কৈশোৰ গৰ্ভাৱস্থা

নাৰীৰ স্বাস্থ্য
Logo depicting women's health, symbol for female in red, with a blue staff entwined with a snake
নাৰীৰ স্বাস্থ্যৰ প্ৰতীক

কৈশোৰ গৰ্ভাৱস্থা বা কিশোৰী বয়সত গৰ্ভধাৰণ (ইংৰাজী: Teenage pregnancy) হৈছে ২০ বছৰৰ তলৰ মহিলাৰ হোৱা গৰ্ভধাৰণ।[1] এগৰাকী কিশোৰীৰ ঋতুমতি হোৱাৰ পিছত যৌন সম্ভোগৰ দ্বাৰা গৰ্ভধাৰণ হয়, কিন্তু ডিম্বস্ফোটন আৰম্ভ হোৱাৰ পিছত এক কিশোৰীৰ প্ৰথম ঋতুস্ৰাৱৰ অলপদিন আগতেও গৰ্ভধাৰণ হ'ব পাৰে।[2] সু-পুষ্টিপ্ৰাপ্ত ছোৱালীৰ ক্ষেত্ৰত, প্ৰথম ঋতুস্ৰাৱ সাধাৰণতে ১২ বা ১৩ বছৰ বয়সৰ আশে পাশে হয়।[3] গৰ্ভৱতী কিশোৰীসকলে আন মহিলাৰ দৰে একে গৰ্ভধাৰণ সম্পৰ্কীয় সমস্যাৰ সন্মুখীন হয় যদিও ১৫ বছৰৰ তলৰ কিশোৰীসকলৰ বাবে কিছুমান অতিৰিক্ত উদ্বেগ বা চিন্তা থাকে। ইয়াৰ কাৰণ হʼল যে এই বয়সত কেঁচুৱাটো গৰ্ভত ধাৰণ কৰি ৰাখিবলৈ আৰু স্বাস্থ্যৱান শিশু জন্ম দিবলৈ কিশোৰীসকলৰ শাৰীৰিক বিকাশ পৰ্যাপ্ত নহয়।[4] অৱশে ১৫-১৯ বছৰ বয়সৰ কিশোৰীৰ ক্ষেত্ৰত, বয়সৰ জৈৱিক প্ৰভাৱতকৈ আৰ্থসামাজিক কাৰকৰ সৈতে বিপদাশংকা অধিকভাবে জড়িত।[5] কৈশোৰ গৰ্ভাধাৰণৰ ক্ষেত্ৰত বিপদাশংকাবোৰ হৈছে শিশুৰ জন্মৰ সময়ত কম ওজন, অকাল প্ৰসৱ, ৰক্তহীনতা,(প্ৰি একলেম্পজিয়া়),ইত্যাদি। [6][7]

প্ৰচলন

[সম্পাদনা কৰক]
2016 চনলৈকে ১০-১৯ বছৰ বয়সৰ কিশোৰীৰ শিশু প্ৰসৱৰ হাৰ[8]

প্ৰতি বছৰে, বিকাশশীল অঞ্চলবোৰত ১৫-১৯ বছৰ বয়সৰ আনুমানিক 21 নিযুত ছোৱালী গৰ্ভৱতী হয় আৰু তেওঁলোকৰ প্ৰায় ১২ নিযুতে সন্তান জন্ম দিয়ে। তাৰ মাজত কমেও ৭৭৭,000 জন্ম হয় 15 বছৰতকৈ কম বয়সৰ ছোৱালীৰ গৰ্ভধাৰণৰ ফলত।[9] জৰীপৰ পৰা দেখা গৈছে যে ভাৰতৰ ত্ৰিপুৰা (২১.৯ শতাংশ); পশ্চিম বংগ (১৬.৪ শতাংশ); অন্ধ্ৰ প্ৰদেশ (১২.৬ শতাংশ); অসম (১১.৭ শতাংশ); আৰু বিহাৰত (11 শতাংশ) কিশোৰী গৰ্ভধাৰণৰ হাৰ অধিক।[10]

বিশ্বব্যাপী, কিছুমান চাব-চাহাৰা আফ্ৰিকাৰ দেশত কিশোৰী গৰ্ভধাৰণৰ হাৰ প্ৰতি ১,000 ত ১৪৩ আৰু দক্ষিণ কোৰিয়াত প্ৰতি ১,000 ত ২.৯।[11][12] আমেৰিকা যুক্তৰাষ্ট্ৰত, ১৫ ৰ পৰা ১৯ বছৰৰ ভিতৰত ৮২% গৰ্ভধাৰণ অপৰিকল্পিত।[13] উন্নত দেশবোৰৰ ভিতৰত, আমেৰিকা যুক্তৰাজ্য, ইউকে আৰু নিউজিলেণ্ডত কিশোৰী গৰ্ভধাৰণৰ সৰ্বোচ্চ স্তৰ আছে, আনহাতে জাপান আৰু দক্ষিণ কোৰিয়াৰ 2001 চনত সৰ্বনিম্ন।[14]

বিপদাশংকা আৰু প্ৰতিৰোধ

[সম্পাদনা কৰক]

স্বাস্থ্য সম্পৰ্কীয় পৰিণাম

[সম্পাদনা কৰক]

কিশোৰী বয়সতৰ গৰ্ভধাৰণ হৈছে মাতৃৰ মৃত্যুৰ এক মুখ্য কাৰণ আৰু এক দীৰ্ঘম্যাদী স্বাস্থ্য সমস্যা।[15] ইয়াৰ প্ৰভাৱ গুৰুত্বপূৰ্ণ:

  • মাতৃৰ ওপৰত প্ৰভাৱ [16]
    • বিশ্বব্যাপী মাতৃমৃত্যুৰ 99% কিশোৰী গৰ্ভধাৰণৰ ফলাফল হোৱা দেখা যায়।
    • 3.9 নিযুত কিশোৰীৰ অসুৰক্ষিত গৰ্ভপাত হয়।
    • তেওঁলোকে একলেম্পচিয়া, পুয়েৰপেৰাল এণ্ডোমেট্ৰাইটিছ আৰু প্ৰণালীগত সংক্ৰমণৰ উচ্চ বিপদাশংকাত ভোগে।
  • নৱজাতকৰ ওপৰত প্ৰভাৱ [16]
    • জন্মৰ ওজন কম হোৱাৰ উচ্চ বিপদাশংকা আৰু ইয়াৰ সম্পৰ্কত হোৱা জটিলতা।
    • প্ৰসৱ আৰু গুৰুতৰ নৱজাতকৰ স্থিতি, জন্মগত অস্বাভাৱিকতা।

আৰ্থসামাজিক পৰিণাম

[সম্পাদনা কৰক]

ইয়াত অন্তৰ্ভুক্ত থাকে পৰিয়াল আৰু সমাজৰ পৰা কলঙ্ক,পৰিয়ালৰ সদস্য, বন্ধু আৰু চুবুৰীয়াৰ পৰা প্ৰত্যাখ্যান আৰু ঘৰুৱা অশান্তি। এইটোও পোৱা গৈছে, তেওঁলোকে নিম্ন মানদণ্ডৰ জীৱন যাপন কৰিব লাগিব পাৰে, হতাশাত আৰু নিম্ন আত্মসন্মানতো ভুগিব পাৰে।[16]

তথ্য সংগ্ৰহ

[সম্পাদনা কৰক]
  1. ↑ Adolescent Pregnancy. World Health Organization. 2004. পৃষ্ঠা. 5. ISBN 978-9241591454. http://apps.who.int/iris/bitstream/10665/42903/1/9241591455_eng.pdf। আহৰণ কৰা হৈছে: 28 July 2017. 
  2. ↑ "Can a Girl Get Pregnant if She Has Never Had Her Period?". http://kidshealth.org/teen/expert/periods/pre_period.html. 
  3. ↑ "Medscape: Medscape Access". http://www.medscape.com/viewarticle/589004_3. 
  4. ↑ Mayor S (2004). "Pregnancy and childbirth are leading causes of death in teenage girls in developing countries". BMJ খণ্ড 328 (7449): 1152. doi:10.1136/bmj.328.7449.1152-a. PMID 15142897. 
  5. ↑ Makinson C (1985). "The health consequences of teenage fertility". Family Planning Perspectives খণ্ড 17 (3): 132–139. doi:10.2307/2135024. PMID 2431924. 
  6. ↑ "Poor obstetric performance of teenagers: Is it age- or quality of care-related?". Journal of Obstetrics & Gynaecology খণ্ড 24 (4): 395–398. 2004. doi:10.1080/01443610410001685529. PMID 15203579. 
  7. ↑ Abalkhail BA (1995). "Adolescent pregnancy: Are there biological barriers for pregnancy outcomes?". The Journal of the Egyptian Public Health Association খণ্ড 70 (5–6): 609–625. PMID 17214178. 
  8. ↑ "Adolescent birth rate in women aged 10-19 years". Our World in Data. https://ourworldindata.org/grapher/adolescent-fertility-ihme। আহৰণ কৰা হৈছে: 15 February 2020. 
  9. ↑ Saha, T. (2021). TEENAGE PREGNANCY—HOW MUCH THE WOMEN ARE AWARE OF IT?. European Journal of Molecular & Clinical Medicine, 7(11), 4851-4859.
  10. ↑ https://www.downtoearth.org.in/blog/health/adolescent-fertility-rate-teenage-pregnancies-decline-in-indian-states-nfhs-5-74850
  11. ↑ UNICEF. (2001)."A League Table of Teenage Births in Rich Nations". Archived from the original on 2006-06-29. https://web.archive.org/web/20060629123124/http://www.unicef-icdc.org/publications/pdf/repcard3e.pdf। আহৰণ কৰা হৈছে: 2021-05-20.   (888  KB). Retrieved July 7, 2006.
  12. ↑ Treffers PE (2003). "Teenage pregnancy, a worldwide problem". Nederlands Tijdschrift voor Geneeskunde খণ্ড 147 (47): 2320–2325. PMID 14669537. 
  13. ↑ "Current Issues in Contraception". Mayo Clinic Proceedings খণ্ড 88 (3): 295–299. 2013. doi:10.1016/j.mayocp.2013.01.007. PMID 23489454. 
  14. ↑ A League Table of Teenage Births in Rich Nations. unicef-irc.org আই.এচ.বি.এন. 88-85401-75-9
  15. ↑ Patra, S. (2016). Motherhood in childhood: addressing reproductive health hazards among adolescent married women in India. Reproductive health, 13(1), 1-9.
  16. ↑ 16.0 16.1 16.2 Saha, T. (2021). TEENAGE PREGNANCY—HOW MUCH THE WOMEN ARE AWARE OF IT?. European Journal of Molecular & Clinical Medicine, 7(11), 4851-4859.

বাহ্যিক সংযোগ

[সম্পাদনা কৰক]