ناريمان فهمى صادق (الملكه ناريمان) (31 اكتوبر1933 - 16 فبراير2005) مرات الملك فاروق الاول التانيه و اخر ملكات مصر. ناريمان اتجوزت فاروق فى مايو 1951 و جابت منه ابنهم الوحيد احمد فؤاد التانى فى 16 يناير 1952. بعديها بكام شهر عمل مجموعه من الظباط فى الجيش المصرى انقلاب و طردو الملك بعد ما غصبو عليه يتنازل عن العرش لابنه الرضيع. ناريمان و فاروق اتطلقو فى 2 فبراير 1954 وعاشت فى مصر لحد ما ماتت فى 2005 فى مستشفى دار الفؤاد فى جنوب القاهرة. ناريمان اتجوزت مرتين بعد الملك فاروق والمره الاولانيه من الدكتور الشخصى بتاع الملك و اسمه ادهم النقيب, من اسكندريه و خلفت ولد كمان اسمه اكرم. المره التانيه اتجوزت من دكتور بردو اسمه اسماعيل فهمى و عاشوا فى مصر الجديده لحد ما ماتت فى 16 فبراير سنة 2005.