هيجروميتر
الهيجروميتر (Hygrometer) هو جهاز بيستخدموه علما الارصاد الجويه (الميتيورولوجيا) لكى يقيسوا درجة الرطوبه أو كمية بخار الميه الموجودة فى الجو . دى الانواع الاساسيه من الهيجروميترات:
- الهيجروميتر الميكانيكى: المبدأ اللى قايم عليه هو ان المواد العضويه زى مصارين التور او شعر الانسان بتنكمش و بتتمدد على حسب درجة الرطوبه النسبيه اللى فى الجو. لما بيتغير طول الشعره بيتحرك الزنبرك اللى بيحرك بدوره ابره على المقياس بتاع الرطوبه.
- الهيجروميتر الكهربائى: و دا بيقوم على قياس التغيير فى المقاومه الكهربيه بسبب رطوبة الجو لطبقه رقيقيه من كلوريد الليثيوم او نوع تانى من اشباه الموصلات.
