وهابيه
| ||||
|---|---|---|---|---|
| مذاهب اسلاميه | ||||
| صنف فرعى من | اهل السنه و الجماعه ، وسلفيه | |||
| المؤسس | محمد بن عبد الوهاب | |||
| اتسمت باسم | محمد بن عبد الوهاب | |||
| مختلف عن | اسلامويين سلفيه | |||
تعديل  |
||||
الوهابيه هى حركه مذهبيه و سياسيه سميت بالاسم ده لانها انتسبت لمحمد بن عبد الوهاب اللى قام بالدعوه و نشرها لكن اتباع محمد بن عبدالوهاب لايطلقون على انفسهم انهم وهابيين ولايعتبرونه مذهبا.
بداية الحركه
[تعديل]بدات الحركه بتعاون محمد بن عبد الوهاب و محمد بن سعود اللى فكرو انهم يعملو دوله ( سلفيه ) ويكون محمد ابن سعود هوا القائد السياسى للدوله و يكون محمد بن عبد الوهاب هوا القائد الدينى او راجل الدين الاول فيها و اخد تفكيرهم يروح ناحية التوسع على حساب الولايات اللى جمب الحجاز على اساس انهم كفار و بعدو عن تعاليم الاسلام .
عقيدة الوهابيين (السلفيين)
[تعديل]بتقوم عقيدة السلفيين على 6 حاجات:[1]
- تقديم النقل (كلام القرآن والحديث) على العقل.
- عدم تأويل النقل والفهم الحرفى له.
- مصادر التشريع هيا القرآن والسنه بس.
- مفيش فرق بين الحديث المتواتر وحديث الاحاد.
- فهم النصوص زي ما فهمها السلف من غير تجديد.
- عدم التقليد فى الدين واتباع المذاهب.
تأسيس الدوله السعوديه الأولى
[تعديل]محمد بن عبد الوهاب و محمد بن سعود حاربو كتير من الممالك اللى حواليهم و ضموها ليهم ( و ده السبب فى ان السعوديه مساحتها كبيره جدا بالنسبه لباقى دول جزيرة العرب اللى حواليها ) و مع توسعات الدوله الوهابيه على حساب بقية الولايات الى فى شبه جزيرة العرب و اللى كانت كلها تحت الاحتلال التركى فده خوف الحاكم التركى ( العثمانى ) من دولة محمد بن عبد الوهاب و محمد بن سعود اللى وجودها كان خطوره كبيره على السلطان التركى نفسه.
محمد على
[تعديل]فى الوقت ده اللى عنده القوه العسكريه اللى ممكن يقضى بيها على الدوله الوهابيه هوا محمد على باشا فطلب السلطان العثمانى من محمد على انه يقضى على خطر الدوله الوهابيه فبعت محمد على باشا ابنه ابراهيم باشا للمهمه دى و فعلا نجح فى انه يقضى على الدرعيه العاصمه بتاعتهم فكان حكم مصر ليه و لولاده من بعديه مكافاه ليه بعد ما قضى على دولة السعوديه الوهابيه.
هد الاثار الاسلاميه على ايد الوهابيين
[تعديل]بيقوم الوهابيين فى السعوديه بحمله منظمه لهد الاثار الاسلاميه من مساجد واضرحه وبيوت ومقابر تخص الفتره الاولانيه اللى ظهر فيها الاسلام فى الحجاز، وبيحصل التدمير ده بالذات حوالين مكه والمدينه ولسه مستمر من بدايات القرن التسعتاشر لحد دلوقتى.
الاثار اللى اتهدت
[تعديل]جوامع هد السلفيين اكتر من 44 جامع منهم:[2]
- جامع حمزة بن عبد المطلب عم محمد.
- جامع فاطمه الزهراء بنت محمد.
- جامع المنارتين.
- جامع عثمان بن عفان.
مقابر
- مدفن آمنة بنت وهب، ام محمد (فى الابواء).
- مدفن عبد الله بن عبد المطلب، ابو محمد (فى المدينه).
- مدافن جنة المعلى او الحجون، كان مدفون فيها عبد المطلب جد محمد، ومراته خديجه، وعمه ابو طالب وغيرهم من اجداد محمد وعيلته.
- مدافن البقيع او جنة البقيع، وكان مدفون فيها كل زوجات محمد ما عدا خديجه وميمونه، وابراهيم ابنه من ماريه القبطيه، ورقيه بنت محمد من خديجه، وعباس بن عبد المطلب عم محمد وغيرهم.