كيتو بوقا
| ||||
|---|---|---|---|---|
| معلومات شخصيه | ||||
| تاريخ الميلاد | القرن 13 | |||
| الوفاة | 3 سبتمبر 1260 | |||
| مواطنه | امبراطوريه مغوليه | |||
| الخدمة العسكرية | ||||
| المعارك والحروب | حملة المغول ضد النزاريين ، وسقوط بغداد ، ومعركة عين جالوت | |||
تعديل مصدري - تعديل  | ||||
كيتو بوقا ( فى النصوص العربيه القديمه : كتبغا ) (اتقتل سنة 1260 ) قائد مغولى كبير من چنرالات هولاكو المقربين. قاد الجيش المغولى فى معركة عين جالوت ضد الجيش المصرى بقيادة السلطان سيف الدين قطز و الظاهر بيبرس و قاوم بشجاعه لكن انهزم هزيمه ساحقه و اتاسر و اتعدم.
بعد ما اتاسر حاول انه يتفاخر بهولاكو و جيشه اللى حاييجى ينتقم فقال له قطز : " لا تفخر الى ده الحد بفرسان توران، فانهم يزاولون اعمالهم بالمكر و الخداع لا بالرجولة و الشهامه " ، و اتعدم على ايد الامير الكبير جمال الدين اقوش ، و اتبعتت راسه على القاهره
هناك من يقول انه اتقتل فى المعركة بتاعت عين جالوت فى ساحة القتال حيث ان الامير جمال الدين اقوش هجم عليه فى ساحة المعركة وطعنه . حسب كتاب زبدة الفكر فى تاريخ الهجرة لركن الدين بيبرس المنصورى قبل كده كان وكله هولاكو بمهاجمة قلاع الحشاشين فهاجم الاول ولاية قهستان و استولى على اجزاء منها و بعدين حاصر قلعة الموت مركز قيادة الحشاشين ، و بعدين حاصر قلعة مهرين بالمجانيق و دخل مدينة شاه و عمل فيها مدبحه. شارك فى حصار بغداد سنة 1258 و الاستيلاء على دمشق.