نبيت
| ||||
|---|---|---|---|---|
 | ||||
| اللون | احمر بمبى ابيض برتقالى |
|||
| المواد | ||||
| ينتجها | ||||
| الاستعمال | ||||
| المكونات الرئيسية | نبيت احمر ، نبيت ابيض | |||
تعديل  |
||||
|
|
| كاس نبيت احمر و ابيض | |
نبيت Wine يعنى عصير عنب متخمر
النبيت هو نوع من انواع المشروبات الكحوليه و ساعات بيتقال عليه كمان خمره.
مكوناته
[تعديل]النبيت بيتعمل من عصير العنب المتخمر. عصير العنب ليه تركيب كيمياوى معين بيخليه يتخمر لوحده من غير ما يتحط له او سكر او انزيمات او احماض.
الانواع
[تعديل]النبيت 5انواع فى منه نوعين اساسيين: نبيت ابيض و نبيت احمر. نبيت وردى يعتى نبيت روزيه (Rosé) بيتعمل هوه كمان من العنب الاحمر بس الطريقه مختلفه شويه: اللون الاحمر بتاع النبيت بييجى من قشرة العنبايه ف لو اتساب القشر لمدة طويله النتيجه ح تكون نبيت احمر اما اذا اتعصر العنب و اتفصلت القشره بسرعه (حولى 3 ايام) ف دا ح يدى فى الاخر النبيت الوردي. النبيت ساعات كمان بيكون متضاف له بقاليل غازيه و دا بيتقال عليه نبيت فوار و من اشهر و اغلا انواع النبيت الفوار الشامبانيا.
التاريخ
[تعديل]النبيت من اقدم المشاريب اللى الانسان ابتدا يشربها من عصور قبل التاريخ و من المحتمل انه يكون اخترعوه فى منطقه ع الحدود بين ايران و جورجيا من حوالى 8,000 سنه و فيه اثار ليه فى المقابر المصريه القديمه زى مقبرة توت عنخ امون و فى مناطق تانيه كتيره من العالم القديم.
الاديان
[تعديل]النبيت بكميه قليله اوى بيستعمل فى تأدية بعض الصلوات المسيحيه (سر التناول) و اليهوديه (الكيدوش)
الصحه
[تعديل]النبيت فيه نسبه كحول متوسطه و شربه بكميات كبيره ليه اثاره السلبيه علا الصحه بشكل عام زيه زى بقيت المشروبات اللى فيها كحول. شرب النبيت بينفع فى تدفية الجسم و علاج البرد فيه دراسات اتعملت فى امريكا و لقت ان شرب النبيت بشكل معقول بيقلل نسبةاصابة الانسان بامراض القلب و الشرايين و خصوصا فشل القلب.[1]
الانتاج
[تعديل]النبيت بتنتجه و بتصدره دول كتير فى العالم و اهمها فرنسا و ايطاليا و امريكا و اليونان.
مصر بتنتج فى السنه نص مليون جالون من النبيت (تقريبن قد اللى بتنتجه انجلترا)[2] النبيت المصرى بيتعمل فى شركة چناكليس فى اسكندريه و من اهم الانواع اللى بينتجوها:
- نبيت البطالسه
- نبيت عمر الخيام
- نبيت جراند ماركيز
- نبيت روبى دى ايجيبت.
