مهرجانات
الصفحه دى ممكن تحتاج تتويك علشان تبقا حسب معايير ويكيپيديا كمان يمكن الصفحه مافيهاش لينكات لصفحات تانيه, حاول تضيف فيها لينكات لصفحات تانيه متعلقه بيها او تحسين تنسيق الصفحه.
| ||||
|---|---|---|---|---|
| نوع موسيقى | ||||
تعديل  |
||||
- مزيكه المهرجانات ابتدت فى مصر واول مهرجان اتعمل فى القاهرة و كان مهرجان (المنتخب) احمد فيجو وعلاء فيفتي
- بعد كده كتير من الديجهات المصريه دخلت فى صناعة المهرجانات وحققوا شهره كبيره اوى فى الشارع المصري
- ظهرت مزيكه المهرجانات فى كتير من الاعلانات التجاريه على شاشة التليفزيون .تطورت دى الموسيقى على ايد احد ابناء المطريةفدخلت مرحله تاليف الالحان الخاصه باحد البرامج البسيطه.
- فى البداية لاقت أغنياتهم رواجاً عند سواقى التاكسى والميكروباصات وولاد الطبقات الفقيرة، وبسرعه انتشرت عند كافة الطبقات الاجتماعية المصرية، ولم يعد يخلو زفاف أو حفل خطبة من أغانى المهرجانات. ويصاحب تلك الأغنيات نوعٌ من الرقص الشعبى يتناسب مع الإيقاع الموسيقى الصاخب، اللى يؤديه الشباب و الفتيات فى المناسبات.
الشكل الفنى
[تعديل]- بتعتمد مزيكه المهرجانات على مزيكه التكنو ( Techno music ) اللى بتتعمل عن طريق برامج الكترونيه وبيدخل معاها صوت الشخص اللى بيغنى .
- اما الكلام اللى بيتغنى فمعظم المواضيع اللى بتتكلم عنها المهرجانات مواضيع شعبية مرتبطة بالمناطق الشعبيه فى مصر و الامثال و المواويل المصريه المشهوره .
الرأى الفنى والاجتماعى
[تعديل]- مع انتشار الظاهره الجديده فى الشارع المصرى انتشار كبير ابتدت شوية افلام وثائقيه تتعمل مخصوص عشان تشوف ايه اصل النوع الجديد ده من المزيكه وتحلله و هل ده فن ولا لأ و كانت اراء نقاد فنيين ضد الفن ده و نقاد تانيين معاه و فى صفه بحجة انه بيعبر عن طبقه معينه من الشعب ماكانتش بتعرف تعبر عن نفسها .
- اما من الناحيه الاجتماعيه معظم الشباب المصرى والاطفال بيقبل النوع ده وجزء كبير منهم بيعشقوه واخترعوله طريقة رقص مخصوصة تتناسب معاه اما الاعمار الكبير معظمهم شايف ان الفن ده هابط وبيوصفوه بالدوشة اللى ملهاش لزمه وانه شتان الفرق بين المهرجانت ومابين الطرب المصرى الاصيل .
- اما الفرق اللى بتغنى مزيكه المهرجانات فرأيهم ان هما ليهم استايل جديد ممكن مايبقاش محبوب عند ناس بس محبوب عند ناس تانيه اكتر وخصوصا الشباب .
مصادر
[تعديل]- مهرجانات دوت كوم نسخة محفوظة 2016-04-27 على موقع واي باك مشين. موقع متخصص فى المهرجانات الشعبي
- مهرجانات نسخة محفوظة 2021-04-13 على موقع واي باك مشين. على موقع أغانيك
- رحلة أغانى المهرجانات من أحياء مصر الشعبية لاوروبا http://www.huffpostarabi.com/2015/08/22/story_n_7887788.html نسخة محفوظة 2017-05-29 على موقع واي باك مشين.