চাংলাং জিলা

এই প্ৰবন্ধটো চাংলাং জিলাৰ বিষয়ে। সদৰ ঠাইৰ বাবে চাংলাং চাওক।

চাংলাং জিলা
অৰুণাচল প্ৰদেশৰ জিলা
অৰুণাচল প্ৰদেশত চাংলাংৰ অৱস্থান
দেশ	ভাৰত
ৰাজ্য	অৰুণাচল প্ৰদেশ
স্থাপিত	১৪ নৱেম্বৰ ১৯৮৭ (1987-11-14)
সদৰ	চাংলাং
মহকুমা	চাংলাং, মানমাও, জয়ৰামপুৰ, বৰডুমচা, মিআও
চৰকাৰ
• লোকসভা সমষ্টি	অৰুণাচল পূব
• বিধানসভা সমষ্টি	৫ টা (বৰডুমচা, মিআও, নামপং, দক্ষিণ চাংলাং, উত্তৰ চাংলাং)
কালি
• মুঠ	4,662 km^2 (1,800 sq mi)
জনসংখ্যা  (2011)[1]
• মুঠ	1,47,951
• ঘনত্ব	32/km^2 (82/sq mi)

চাংলাং জিলা উত্তৰ-পূব ভাৰতৰ অৰুণাচল প্ৰদেশ ৰাজ্যৰ এখন অন্যতম জিলা৷ এই জিলাৰ উত্তৰে টিৰাপ জিলা আৰু দক্ষিণে লোহিত জিলা৷ ২০১১ চনৰ লোকপিয়ল অনুসৰি পাপুমপাৰে জিলাৰ পিছতে এই জিলা অৰুণাচল প্ৰদেশৰ ভিতৰত সৰ্বাধিক জনবসতিপূৰ্ণ জিলা৷^[1]

ইতিহাস

এই জিলাখন ১৯৮৭ চনৰ ১৪ নৱেম্বৰত টিৰাপ জিলাৰ একাংশ লৈ সৃস্টি কৰা হৈছিল৷^[2]

ভৌগোলিক অৱস্থান

চাংলাং জিলাৰ মুঠ মাটিকালি ৪৬৬২ বৰ্গ কিলোমিটাৰL^[3]

এই জিলা ভাৰতৰ সৰ্বাধিক বৰষুণ হোৱা জিলাসমূহৰ ভিতৰত অন্যতম৷ জিলাখনৰ প্ৰধান উপত্যকা অঞ্চল হৈছে দিহিং উপত্যকা৷

অৰ্থনীতি

জিলাখনৰ অৰ্থনীতি বহুলাংশে নিৰ্ভৰ কৰে দিহিং নৈৰ জলসম্পদৰ ওপৰত৷ এই নৈৰ মাছ তিনিচুকীয়া, ডুমডুমা, ডিগবৈ আৰু ডিব্ৰুগড়লৈ চালান দিয়া হয়৷

প্ৰশাসনিক বিভাগ

চাংলাং জিলাত অৰুণাচল প্ৰদেশ বিধানসভাৰ পাঁচটা সমষ্টি আছে- বৰডুমচা (Bordumsa), মিআও (Miao), নামপং (Nampong), দক্ষিণ চাংলাং (Changlang South) আৰু উত্তৰ চাংলাং (Changlang North)৷ এই সকলোবোৰ অঞ্চল পূব অৰুণাচল প্ৰদেশ লোকসভা সমষ্টিৰ অন্তৰ্ভুক্ত৷^[4] চাংলাং জিলাত পাঁচাটা মহকুমা, পাঁচটা ব্লক আৰু পোন্ধৰটা চাৰ্কোল আছে৷

চাংলাং জিলাৰ পাঁচটা মহকুমা হৈছে- চাংলাং (Changlang), মানমাও (Manmao), জয়ৰামপুৰ (Jairampur), বৰডুমচা (Bordumsa) আৰু মিআও (Miao)৷

চাংলাং মহকুমা (চাংলাং ব্লক) চাৰিটা চাৰ্কোলত বিভক্ত- চাংলাং (Changlang; জনসংখ্যা: ১৪,৭১৮), খিমিয়াং (Khimiyang; জনসংখ্যা: ৩,৫০৬), নামট’ক (Namtok; জনসংখ্যা: ৩,০৮৫) আৰু য়াটডাম (Yatdam)।

মানমাও (Manmao) মহকুমা (মানমাও ব্লক)-ৰ অন্তৰ্গত চাৰ্কোল তিনিটা হৈছে- মানমাও (Manmao; জনসংখ্যা: ৩,৮১৪ ), ৰেণুক (Renuk) আৰু লিংগ’ক-লংটয় (Lyngok-Longtoi)৷

জয়ৰামপুৰ মহকুমা (নামপং ব্লক)-ৰ অন্তৰ্গত চাৰ্কোল তিনিটা হ’ল- নামপং (Nampong; জনসংখ্যা: ৪,৪২৪), জয়ৰামপুৰ (Jairampur; জনসংখ্যা: ৭,৮৩৬) আৰু ৰিমা-পুতক (Rima-Putak)।

বৰডুমচা মহকুমা (বৰডুমচা-দিয়োং ব্লক)-ৰ মাত্ৰ দুটা চাৰ্কোল আছে- বৰডুমচা (জনসংখ্যা: ২৫,৩৬৯) আৰু দিয়োং (জনসংখ্যা: ২৮,৯০৭ জন)৷

মিআও মহকুমা (খগম-মিআও ব্লক)-ৰ অন্তৰ্গত চাৰ্কোল তিনিটা হৈছে- মিআও (জনসংখ্যা: ২০,২৬৬), খাৰচাং (Kharsang; জনসংখ্যা: ৯,৫০৯) আৰু বিজয়নগৰ (Vijoynagar; জনসংখ্যা: ৩,৯৮৮)৷

জনসংখ্যা

টুট্চা জনগোষ্ঠীৰ লোকনৃত্য

২০১১ চনৰ লোকপিয়ল অনুসৰি চাংলাং জিলাৰ জনসংখ্যা ১,৪৭,৯৫১ জন৷^[5] জনসংখ্যাৰ ফালৰ পৰা ভাৰতৰ মুঠ ৬৪০ খন জিলাৰ ভিতৰত চাংলাং জিলাৰ স্থান ৫৯৮৷ এই জিলাৰ জনবসতিৰ ঘনত্ব প্ৰতি বৰ্গ কিলোমিটাৰত ৩২ জন৷ ২০০১-২০১১ দশকত এই জিলাৰ জনসংখ্যা বৃদ্ধিৰ হাৰ ১৭.৯৬%৷ এই জিলাৰ প্ৰতি ১০০০ গৰাকী পুৰুষৰ বিপৰীতে মহিলাৰ সংখ্যা ৯১৪ জন৷ জিলাখনৰ সাক্ষৰতাৰ হাৰ ৬১.৯%।^[5]

এই জিলাৰ সংখ্যাগৰিষ্ঠ লোক টুট্চা (Tutsa), টাংছা (Tangsa), নকটে (Nocte), চাকমা (Chakma), চিংফৌ (Singpho) আৰু লিচু (Lisu) জনজাতিৰ৷ ইয়াত কিছুসংখ্যক তিব্বতীয়, হাজং আৰু বড়ো লোকেও বাস কৰে৷^[6][7]

ভাষা

এই জিলাত ব্যৱহৃত ভাসাসমূহ চীন-তিব্বতীয় মূলৰ৷^[8]

জৈৱবৈচিত্ৰ্য

এই জিলাৰ মিআও নগৰত নামডফা ৰাষ্ট্ৰীয় উদ্যান অৱস্থিত৷

তথ্যসূত্ৰ

1. "District Census 2011". Census2011.co.in. http://www.census2011.co.in/district.php. 
2. Law, Gwillim (25 September 2011). "Districts of India". Statoids. http://www.statoids.com/yin.html। আহৰণ কৰা হৈছে: 2011-10-11. 
3. Srivastava, Dayawanti et al. (ed.) (2010). "States and Union Territories: Arunachal Pradesh: Government". India 2010: A Reference Annual (54th সম্পাদনা). প্ৰকাশক New Delhi, India: Additional Director General, Publications Division, Ministry of Information and Broadcasting (India), Government of India. পৃষ্ঠা. 1113. ISBN 978-81-230-1617-7. 
4. "Assembly Constituencies allocation w.r.t District and Parliamentary Constituencies". Chief Electoral Officer, Arunachal Pradesh website. Archived from the original on 13 August 2011. https://web.archive.org/web/20110813085549/http://ceoarunachal.nic.in/Information/ACwiseDistrictwisePCwise.htm। আহৰণ কৰা হৈছে: 21 March 2011. 
5. "District Census 2011". Census2011.co.in. 2011. http://www.census2011.co.in/district.php। আহৰণ কৰা হৈছে: 2011-09-30. 
6. Tibetans in Miao Elect Settlement Officer Archived 11 March 2007 at the Wayback Machine. Tibet.net (24 October 2003).
7. Choepheling Tibetan Settlement, Miao, Arunachal Pradesh, India Archived 4 November 2005 at the Wayback Machine
8. M. Paul Lewis, ed. (2009). "Galo: A language of India". Ethnologue: Languages of the World (16th ed.). Dallas, Texas: SIL International. Retrieved 2011-09-28. 

বাহ্যিক সংযোগ

• ৱিকিমিডিয়া কমন্সত চাংলাং জিলা সম্পৰ্কীয় মিডিয়া ফাইল।
• আধিকাৰিক ৱেবছাইট