| নীলম ক্লেৰ | |
|---|---|
| জন্ম | শ্ৰীনগৰ, জম্মু আৰু কাশ্মীৰ |
| পেচা | নিঅ'নেটোলজিষ্ট শিশুৰোগ বিশেষজ্ঞ |
| বঁটা, সন্মান, পুৰস্কাৰ আদি | পদ্মভূষণ |
নীলম ক্লেৰ (ইংৰাজী: Neelam Kler) এগৰাকী ভাৰতীয় চিকিৎসক আৰু শিশুৰোগ বিশেষজ্ঞ। তেওঁ এগৰাকী নিঅ'নেটোলজিষ্ট হিচাপে নৱজাতক গহন চিকিৎসা যত্ন আৰু ভেণ্টিলেচনৰ ওপৰত অগ্ৰণী অৱদানৰ বাবে তেওঁ বিশেষভাৱে জনাজাত।[1]তেওঁক অতি ক্ষুদ্ৰ পূৰ্বম্যাদী শিশুৰ বা জন্মতে ১০০০ গ্ৰামতকৈ কম ওজনৰ শিশু জীয়াই থকাৰ হাৰ ৯০ শতাংশলৈ উন্নত কৰাৰ বাবে নৱজাতক যত্ন বিকশিত কৰাৰ কৃতিত্ব দিয়া হয়।[2] ভাৰত চৰকাৰে শিশুৰোগ আৰু নৱজাতক চিকিৎসাৰ ক্ষেত্ৰত তেওঁৰ সেৱাৰ বাবে ২০১৪ চনত তেওঁক দেশৰ তৃতীয় সৰ্বোচ্চ অসামৰিক বঁটা পদ্মভূষণেৰে সন্মানিত কৰে।[3]
নীলম ক্লেৰৰ জন্ম ভাৰতৰ জম্মু আৰু কাশ্মীৰ ৰাজ্যৰ শ্ৰীনগৰত হৈছিল। তেওঁ শ্ৰীনগৰৰ প্ৰেজেণ্টেচন কনভেণ্ট স্কুলত স্কুলীয়া শিক্ষা গ্ৰহণ কৰিছিল।[4] চিকিৎসা বিজ্ঞানৰ স্নাতক ডিগ্ৰী লাভ কৰাৰ পিছত চণ্ডীগড়ৰ স্নাতকোত্তৰ চিকিৎসা বিজ্ঞান আৰু গৱেষণা প্ৰতিষ্ঠানৰ পৰা শিশু ৰোগৰ স্নাতকোত্তৰ ডিগ্ৰী লাভ কৰে আৰু নিঅ'নেটোলজিক বিশেষ গুৰুত্ব সহকাৰে অধ্যয়ন আৰু অনুশীলন কৰিছিল। পিছত তেওঁ এই বিষয়টোৰ ওপৰত উচ্চ শিক্ষাৰ বাবে কোপেনহেগেন বিশ্ববিদ্যালয়ৰ পৰা নিঅ'নেটোলজিৰ ফেল'শ্বিপ লৈ ডেনমাৰ্কৰ কোপেনহেগেনলৈ গৈছিল।[5]
কোপেনহেগেনৰ পৰা উভতি অহাৰ পিছত ক্লেৰে ১৯৮৮ চনৰ ৩১ মে' তাৰিখে নতুন দিল্লীত অৱস্থিত ছাৰ গংগা ৰাম চিকিৎসালয়ত যোগদান কৰি ভাৰতত তেওঁৰ পেছাদাৰী জীৱন আৰম্ভ কৰে।[4] ২৬ বছৰৰ কেৰিয়াৰত তেওঁ ছাৰ গংগা ৰাম চিকিৎসালয়ত নিঅ'নাটোলজি বিভাগ আৰম্ভ কৰিছিল আৰু বৰ্তমান তেওঁ এই বিভাগৰ অধ্যক্ষৰ পদত অধিষ্ঠিত।[5]
তেওঁ চৌদি আৰৱৰ গিজানৰ কিং ফাহাদ বিশ্ববিদ্যালয় চিকিৎসালয়ত আৰু আমেৰিকা যুক্তৰাষ্ট্ৰৰ ৱিচকন্সিছৰ মিলৱাকি শিশু চিকিৎসালয়ৰ নেন'টেকন'লজিৰ সভ্য।[5]
বৰ্তমান তেওঁ নিম্নলিখিত কাৰ্যালয়বোৰৰ লগত জড়িত
তেওঁ বিভিন্ন বিষয়ত নিওনাটোলজিকেল যত্নসম্পৰ্কীয় বিভিন্ন বিষয়ত ৰাষ্ট্ৰসংঘৰ আন্তৰ্জাতিক শিশু জৰুৰীকালীন নিধি[9] আৰু বিশ্ব স্বাস্থ্য সংস্থাৰ সৈতে সহযোগিতা কৰিছে।[10][2][11] তেওঁ স্বাস্থ্য আৰু পৰিয়াল কল্যাণ মন্ত্ৰালয়ৰ নৱজাতক আৰু শিশু স্বাস্থ্য কৌশলৰ পেনেল সদস্য।[12]
নীলম ক্লেৰে অল লেডিজ লীগত হেল্থ কেয়াৰ অধ্যক্ষ।[13]
নীলম ক্লাৰক নৱজাতক যত্নৰ বিকাশৰ বাবে জনা যায়। তেওঁক বিশেষকৈ প্ৰাকম্যাদী শিশুৰ যত্ন, আৰু গহন আৰু ভেণ্টিলেচন প্ৰযুক্তিৰ অগ্ৰণী বুলি গণ্য কৰা হয়। তেওঁক নতুন দিল্লীৰ ছাৰ গংগা ৰাম চিকিৎসালয়ত নিঅ'নেটোলজি বিভাগত নাইট্ৰিক অক্সাইড ডেলিভাৰী আৰু বেডসাইড চেৰিব্ৰেল ফাংচন নিৰীক্ষণৰ সৈতে আধুনিক উচ্চ ফ্ৰিকুৱেন্সি ভেণ্টিলেচন থকা এক প্ৰযুক্তিৰ সুবিধা বিকশিত কৰাৰ কৃতিত্ব দিয়া হয়। পৰিসাংখ্যিক তথ্যই দেখুৱাইছে যে, ড॰ ক্লাৰৰ অধীনত ১০০০ গ্ৰামতকৈ কম ওজনৰ পূৰ্বম্যাদী শিশুৰ জীয়াই থকাৰ হাৰ ৯০ শতাংশলৈ উন্নত হৈছে আৰু সংক্ৰমণৰ হাৰ প্ৰতি ১০০০ ৰোগীৰ প্ৰতি ৯.৮লৈ হ্ৰাস কৰা হৈছিল।[2][14]
নীলম ক্লেৰে শিশু ৰোগৰ ওপৰত ৰাষ্ট্ৰীয় আৰু আন্তৰ্জাতিক গ্ৰন্থ আৰু পত্ৰিকাত কেইবাটাও প্ৰবন্ধ প্ৰকাশ কৰিছে। তেওঁ ৰাষ্ট্ৰীয় পৰীক্ষা পৰিষদৰ দ্বাৰা নিঅ'নেটোলজিত তিনি বছৰীয়া ডক্টৰেট কাৰ্যসূচী আৰম্ভ কৰাত অৰিহণা আগবঢ়াইছে।[12]
তেওঁ আগবঢ়োৱা অৱদানৰ স্বীকৃতি স্বৰূপে ভাৰত চৰকাৰে তেওঁক ২০১৪ চনত দেশৰ তৃতীয় সৰ্বোচ্চ অসামৰিক সন্মান পদ্মভূষণ প্ৰদান কৰে।[15][16]