ويكيبيديا:تعديلات هدامه
التعديلات الهدامه او التحرير التخريبى هوا شكل من اشكال التحرير ممكن يمتد لفتره طويله على كتير من المقالات و يعطل التقدم لتحسين مقال او بناء الموسوعه, التحرير التخريبى موش دائما بيعتبر تخريب و لازم معالجة كل حاله بشكل مستقل مع مراعاة لو كانت الاجراءات دى بتنتهك سياسات و ارشادات ويكيبيديا, التعامل مع المحرر فى المواقف اللى ما تعتبرش تخريب واضح على انها تخريب ممكن يضر الموسوعه من خلال تنفير المحررين المحتملين.
التحرير التخريبى موش دايما بيكون مقصود, و ممكن يحصل لان المحررين ما يعرفوش ازاى يعدلو بشكل صحيح او ما عندهمش المهارات الاجتماعيه او الكفاءه اللازمه للعمل بشكل تعاونى.
ملخص
[تعديل]جزء كبير من نجاح ويكيبيديا كان بسبب انفتاحها, احيانا الانفتاح الشديد بيخلى الاشخاص يحاولو استغلال الموقع كمنصه لتقديم وجهة نظر واحده او بحث بدائى او الترويج الذاتى, و احيانا المحرريين بيعملو اخطاء فى ويكيبيديا ممكن تسبب مشاكل طويله الاجل عن طريق التحرير المستمر لصفحه او مجموعه من الصفحات اللى بتحتوى على معلومات موش ممكن التحقق منها من خلال مصادر موثوقه او انهم يصرو على عدم الحياد.
التعديلات الهدامه بتقلل من موثوقية ويكيبيديا كمصدر مرجعى و ممكن تخلى المحررين التانيين يسيبو المشروع لما يستمر محرر مخرب بدون عقاب.
التعديلات التخريبيه ممكن تكون قريبه من بعضها البعض فى فى صفحه واحده او على اكتر من صفحه, و ممكن تكون متشابهه جدًا او مختلفه ظاهريا.
المحررين المخربين بيحاولو يخفو سلوكهم و يبينو انه تحرير بناء, لما تفشل المناقشه فى حل المشكله و لما يتفق الاجماع المحايد للمحررين بيكون الحل التاديبى للمخربين ضرورى و ممكن يوصل لحد الحظر.
محاولات التهرب من الكشف
[تعديل]بيحاول المحررين المخربين احيانا التهرب من الاجراءات التاديبية بطرق منها:
- تكون تعديلاتهم على فترات طويلة.
- اغلب تعديلاتهم بتكون على صفحات النقاش.
- تعليقاتهم مافيها خرق لقواعد الادب لكن بيتدخل بشكل مهذب فى المناقشة و التحرير التعاونى.
- تعديلاتهم بتكون فى عدد صغير من الصفحات لى بيشوفها عدد قليل من الناس.
- ممكن تكون التعديلات على مجموعة كبيره من المقالات عشان تقليل احتمالية ملاحظتها.
امثله على التخريبات
[تعديل]المخرب هوا محرر:
- متحيز: بيستمر بتحرير مقال او مجموعه مقالات بتثبت وجهة نظر معينه لفتره طويله على الرغم من معارضه المحررين التانيين و دا بيشمل اضافة مواد او تكرر مسح مصادر موثوقه ضافها محرريين تانيين.
- مصادر موش ممكن التحقق منها: بيستشهد بمصادر موش معروفه او بيحرف مصادر موثوقه او بيعمل بحوث بادئيه
- بيحط قالب
{{عايز مصدر}}بدون مبرر لمقاله المحتوى اللى فيها ليه مصدر. - موش بيشارك فى بناء توافق الآراء:
- بيتجاهل بشكل متكرر اسئله المحررين التانيين او طلباتهم لتوضيحات بخصوص التعديلات او الاعتراضات على التعديلات
- بيتجاهل بشكل متكرر تفسيرات المحررين الآخرين لتعديلاتهم.
- بيرفض او بيتجاهل مساهمات المجتمع: بيستمر بالتعديل عشان يثبت وجهة نظر معينه على الرغم من وجود اجماع معارض من المحررين المحايدين.
- بيحاول ابعاد المساهمين المنتجين: عن التصرف بشكل مخالف للسياسات و الارشادات.
التعامل مع التعديلات الهدامه
[تعديل]مافيش ضروره الخطوات دى تكون بالترتيب, احيانا تنبيه الاداريين بتكون افضل كخطوه اولى لكن بشكل عام ممكن اتباع الخطوات على امل تساعد كل خطوه فى حل المشكله بشكل ما يكونش فى حاجه لخطوات تانيه:
- افترض حسن النيه, ما تهاجمش المستخدم اللى بتشتبه بانه عمل تعديل هدام, نقدر نسترجع التعديلات الموش موسوعيه, اتعامل بادب عشان تحافظ على الجو اللى بيساعد على تحقيق الهدف الاسمى و اللى هوا تطوير محتويات ويكيبيديا, ممكن تستخدم صفحه نقاش المقال و تناقش فيها التعديلات مع المصادر اللى بتثبت صحه التعديل.
- لو تم استرجاع التعديلات الهدامه مره تانيه و لو ماكانش مع التعديل مصادر استرجع التعديل مره تانيه لو ماكانش فيه استجابه فى صفحه النقاش.
- لو استمر اضافة المعلومات بدون مصادر اتراجع عن التعديل و اطلب مساعده الاداريين.
- لو كان المحرر متحيز فى استخدم مصادر و كانت المصادر ضعيفه او تم تفسيرها بشكل خاطئ:
- راجع ويكيبيديا:حل الخلافات.
- استمر فى محاولات عشان المحرر يشارك فى نقاش عن التعديلات و ممكن الرجوع للسياسات و المبادئ التوجيهيه حسب الحاجه.
- لو كان الخلاف بين اتنين من المحررين فى النقاش دورو عن راى تالت.
- لو كان الخلاف بين اكتر من تلات محررين فى النقاش حاول طلب رأى من محررين تانيين.
- لو اترفضت محاولات حل النزاع و فشلت و استمرت المشكله نبه المحرر المخرب على صفحه نقاشه و اشرك واحد من الاداريين فى النقاش.
- لو استمر المحرر فى اضافه التعديلات التخريبيه بيكون المنع المؤقت هوا الحل و احيانا ممكن يوصل للمنع النهائى.
المنع
[تعديل]- المستخدم اللى بيعمل تعديلات تخريبيه بيتحذر و لو ما اسستجبش بيتمنع, المنع بيبدا بـ 24 ساعه.
- ممكن منع الحسابات المستخدمه على طول.
| المحتوى (?) |
| ||||||||||
|---|---|---|---|---|---|---|---|---|---|---|---|
| السلوك (?) |
| ||||||||||
| المسح (?) |
| ||||||||||
| تنفيذ السياسات (?) |
| ||||||||||
| التحرير (?) |
| ||||||||||
| محتوى المشروع (?) |
| ||||||||||
| ويكيميديا (?) |
| ||||||||||
 سياسات ويكيبيديا
 ارشادات ويكيبيديا | |||||||||||