| ||||
---|---|---|---|---|
(باللغه يونانى قديم: Λεωνίδας) | ||||
معلومات شخصيه | ||||
الوفاة | 11 اغسطس 480 ق م | |||
ابناء | بليسترشوس [1][2] | |||
اخوه و اخوات | ||||
الحياه العمليه | ||||
اللغات المحكيه او المكتوبه | لغه يونانى قديم | |||
مجال العمل | سياسه [3] | |||
الخدمة العسكرية | ||||
المعارك والحروب | معركة ثيرموبيلاى | |||
تعديل مصدري - تعديل |
الملك ليونيداس الاول (باليونانى:Λεωνίδας ، يعنى ابن الاسد او اللى زى السبع) ( ح. 540 ق م - 11 اغسطس 480 ق م) كان ملك اسبارتا اللى وقف فى وش الغزو الفارسى فى ممر ثيرموبيلاى فى وسط اليونان القديمه.القصه بتاعة استبساله هو و جنوده بتعتبر واحده من اجمل القصص اللى بتمثل الشجاعه و البطوله الاغريقيه ، و اتردد صداها على مدى قرون طويله فى التاريخ الاوروبى على انها قمة الشجاعه و التحدى اللى ممكن يقوم بيهم اى انسان فى سبيل وطنه.
ليونيداس كان الملك نمره 17 من اسرة الاجياديين اللى حكمت اسبارتا القديمه من القرن العاشر ق م لحد القرن التالت ق م.بتقول الاساطير انه واحد من ولاد الملك اناكساندريداس التانى اللى بينحدر من نسل هيراكليس ابن زيوس. وصل للحكم بعد اخوه المش شقيق كليومينس الاول حوالى سنة 490 ق م ، و كان متجوز جورجو بنت اخوه كليومينس الاول.
سنة 480 ق م قاد ليونيداس قوه صغيره من الحرس الملكى الخاص بيه و راح على ممر ثيرموبيلاى عشان يوقف تقدم الجيش الفارسى الضخم بقيادة الملك خشایارشا (باليونانى:Ξέρξης ، بالاتينى :Xerxes).جت قوات تانيه و انضمت لجيشه من اكتر من مدينه يونانيه و وصل عددهم الاجمالى لما بين 4,000 و 7,000 جندى.تقديرات قوة جيش الفرس بتترواح ما بين 80,000 و 290,000 .لمدة يومين قدر يصمد ليونيداس فى وش الهجمات و لما حس ان نهاية المعركه قربت ، طلب من اكترية الجنود بتوعه انهم ينسحبو ، و تناه هو و 300 من الحرس الملكى فى ممر ثيرموبلاى يحاربو لحد ما اتقتلو كلهم.المعركه دى كان ليها تأثر عميق جدا على على الخيال اليونانى و ساهمت فى انتشار اسطورة ان الاسبارتيين ما بيستسلموش ابدا للاعداء.