নোনা গাপ্ৰিন্দাশভিলি

নোনা গাপ্ৰিন্দাশভিলি
ნონა გაფრინდაშვილი

গাপ্ৰিন্দাশভিলি, 1963
দেশ চোভিয়েট ইউনিয়ন--> জৰ্জিয়া
জন্ম ৩ মে', ১৯৪১ (৮৩ বছৰ)
জুগদিদি, জৰ্জিয়ান এচ এচ আৰ, চোভিয়েট ইউনিয়ন
খিতাপ গ্ৰেণ্ডমাষ্টাৰ (১৯৭৮)
বিশ্ব মহিলা দবা চেম্পিয়নশ্বিপ ১৯৬২--১৯৭৮
শীৰ্ষ ৰেটিং ২৪৯৫(জুলাই, ১৯৮৭)

নোনা গাপ্ৰিন্দাশভিলি (জৰ্জিয়ান: ნონა გაფრინდაშვილი; জন্ম: ৩ মে ১৯৪১) এগৰাকী জৰ্জিয়ান দবা গ্ৰেণ্ডমাষ্টাৰ। তেওঁ আক্ৰমণাত্মক খেলৰ বাবে পৰিচিত আৰু ১৯৬২ চনৰ পৰা ১৯৭৮ চনলৈকে মহিলা বিশ্ব দবা চেম্পিয়ন আছিল। ১৯৭৮ চনত তেওঁ প্ৰথমগৰাকী মহিলা হিচাপে ফিদেৰ পৰা গ্ৰেণ্ডমাষ্টাৰ উপাধি লাভ কৰে। ২০১৩ চনত, তেওঁক বিশ্ব দবা হল অৱ ফেমত অন্তৰ্ভুক্ত কৰা হয়, আৰু ২০১৫ চনত জৰ্জিয়াৰ ৰাষ্ট্ৰপতিৰ উৎকৃষ্টতা সন্মানেৰে সন্মানিত কৰা হয়।

প্ৰাৰম্ভিক জীৱন

[সম্পাদনা কৰক]

নোনা গাপ্ৰিন্দাশভিলি ১৯৪১ চনৰ ৩ মে তাৰিখে জৰ্জিয়াৰ জুগদিদি চহৰত জন্মগ্ৰহণ কৰে। তেওঁ ছয় ভাতৃ-ভগ্নীৰ ভিতৰত সৰ্বকনিষ্ঠ আৰু একমাত্ৰ ছোৱালী আছিল।[1] তেওঁৰ পৰিয়াল খেলাধূলাত অতি সক্ৰিয় আছিল আৰু পৰিয়ালৰ ঘৰত টেবুল টেনিছ, বিলিয়াৰ্ডছ আৰু ফুটবল খেলাৰ ব্যৱস্থা আছিল।[2] তেওঁৰ ভায়েকৰ পৰা দবা খেল শিকি পাঁচ বছৰ বয়সতে দবা খেল আৰম্ভ কৰে।[1][2] ১১ বা ১২ বছৰ বয়সত, তেওঁ ভায়েকৰ সৈতে এখন দবা প্ৰতিযোগিতালৈ গৈছিল, য'ত তেওঁক দবা প্ৰশিক্ষক ভাখতাং কাৰ্ছেলাডজে লক্ষ্য কৰে।[2] ১৯৫৪ চনত, তেওঁ তিব্লিছিলৈ গৈ দবা গ্ৰেণ্ডমাষ্টাৰৰ অধীনত প্ৰশিক্ষণ আৰম্ভ কৰে।[1][2]

বিশ্ব চেম্পিয়ন আৰু গ্ৰেণ্ডমাষ্টাৰ

[সম্পাদনা কৰক]

১৯৬১ চনত, গাপ্ৰিন্দাশভিলিয়ে মহিলা প্ৰাৰ্থী প্ৰতিযোগিতা জয় কৰি তেতিয়াৰ বিশ্ব চেম্পিয়ন এলিছাভেটা বাইকোভাৰ সৈতে মেচ খেলাৰ যোগ্যতা অৰ্জন কৰে।[1] ১৯৬২ চনত, তেওঁ বাইকোভাক ৯-২ পইণ্টত পৰাস্ত কৰি বিশ্ব চেম্পিয়নশ্বিপ জয় কৰে।[1][2] এই জয়ৰ পিছত, তেওঁ জৰ্জিয়াত এক প্ৰসিদ্ধ ব্যক্তিত্ব হৈ পৰে।[1] তেওঁ চাৰিবাৰ নিজৰ খিতাপ সাফল্যৰে ৰক্ষা কৰে, তিনিবাৰ এল্লা কুশ্নিৰ আৰু এবাৰ নানা আলেক্সান্দ্ৰিয়াৰ বিৰুদ্ধে।[1] 

১৯৭৮ চনত, তেওঁ মাইয়া চিবুৰদানিদজেৰ ওচৰত খিতাপ হেৰুৱায়। [1]


তেওঁ পুৰুষৰ প্ৰতিযোগিতাতো অংশগ্ৰহণ কৰিছিল, আৰু ১৯৭৭ চনত ল'ন পাইনৰ আন্তঃৰাষ্ট্ৰীয় প্ৰতিযোগিতাত শীৰ্ষ স্থান লাভ কৰিছিল।[3] এই সফলতাৰ বাবে, ১৯৭৮ চনত তেওঁক ফিদেৰ পৰা গ্ৰেণ্ডমাষ্টাৰ উপাধি প্ৰদান কৰা হয়।[1] তেওঁ এই উপাধি লাভ কৰা প্ৰথমগৰাকী মহিলা।

পাছৰ জীৱন

[সম্পাদনা কৰক]

গাপ্ৰিন্দাশভিলিয়ে ১৯৬৩ চনৰ পৰা ১৯৯২ চনলৈকে বিভিন্ন দবা অলিম্পিয়াডত অংশগ্ৰহণ কৰে,[4] য'ত তেওঁ ২৫টা পদক লাভ কৰে, ইয়াৰ ভিতৰত ১১টা দলীয় সোণৰ পদক আৰু ৯টা ব্যক্তিগত সোণৰ পদক।[5] তেওঁ পাঁচবাৰ চোভিয়েট মহিলা দবা চেম্পিয়নশ্বিপ জয় কৰে: ১৯৬৪, ১৯৭৩/৭৪, ১৯৮১, ১৯৮৩, আৰু ১৯৮৫ চনত।[6] পাছলৈ, তেওঁ মহিলা বিশ্ব জ্যেষ্ঠ চেম্পিয়নশ্বিপত নিয়মিতভাৱে অংশগ্ৰহণ কৰে, আৰু ২০২২ চন পৰ্যন্ত আঠবাৰ এই খিতাপ জয় কৰে। [7]

দবাৰ বাহিৰেও, গাপ্ৰিন্দাশভিলি জৰ্জিয়াৰ ৰাজনীতিত সক্ৰিয় আছিল। তেওঁ জৰ্জিয়াৰ চোভিয়েট সংসদৰ সদস্য, জৰ্জিয়ান ৰাষ্ট্ৰীয় অলিম্পিক কমিটিৰ সভাপতি, আৰু ২০১১ চনৰ জৰ্জিয়াৰ প্ৰতিবাদসমূহ সংগঠিত কৰা পিপলছ এছেম্বলীৰ সদস্য আছিল।[2] [2][8]

২০২১ চনত, গাপ্ৰিন্দাশভিলিয়ে নেটফ্লিক্সৰ বিৰুদ্ধে মানহানিৰ গোচৰ দাখিল কৰে, কাৰণ "দ্য কুইনছ গেম্বিট" শৃংখলত তেওঁক পুৰুষৰ বিৰুদ্ধে কেতিয়াও খেল নকৰা বুলি ভুলভাৱে বৰ্ণনা কৰা হৈছিল; নেটফ্লিক্সে ২০২২ চনত এই গোচৰৰ সমাধান কৰে।[9]


ব্যক্তিগত জীৱন

[সম্পাদনা কৰক]

ডিচেম্বৰ ১৯৬৯ চনত, গাপ্ৰিন্দাশভিলিয়ে আনজৰ চিচিনাদজেৰ সৈতে তিব্লিছিত বিবাহ সম্পন্ন কৰে।[10]


খেলৰ ধৰণ আৰু দৰ্শন

[সম্পাদনা কৰক]

গাপ্ৰিন্দাশভিলি তেওঁৰ প্ৰতিযোগিতামূলক মনোভাৱ আৰু আক্ৰমণাত্মক খেলৰ ধৰণৰ বাবে পৰিচিত।[1] তেওঁৰ জয়ৰ পিছত, বহুতো যুৱ মহিলা দবা খেলুৱৈয়ে তেওঁৰ আক্ৰমণাত্মক আৰু প্ৰযুক্তিগত খেলৰ ধৰণ অনুসৰণ কৰিবলৈ আৰম্ভ কৰে।

সন্মান আৰু বঁটা

[সম্পাদনা কৰক]

২০১৫ চনত, জৰ্জিয়াৰ ৰাষ্ট্ৰপতি জিয়ৰ্গি মাৰ্গভেলাশভিলিয়ে তেওঁক ৰাষ্ট্ৰপতিৰ উৎকৃষ্টতা সন্মানেৰে সন্মানিত কৰে, "দেশ আৰু ৰাষ্ট্ৰৰ প্ৰতি তেওঁৰ অসামান্য অৱদান"ৰ বাবে।[5] ২০১৩ চনত, তেওঁক বিশ্ব দবা হল অৱ ফেমত অন্তৰ্ভুক্ত কৰা হয়।[11]


তথ্যসূত্ৰ

[সম্পাদনা কৰক]
  1. ↑ 1.00 1.01 1.02 1.03 1.04 1.05 1.06 1.07 1.08 1.09 Shahade 2022, Chapter 3.
  2. ↑ 2.0 2.1 2.2 2.3 2.4 2.5 2.6 Sakelsek, Tadej; Mikhalchisin, Adrian (2018-12-26). "Gaprindashvili: "I am very thankful that chess was my sport of choice"". ChessBase. https://en.chessbase.com/post/nona-gaprindashvili-interview-bled-2018। আহৰণ কৰা হৈছে: 2023-10-03. 
  3. ↑ Kashdan, Isaac (July 1977). "Lone Pine 1977". Chess Life খণ্ড XXXII (7): 361–364. https://uscf1-nyc1.aodhosting.com/CL-AND-CR-ALL/CL-ALL/1977/1977_07.pdf. 
  4. ↑ "OlimpBase :: Women's Chess Olympiads :: Nona Gaprindashvili". olimpbase.org. http://www.olimpbase.org/playersw/pbjz9lbk.html. 
  5. ↑ 5.0 5.1 "Order of Excellence to Nona Gaprindashvili". FIDE. http://www.fide.com/component/content/article/1-fide-news/9307-order-of-excellence-to-nona-gaprindashvili.html। আহৰণ কৰা হৈছে: 29 December 2015. 
  6. ↑ Anatoly Karpov, ed (1990) (ru ভাষাত). Шахматы. Энциклопедический Словарь. Sovetskaya Entsiklopediya. পৃষ্ঠা. 77. ISBN 5-85270-005-3. 
  7. ↑ "Georgian chess legend Nona Gaprindashvili wins her 8th World Senior Chess Championship". Agenda.ge. https://agenda.ge/en/news/2022/4611। আহৰণ কৰা হৈছে: 2023-09-21. 
  8. ↑ "Georgia Protests: One Demonstration, With Many Interpretations". Radio Free Europe/Radio Liberty. 24 May 2011. https://www.rferl.org/a/georgia_saakashvili_protests_ouster_russia_tbilisi/24183873.html. 
  9. ↑ "Netflix Settles 'Queen's Gambit' Defamation Suit Brought by Georgian Chess Grandmaster". Variety. 6 September 2022. https://variety.com/2022/tv/news/netflix-queens-gambit-lawsuit-settlement-nona-gaprindashvili-1235361680/. 
  10. ↑ Elizabeth Sleeman: The International Who's Who of Women 2002. p. 197, Online
  11. ↑ "Nona Gaprindashvili". World Chess Hall of Fame. 23 March 2017. https://worldchesshof.org/hof-inductee/nona-gaprindashvili.