ডেনিছ চুলিভান

ডেনিছ চুলিভান
২০০৭ চনত ডেনিছ চুলিভান
জন্ম	ডেনিছ পাৰনেল চুলিভান ১২ ফেব্ৰুৱাৰী, ১৯৪১ (৮৩ বছৰ) পোৰ্ট হুৰন, মিচিগান, আমেৰিকা যুক্তৰাষ্ট্ৰ
শিক্ষা	ৰাইচ বিশ্ববিদ্যালয় (বিএ) প্ৰিন্সটন বিশ্ববিদ্যালয় (এমএ, পিএইচডি)
জনা যায়	কনেছ-ডনাল্ডচন-চুলিভান-টেলিমেন ইণ্ডেস্ক উপপাদ্য পেৰী-চুলিভান ইনভেৰিয়েণ্ট চুলিভান অনুমান ঘনত্ব অনুমান এটা ট'প'লজিকেল স্থানৰ স্থানীয়কৰণ ন ৱানদাৰিং ডমেইন উপপাদ্য যুক্তিসঙ্গত হম'টপী তত্ত্ব ষ্ট্ৰিং ট'প'লজী
বঁটা, সন্মান, পুৰস্কাৰ আদি	জ্যামিতিৰ অছৱাল্ড ভেবলেন পুৰস্কাৰ (১৯৭১) বিজ্ঞানৰ ৰাষ্ট্ৰীয় পদক (২০০৪) লেৰয় পি ষ্টীল পুৰস্কাৰ (২০০৬) গণিতৰ উল্ফ পুৰস্কাৰ (২০১০) বালজান পুৰস্কাৰ (২০১৪) এবেল বঁটা (২০২২)

ডেনিছ পাৰনেল চুলিভান (ইংৰাজী: Dennis Parnell Sullivan, জন্ম: ১২ ফেব্ৰুৱাৰী ১৯৪১) এগৰাকী আমেৰিকান গণিতজ্ঞ। তেওঁ বীজগণিতীয় ট'প'লজী, জ্যামিতিক ট'প'লজী আৰু গতিশীল প্ৰণালীৰ বিষয়ে গৱেষণাৰ বাবে জনাজাত। তেওঁ চিটি ইউনিভাৰ্চিটি অৱ নিউয়ৰ্ক গ্ৰেজুৱেট চেণ্টাৰত এলবাৰ্ট আইনষ্টাইন আসনৰ অধ্যাপক আৰু ষ্টনি ব্ৰুক বিশ্ববিদ্যালয়ৰ এজন বিশিষ্ট অধ্যাপক। তেওঁ ২০১০ চনত গণিতৰ উল্ফ বঁটা লাভ কৰিছিল। ২০২২ চনত তেওঁক এবেল বঁটা প্ৰদান কৰা হয়।

প্ৰাৰম্ভিক জীৱন আৰু শিক্ষা

১৯৪১ চনৰ ১২ ফেব্ৰুৱাৰী তাৰিখে মিচিগানৰ পোৰ্ট হুৰনত ডেনিছ চুলিভানৰ জন্ম হৈছিল। ^[1] তাৰ পিছতে তেওঁলোকৰ পৰিয়াল হিউষ্টনলৈ গুচি যায়।^[2]

প্ৰথমতে তেওঁ ৰাসায়নিক অভিযান্ত্ৰিক অধ্যয়নৰ বাবে ৰাইচ বিশ্ববিদ্যালয়ত নামভৰ্তি কৰিছিল। কিন্তু বিশেষভাৱে অনুপ্ৰেৰিত গাণিতিক উপপাদ্যৰ সন্মুখীন হোৱাৰ পিছত তেওঁৰ অভিযান্ত্ৰিক শিক্ষাৰ দ্বিতীয় বছৰত গণিতলৈ তেওঁৰ মূল বিষয় সলনি কৰিছিল।^[3]

তেওঁ ১৯৬৩ চনত ৰাইচ বিশ্ববিদ্যালয়ৰ পৰা তেওঁ কলা শাখাৰ স্নাতক ডিগ্ৰী লাভ কৰিছিল। তেওঁ ১৯৬৬ চনত প্ৰিন্সটন বিশ্ববিদ্যালয়ৰ পৰা ত্ৰিভুজআকৃতিৰ সমতুল্যতাৰ ওপৰত উইলিয়াম বাউণ্ডেৰৰ তত্ত্বাৱধানত গৱেষণা কৰি পিএইছডি ডিগ্ৰী লাভ কৰে।^[2][4]

কৰ্মজীৱন

চুলিভানে ১৯৬৬ চনৰ পৰা ১৯৬৭ চনলৈ নেটো ফেল'শ্বিপত ৱাৰউইক বিশ্ববিদ্যালয়ত কাম কৰিছিল। তেওঁ ১৯৬৭ চনৰ পৰা ১৯৬৯ লৈ কেলিফৰ্নিয়া বিশ্ববিদ্যালয়, বাৰ্কলেত মিলাৰ ৰিচাৰ্চ ফেল' আৰু তাৰ পিছত ১৯৬৯ চনৰ পৰা ১৯৭৩ চনৰ ভিতৰত মেচাচুচেটছ ইনষ্টিটিউট অৱ টেকন'লজীত স্লোয়ান ফেল' আছিল। তেওঁ ১৯৬৭-১৯৬৮, ১৯৬৮-১৯৭০ আৰু পুনৰ ১৯৭৫ চনত ইনষ্টিটিউট ফৰ এডভান্সড ষ্টাডিৰ এজন ভিজিটিং স্কলাৰ আছিল।^[5]

চুলিভান ১৯৭৩ চনৰ পৰা ১৯৭৪ চনলৈ পেৰিছ-চুড বিশ্ববিদ্যালয়ৰ সহযোগী অধ্যাপক আছিল। আৰু তাৰ পিছত ১৯৭৪ চনত ইনষ্টিটিউট ডেচ হাউটছ এটুডেছ চাইণ্টিফিকছ (আইএইচইএছ)ত স্থায়ী অধ্যাপক পদত নিযুক্তি লাভ কৰিছিল। ^[6] ১৯৮১ চনত তেওঁ নিউয়ৰ্কৰ চিটি ইউনিভাৰ্চিটিৰ গ্ৰেজুৱেট চেণ্টাৰত বিজ্ঞানৰ এলবাৰ্ট আইনষ্টাইন আসনত (গণিত) অধিষ্ঠিত হয়^[7] আৰু আইএইচইএছত তেওঁৰ দায়িত্ব অৰ্ধ-সময়ৰ নিযুক্তিলৈ হ্ৰাস কৰে। তেওঁ ১৯৯৬ চনত ষ্টনি ব্ৰুক বিশ্ববিদ্যালয়ৰ গণিত অনুষদত যোগদান কৰে আৰু পৰৱৰ্তী বছৰত আইএইচইএছ ত্যাগ কৰে।^[8]

চুলিভান চাইমন্স জ্যামিতি আৰু পদাৰ্থ বিজ্ঞান কেন্দ্ৰ প্ৰতিষ্ঠাত জড়িত আছিল আৰু ইয়াৰ ট্ৰাষ্টী পৰিষদৰ সদস্য।^[9] তেওঁ গণিতজ্ঞ মইৰা চাছৰ সৈতে বিবাহপাশত আৱদ্ধ হৈছে।^[3]

বঁটা আৰু সন্মান

• ১৯৭১: জ্যামিতিত অছৱাল্ড ভেবলেন বঁটা^[10]
• ১৯৮১: প্ৰিস্ক এলি কাৰ্টান, ফৰাচী বিজ্ঞান একাডেমী
• ১৯৮৩: সদস্য, ৰাষ্ট্ৰীয় বিজ্ঞান একাডেমী^[11]
• ১৯৯১: সদস্য, আমেৰিকান একাডেমী অফ আৰ্টছ এণ্ড চাইন্সেছ^[12]
• ১৯৯৪: কিং ফয়জল আন্তঃৰাষ্ট্ৰীয় বিজ্ঞান বঁটা
• ২০০৪: ৰাষ্ট্ৰীয় বিজ্ঞান পদক
• ২০০৬: জীৱনজোৰা কৃতিত্বৰ বাবে ষ্টীল পুৰস্কাৰ[6]
• ২০১০: "বীজগণিতীয় ট'প'লজী আৰু কনফৰ্মেল ডাইনামিকছত তেওঁৰ অৱদানৰ বাবে" গণিতত ওল্ফ পুৰস্কাৰ^[13]
• ২০১২: আমেৰিকান মেথমেটিকেল চছাইটিৰ সভ্য^[14]
• ২০১৪: গণিতত বলজান বঁটা (তাত্ত্বিক বা প্ৰায়োগিক)^[2][15]
• ২০২২: এবেল বঁটা^[2][16]

তথ্য উৎস

1. Phillips, Anthony (2005), "Dennis Sullivan – A Short History", in Lyubich, Mikhail; Takhtadzhi͡an, Leon Armenovich, Graphs and patterns in mathematics and theoretical physics, Proceedings of Symposia in Pure Mathematics, 73, প্ৰকাশক Providence: American Mathematical Society, p. xiii, ISBN 0-8218-3666-8, https://books.google.com/books?id=yuGic0WClQ4C&pg=PR13, আহৰণ কৰা হৈছে: March 31, 2016 .
2. Chang, Kenneth (March 23, 2022). "Abel Prize for 2022 Goes to New York Mathematician". The New York Times. https://www.nytimes.com/2022/03/23/science/abel-prize-mathematics.html. 
3. Desikan, Shubashree (March 23, 2022). "Abel prize for 2022 goes to American mathematician Dennis P. Sullivan". The Hindu. https://www.thehindu.com/sci-tech/science/abel-prize-for-2022-goes-to-american-mathematician-dennis-p-sullivan/article65251992.ece. 
4. Dennis Sullivan সম্পৰ্কে Mathematics Genealogy Project’ত চাওক
5. "Dennis P. Sullivan". Institute for Advanced Study. December 9, 2019. https://www.ias.edu/scholars/dennis-p-sullivan। আহৰণ কৰা হৈছে: March 23, 2022. 
6. "Dennis Sullivan, Mathematician". Institut des Hautes Études Scientifiques. https://www.ihes.fr/en/professeur/dennis-sullivan-2/। আহৰণ কৰা হৈছে: March 23, 2022. 
7. "Science Faculty Spotlight: Dennis Sullivan". Graduate Center, CUNY. April 29, 2017. https://www.gc.cuny.edu/news/science-faculty-spotlight-dennis-sullivan। আহৰণ কৰা হৈছে: March 23, 2022. 
8. "Dennis Parnell Sullivan Awarded the 2022 Abel Prize for Mathematics". Stony Brook University. March 23, 2022. https://news.stonybrook.edu/university/dennis-parnell-sullivan-awarded-the-2022-abel-prize-for-mathematics/। আহৰণ কৰা হৈছে: March 23, 2022. 
9. "Dennis Sullivan Awarded the 2022 Abel Prize in Mathematics". Simons Center for Geometry and Physics. March 23, 2022. https://scgp.stonybrook.edu/archives/36854। আহৰণ কৰা হৈছে: March 25, 2022. 
10. "Oswald Veblen Prize in Geometry". https://www.ams.org/prizes-awards/pabrowse.cgi?parent_id=34। আহৰণ কৰা হৈছে: August 17, 2020. 
11. "National Academy of Sciences". http://www.nasonline.org/member-directory/members/49958.html। আহৰণ কৰা হৈছে: August 17, 2020. 
12. "American Academy of Arts and Sciences". https://www.amacad.org/person/dennis-parnell-sullivan। আহৰণ কৰা হৈছে: August 17, 2020. 
13. "Wolf Prize Winners Announced" (en ভাষাত). Israel National News. https://www.israelnationalnews.com/news/135820। আহৰণ কৰা হৈছে: March 23, 2022. 
14. List of Fellows of the American Mathematical Society Archived December 5, 2012, at Archive.today, retrieved August 5, 2013.
15. Kehoe, Elaine (January 2015). "Sullivan Awarded Balzan Prize". Notices of the American Mathematical Society খণ্ড 62 (1): 54–55. doi:10.1090/noti1198. 
16. "2022: Dennis Parnell Sullivan | The Abel Prize". abelprize.no. https://abelprize.no/abel-prize-laureates/2022। আহৰণ কৰা হৈছে: March 23, 2022. 

বাহ্যিক সংযোগ

• অ’ কন্নৰ, জন যে.; ৰবাৰ্টছন, এডমাণ্ট এফ, "ডেনিছ চুলিভান", মেকটিউটৰ হিষ্ট্ৰী অৱ মেথমেটিকছ আৰ্কাইভ, ইউনিভাৰ্ছিটি অৱ ছেইণ্ট এনড্ৰিউছ, http://www-history.mcs.st-andrews.ac.uk/Biographies/Sullivan.html .
• ডেনিছ চুলিভান সম্পৰ্কে Mathematics Genealogy Project’ত চাওক