নৌৱাৰী শাৰী

নৌৱাৰী শাৰী পিন্ধা মহিলাৰ চিত্ৰ, ১৯২৮

নৌৱাৰী শাৰী বা কাষ্ঠা শাৰী (মাৰাঠী: नऊवारी साड़ी) হৈছে মহাৰাষ্ট্ৰীয় ধোটি পিন্ধা ধৰণৰ সৈতে মিল থকা কোলি[1][2] শৈলীৰ শাৰী। কাষ্ঠা শব্দটোৱে শাৰীখন পিছফালে টাক কৰাক বুজায়।[3][4] যিহেতু এই শাৰী সাধাৰণতে ন গজৰ কাপোৰ ব্যৱহাৰ কৰি পিন্ধা হয়, গতিকে ইয়াক নৌৱাৰী বুলিও কোৱা হয়, যাৰ অৰ্থ ন গজ।[5] কাষ্ঠা শাৰী হৈছে এই শৈলীৰ শাৰীক বুজাবলৈ সাধাৰণতে ব্যৱহাৰ কৰা আন এটা শব্দ।[6] ইয়াক অকন্দ বস্ত্ৰ বুলিও কোৱা হয়, অৰ্থাৎ ইয়াৰ লগত আন কোনো বস্ত্ৰ যেনে পেটিক'তৰ প্ৰয়োজন নাই। আচলতে এই শাৰী মাৰাঠী মহিলাসকলে জীৱনৰ বিভিন্ন সময়ত পিন্ধে। ধৰ্মীয়, সাংস্কৃতিক অনুষ্ঠান,যুদ্ধ আৰু কৃষিভূমিত কাম কৰোঁতেও এই শাৰী মাৰাঠী মহিলাসকলে পিন্ধি আহিছে । [7]

পিন্ধাৰ ধৰণ

[সম্পাদনা কৰক]

পৰম্পৰাগত ধৰণ

[সম্পাদনা কৰক]
নৌৱাৰী শাৰী

নৌৱাৰী পৰম্পৰাগত মাৰাঠী শৈলীৰ শাৰী যিটো পেটিকোট নোহোৱাকৈ পিন্ধা হয়।[8] এই শৈলী শাৰী পিন্ধাৰ ধৰণ সকলো জাতিৰ মাজত সাধাৰণ যদিও অঞ্চল আৰু ভূ-প্ৰকৃতি অনুসৰি পিন্ধাৰ পদ্ধতিও বেলেগ বেলেগ। উদাহৰণস্বৰূপে ব্ৰাহ্মণ মহিলাসকলে ইয়াক বিশেষ ধৰণেৰে পিন্ধে (ব্ৰাহ্মণ্য বুলি কোৱা হয়), আনহাতে ৰায়গড় জিলাৰ আগ্ৰি লোকসকলে আঁঠুৰ দৈৰ্ঘ্যৰ ধৰণেৰে পিন্ধে যাক ‘আদৱা পাতল’ বুলি কোৱা হয় । আনহাতে ৰায়গড় জিলা আৰু ৰত্নগিৰিৰ কিছু অংশৰ 'কুনবি' বা কৃষক মহিলাসকলে নহাতৰ শাৰীখন সামান্য় ভিন্নতাৰে পিন্ধে আৰু ইয়াক "উপ্ৰতি" বুলি কোৱা হয়। উপ্ৰতি নামটোৰ অৰ্থ ওলোটা, যিটো কিছুমানৰ বাবে শাৰীখনৰ ভাঁজবোৰ ওলোটাকৈ থাকে। 'আদৱা পাতল' আৰু 'উপ্ৰতি'ৰ এটা বিশেষ বৈশিষ্ট্য হ'ল এই শাৰীবোৰ গাঁঠি বান্ধি নোলোৱাকৈ পিন্ধে, যদিও শাৰীখন অতি টানকৈ পিন্ধা হয়।

ইয়াৰ বিপৰীতে পুনে আৰু চাতাৰা, আহমেদনগৰ বা কুলাহপুৰৰ গ্ৰাম্য মহিলাসকলে ইয়াক ভৰিৰ গোৰোহালৈকে পিন্ধে যিটো অতি জনপ্ৰিয়। লগতে ব্ৰাহ্মণসকলে ইয়াক বিশেষ ধৰণেৰে পিন্ধে য’ত শাৰীখনৰ সীমা সন্মুখৰ ফালেও প্ৰদৰ্শিত হয়, পিছফালে কিন্তু কাষ্টাৰ দৰেই পিন্ধা হয়।[9] এই শাৰীখন এনেদৰে পিন্ধা হয় যাতে ইয়াৰ কেন্দ্ৰটো কঁকালৰ পিছফালে পৰিপাটিকৈ ৰখা হয় আৰু মূৰবোৰ আগফালে সুৰক্ষিতভাৱে বান্ধি ৰখা হয়, আৰু তাৰ পিছত আগদুটা দুটা ভৰিৰ চাৰিওফালে মেৰিয়াই লোৱা হয়। তাৰ পিছত সজ্জাগত আগবোৰ কান্ধ আৰু শৰীৰৰ ওপৰৰ অংশ বা ধূড়ৰ ওপৰত মেৰিয়াই লোৱা হয়।[10] এইচ আৰ এক্সিকিউটিভ 'ছায়ালি বদাদে' কয়, "মহিলাৰ দুয়ো কান্ধ ঢাকি ৰখা হৈছিল বাবে নৌৱৰী পিন্ধা মহিলাক সদায় সন্মানেৰে চোৱা হৈছিল আৰু ই সম্পূৰ্ণ পৰম্পৰাগত পৰিধান।" প্ৰথমে এই শৈলীটো আৰম্ভ হৈছিল পেশ্বৱাই ৰাজত্বকালত আৰু সেই সময়ত ই বহুতো জনপ্ৰিয়তা লাভ কৰিছিল।[11]

কোলি জনগোষ্ঠীৰ ধৰণ

[সম্পাদনা কৰক]

কোলি জনগোষ্ঠীৰ মহিলাসকলেও এই শৈলীৰ শাৰী পিন্ধে যদিও দুটুকুৰা কাটি। এটা টুকুৰা কঁকালত পিন্ধি লোৱাৰ বিপৰীতে আনটো টুকুৰা শৰীৰৰ ওপৰৰ অংশ ঢাকিবলৈ ব্যৱহাৰ কৰা হয়। ইয়াক মাৰাঠা ধৰণে বাওঁ কান্ধৰ ওপৰেৰে মূৰত লোৱা হয়।[12][13] কোলি মহিলাসকল সাজ-পোছাক আৰু অলংকাৰ দুয়োটাৰে সজ্জিত আৰু ন গজ কপাহী কাপোৰৰ এই শাৰীখন বুকুৰ ওপৰত নিপুণভাৱে মেৰিয়াই লোৱা হয় যাতে দেখাত সুন্দৰ হয়।[14]

তথ্য সূত্ৰ

[সম্পাদনা কৰক]
  1. ↑ "History And Significance of the Timeless NAUVARI SAREE". TimesNow. 2023-09-19. Retrieved 2023-11-02.
  2. ↑ "Iconic Sarees From Bollywood Movies: Best Sarees Seen On Sridevi, Madhuri and More". Vogue India. 2019-02-21. pp. Kaif's meteoric rise as the undisputed dancing diva of the industry, ‘Chikni Chameli' from the 2012 reboot of Agneepath made good on the promise of its original. Staying true to the roots of the original lavani number, Kaif opted for the traditional Koli Kashta sari that did full justice to her washboard abs. Retrieved 2023-11-02.
  3. ↑ Ghurye, Govind Sadashiv (1966). Indian costume – G. S. Ghurye. Popular Prakashan. ISBN 8171544037. Retrieved 2013-05-20.
  4. ↑ Tribhuwan, Robin D.; Finkenauer, Maike (2003-01-01). Threads together – a comparative study of tribal and pre-historic rock paintings – Robin D. Tribhuwan, Maike Finkenauer. Discovery Publishing House. ISBN 8171416446. Retrieved 2013-05-20.
  5. ↑ Ramnarayan, Gowri (1997). Past forward: six artists in search of their childhood – Gowri Ramnarayan. Oxford University Press. ISBN 9780195639391. Retrieved 2013-05-20.
  6. ↑ Biswas, Arabinda (1985). Indian costumes – Arabinda Biswas. Retrieved 2013-05-20.
  7. ↑ "Celebrate Maharashtra day by wearing a nauvari". The Times of India. May 1, 2016. Retrieved 4 June 2016.
  8. ↑ India perspectives, Volume 12, Issues 3-12 – India. Ministry of External Affairs. 1997. Retrieved 2013-05-20.
  9. ↑ Ghurye, Govind Sadashiv (1966). Indian costume – G. S. Ghurye. Popular Prakashan. ISBN 8171544037. Retrieved 2013-05-20.
  10. ↑ Barnes, Ruth; Eicher, Joanne B. (1993-04-14). Dress and gender – making and meaning in cultural contexts By Ruth Barnes. Berg Publishers. ISBN 9780854968657. Retrieved 2013-05-20.
  11. ↑ "Celebrate Maharashtra day by wearing a nauvari". The Times of India. May 1, 2016. Retrieved 4 June 2016.
  12. ↑ Prasad, R. R. (1996). Encyclopaedic profile of Indian tribes, Volume 1 – Sachchidananda, R. R. Prasad. Discovery Publishing House. ISBN 9788171412983. Retrieved 2013-05-20.
  13. ↑ Saris – an illustrated guide to the Indian art of draping – Chantal Boulanger. Shakti Press International. December 1997. ISBN 9780966149616. Retrieved 2013-05-20.
  14. ↑ Mārg – a magazine of the arts, Volumes 1-2,Modern Architectural Research Group, National Centre for the Performing Arts (India). 1946. Retrieved 2013-05-20.