العضلات الناعمه بتاعه الذكر . فالادويه اللى بتتاخد لتهبيط الانزيم PDE5 اللى بيعمل تحلل ل cGMP. و CGMP ده بيخلي العضلات الناعمه smooth muscles بتاعه شرايين العضو الذكري ترتخي فتتملي corpus cavernosum بالدم . فابلتالي لما بنوقف PDE5 عن الشغل بنساعد CGMP انه يشتغل علي زيادة تدفق الدم فى الذكر . المجموعه دي من العلاجات كمان بتساعد فى علاج علو ضغط الدم فى الرئه pulmonary hypertension .

دواعي الاستعمال

علاج الضعف الجنسي (ضعف الانتصاب ) .
علاج علو ضغط دم الرئه pulmonary hypertension .

تاريخ

سيلدنافيل ( فياجرا ) اكتشفوه بالصدفه وهما بيعملوا دوا جديد للذبحه , فلاحظوا دوره فى علاج ضعف الانتصاب .

موانع الاستعمال

اذا كان المريض بياخد اى دوا من ادوية النيترات nitrates ( نوع من ادويه الذبحه ) .
اى شخص ممنوع من ممارسه الجنس لاي خطر من مخاطر القلب .

الاثار الجانبيه

  بتختلف علي حسب الجرعه وعوامل فرديه

10% من المرضي بيعانوا من الصداع ( اكتر الاعراض انتشارن ).
دوخه , صهد فى الوش , احتقان او سيلان فى المناخير , وجع فى الضهر , عسر هضم .
فى 18 اكتوبر 2007 نبهت اداره الاغذيه والادويه الامريكيه FDA من الطرش المفاجئ بسبب الادويه دي وانها هتحط لزقه جوه المنتجات دي مكتوب عليها الكلام ده .
فيه دلايل فى الوقت الحالي انه الادويه دي ممكن تعمل التهاب فى عصب العين anterior optic neuropathy.

الامثله

 اول دوا طلع هوا سيلدنافيل ( فياجرا )

سيلدنافيل ( فياجرا Viagra)
تادالافيل ( سيالس Cialis )
فاردينافيل ( ليفترا Levitra )

الادويه دي مش بتنشن علي الذكر بس

الادويه دي بتشتغل علي انزيم رقم 5 زي ما قلنا , لكن كمان بتأثر علي شويه انزيمات تانيه فى الجسم من مجموعه انزيمات فوسفودايستريزس عشان كده بنلاقي اعراض فى مناطق تانيه من الجسم وخصوصن مع الجرعات العاليه ,فمثلن سيلدنافيل ( فياجرا ) كمان بيوقف الانزيم رقم 6 ورقم 9 فى شبكيه العين عشان كده بيعمل شويه زغلله فى العين . اما تادلافيل ( سيالس ) فكمان بيوقف الانزيم رقم 5 ورقم 11 .
بس المشاكل الموجوده كلها بتعتبر طبيا بسيطه لان التنشين الموجود علي الذكر من الادويه دي كافي والاثار الجانبيه مش بالخطوره . ورغم انهم طوروا دوا بينشن بدقه علي الذكر لكن مش محتمل انه ينزل الاسواق المتشبعه بمنتجات تانيه وتطويره قاصر علي الابحاث فى الوقت الحالي .

طريقه الشغل

تهبيط الانزيم رقم 5 بيزود مركب تاني اسمه cGMP . وال cGMP ده بيزود اكسيد النيتروجين NO فى الذكر واللي بيعمل توسيع لاورده الذكر وبتالي تدفق احسن للدم فيه .
مع العلم ان اكسيد النيتروجين NO بيخرج فى اوقات الاثاره الجنسيه , عشان كده الادويه دي مش بتتشغل الا فى اوقات الاثاره ومش هتشتغل بدون رغبه ..

ملحوظات

الادويه دي بتتاخد بعد استشاره الدكتور .
اذا كنت بتاخد ادويه او بتعاني من امراض فى القلب اوالاوعيه الدمويه لازم تبلغ دكتورك .

المصادر

ويكيبديا انجليزيه (ترجمه للمصري ) .