السياسه بتشرح القواعد و الشروط اللى لازم كل اللى بيضيف أو يعدل فى ويكيبيديا مصرى يتبعها, السياسات بتبقى رسميه بعد نقاش و اتفاق عليها و ممكن تتعدل أو تتلغى بنفس الطريقه. لو عايز تقترح تعديل, لو سمحت اقترحه فى صفحة المناقشه.
الملحوظيه الضعيفه بتعنى ان المقال بيلبى الحد الادنى لمعايير ويكيبيديا, زى مثلا لما:
المقال فيه مصادر قليله جدا.
المقال فيه مصادر كتيره بس المصادر موش بتدعم الموضوع نفسه او بتدعم بشكل تافه او بسيط او انها ما تعتبرش مصادر صالحه لاثبات اهميه الموضوع (زى صفحات Facebook او صفحات البلوجات او مواقع الويب الترويجيه).
المقالات فى الحاله دى بتكون معرضه لخطر الحذف, من حق أى مستخدم يرشح مقاله للحذف لو شاف ان ملحوظيه المقاله ضعيفه باستخدام قالب {{ملحوظيه ضعيفه}} او باستخدام قالب {{مسح|سبب المسح}} و يحدد السبب اللى شايفو بيرشحها للحذف.
من المهم دايما التفريق بين الأنواع التلاته للملحوظيه: بدون ملحوظيه, ملحوظيه ضعيفه و ملحوظ, فى حاله الملحوظيه الضعيفه و فى حالات معينه ممكن انقاذ المقاله لو الملحوظيه اتحسنت بشكل بيطابق معايير المصادر و معاير الملحوظيه فى ويكيبيديا.
كتير من المستخدمين بيكونو عاوزين يكتبو عن نفسهم او شخصيات فى منطقتهم او اساتذتهم او شركاتهم او مواقعهم, و بشكل كبير بتكون افعالهم عن حسن نيه, الحالات دى بتحصل فى ويكيبيديا يوميا بالميات و طبعا موش ممكن كل المقالات دى تنقبل لأن ويكيبيديا موش قاعده بيانات و فيه معايير واضحه عشان المقالات تنقبل, داه بيخليهم فى معظم الأحيان يتسرعو فى الكتابه بدون ما ينتبهو لملحوظيه موضوع المقال, لو كانت ملحوظيه المقاله ضعيفه ممكن محاوله تحسينها عن طريق:
التدوير فى الويب عن مصادر اكتر عن الموضوع بشكل إنها تكون بتراعى معايير المصادر المتبعه فى ويكيبيديا.
التدوير فى الكتب و زياره المكتبات المحليه او على الانترنت.
السؤال و الاستقصاء من الخبرا فى الموضوع او اللى ممكن يقدمو المعلومات بشكل محايد.
سياسات ويكيبيديا
ارشادات ويكيبيديا