هايمن
| ||||
|---|---|---|---|---|
 | ||||
| جزء من | فالفا | |||
تعديل  |
||||
الهايمن (بالانجليزى: Hymen او بالعربى: غشاء بكارة) هو عباره عن تنيه من غشاء مخاطى بتتكون من طبقه من الانسجه بتحيط بالفتحة الخارجيه للڤاچاينا او بتغطيها جزئيا فى بعض البنات والستات. وكتير من الناس بيعتقدو انه موجود جوه الڤاچاينا لكن الواقع انه بره الڤاچاينا وهو جزء من الڤالڤا (الاعضاء التناسليه الخارجيه).
مراحل نمو الهايمن
[تعديل]فى المراحل الأولى من نمو الجنين مبيبقاش فيه فتحة فى الڤاچاينا. طبقة الأنسجة اللى بتسد فتحة الڤاچاينا فى الوقت ده عادة ما بتنقسم بشكل ناقص قبل الميلاد. حجم وشكل الفتحة او الفتحات دي بيختلف بشكل كبير من بنت للتانيه. فيه بنات بيتولدو من غير ما يكون عندهم هايمن خالص لان الانسجه بتكون انقسمت بشكل كامل قبل ما يتولدو. احيانا، مبيحصلش تكوين للفتحة وده بيؤدي لوجود هايمن مسدود ومفيهوش فتحات. وعشان كده بعد الولادة لازم الدكتور يفحص الڤالڤا بتاعت البنت عشان يتاكد ان فيه فتحة فى الهايمن لأن عدم وجودها بيسبب مشاكل لما الجسم مش بيقدر يتخلص من الدم بتاع الدوره الشهريه.
انسجة الڤالڤا بوجه عام بتكون رقيقه جدا وحساسه فى الفترة اللى قبل البلوغ. واي انشطه بتعمل ضغط على الانسجه دي ممكن تسبب تمزق او شد فيها. ونتيجة لكده، كتير من البنات والمراهقات ممكن يحصلهم تمزق او توسيع فى فتحة الهايمن اثناء ممارستهم لانشطة جسدية زي الرياضه، ركوب الخيل، استخدام التامبون، واثناء ممارسة العاده السريه. والبنت ممكن متعرفش خالص ان ده حصل لان ممكن ميكونش فيه الم او وجود دم او بتكون كمية الدم بسيطة.وكمان ممكن ده يحصل والبنت صغيره جدا انها تفهم او تفتكر اللى حصل.
لينكات خارجيه
[تعديل]- The Mysterious Hymen Revealed Archived 2008-09-13 at the Wayback Machine
- 20 سؤال عن الهايمن
