চুমিয়া টোৰা (ইংৰাজী: Summia Tora) মহিলা আৰু শৰণাৰ্থীৰ অধিকাৰৰ দিশত কাম কৰি থকা এগৰাকী আফগান প্ৰচাৰক আৰু সামাজিক উদ্যোগী। ২০২৩ চনৰ নৱেম্বৰ মাহত তেওঁক বিবিচিৰ ১০০ মহিলাৰ তালিকাত অন্তৰ্ভুক্ত কৰা হয়।
উজবেকিস্তান বংশৰ টোৰাৰ পৰিয়ালে[1] ১৯৯৭ চনত[2] তালিবানৰ উত্থানৰ বাবে আফগানিস্তানৰ পৰা পলায়ন কৰে।[3][4]তেওঁলোকে পাকিস্তানৰ পেশ্বৰত পুনৰ বসতি স্থাপন কৰে আৰু টোৰাই স্কুলত পঢ়ে।[1][4] ২০১৪ চনত টোৰাই পেছাৱাৰ এৰি ইউনাইটেড ৱৰ্ল্ড কলেজৰ জৰিয়তে আমেৰিকাৰ নিউ মেক্সিকোত হাইস্কুলত পঢ়িবলৈ লয়।[4] ২০১৪ চনৰ মাৰ্চ মাহত কাবুলৰ চেৰেনা হোটেলত বিদ্যালয়খনৰ প্ৰৱেশ পৰীক্ষা দিছিল৷ পিছদিনা ইয়াক তালিবান উগ্ৰপন্থীয়ে আক্ৰমণ কৰে।[4] ২০১৬ চনত হাইস্কুলৰ পৰা টোৰাই স্নাতক ডিগ্ৰী লাভ কৰে[5] আৰু আৰ্লহাম কলেজত পঢ়িবলৈ যায়৷ ২০২০ চনত অৰ্থনীতি, শান্তি আৰু গ্ল'বেল ষ্টাডিজত স্নাতক ডিগ্ৰী লাভ কৰে।[6]
২০২০ চনত টোৰা প্ৰথম আফগান ৰোডছ স্কোলাৰ হয়।[3][4] ২০২১ চনত অক্সফৰ্ড বিশ্ববিদ্যালয়ৰ ব্লাভাটনিক স্কুল অৱ গভৰ্ণমেণ্টৰ পৰা ৰাজহুৱা নীতিত স্নাতকোত্তৰ ডিগ্ৰী লাভ কৰে আৰু ২০২৩ চনত অক্সফৰ্ড বিশ্ববিদ্যালয়ৰ পৰা আন্তঃৰাষ্ট্ৰীয় মানৱ অধিকাৰ আইনত স্নাতকোত্তৰ ডিগ্ৰী লাভ কৰে।[6][7]
টোৰাই সৰুৰে পৰাই বিশ্বজুৰি শৰণাৰ্থী আৰু আশ্ৰয়প্ৰাৰ্থীৰ সৈতে কাম কৰি আহিছে। তেওঁ পাকিস্তান, গ্ৰীচ, যুক্তৰাজ্য আৰু আমেৰিকাত আফগান শৰণাৰ্থীৰ অধিকাৰৰ পোষকতা কৰিছে।[1]
২০১৯ চনত টোৰাই আফগানিস্তানত ছোৱালীক ঋতুস্ৰাৱৰ স্বাস্থ্য আৰু পৰিষ্কাৰ-পৰিচ্ছন্নতাৰ বিষয়ে জ্ঞান প্ৰদানৰ বাবে দস্তী পদক্ষেপৰ সহ-প্ৰতিষ্ঠাপক হয়।[1][7] ২০২১ চনত টোৰাই তালিবান শাসনৰ অধীনত আফগানসকলক মানৱীয় সাহায্য প্ৰদানৰ বাবে আৰু ইচ্ছা কৰিলে দেশৰ বাহিৰলৈ স্থানান্তৰিত হোৱাত সহায় কৰিবলৈ দোস্তী নেটৱৰ্ক প্ৰতিষ্ঠা কৰে। তালিবানে ছোৱালী আৰু মহিলাৰ শিক্ষা নিষিদ্ধ কৰাৰ সময়ত দোস্তীয়ে আফগান যুৱক-যুৱতীসকলক শিক্ষা লাভৰ বাবে সবলীকৰণৰ বাবে শৈক্ষিক বৃত্তি আৰু সহায় আগবঢ়াইছে।[1][6][7] টোৰাই দোস্তীৰ জৰিয়তে তেওঁৰ যোগাযোগসমূহ কিছুমান আফগানক দেশৰ পৰা পলায়ন কৰাত সহায় কৰিবলৈ, আৰু পাকিস্তানত বাস কৰা আফগান শৰণাৰ্থীসকলক সহায় কৰিবলৈও ব্যৱহাৰ কৰিছে।[2]
২০২১ চনৰ ছেপ্টেম্বৰ মাহত টোৰাই আফগানিস্তান ত্যাগ কৰাৰ ঘটনাটোৰ আধাৰত দ্য ইকনমিষ্টৰ বাবে এটা লেখা লিখিছিল।[8]