| বন্দে ভাৰত এক্সপ্ৰেছ | |
|---|---|
| Overview | |
| স্থিতি | সক্ৰিয় |
| পূৰ্বসূৰী | শতাব্দী এক্সপ্ৰেছ, মিমু |
| প্ৰথম সেৱা | ১৫ ফেব্ৰুৱাৰী ২০১৯ |
| ৱেবছাইট | indianrail |
| Technical | |
| Rake maintenance | ইন্ট্ৰিগেল কোচ ফেক্টৰী, চেন্নাই |
বন্দে ভাৰত এক্সপ্ৰেছ, পূৰ্বতে ট্ৰেইন ১৮ বুলি জনাজাত,[1] ভাৰতীয় ৰেলৱেৰ দ্বাৰা পৰিচালিত এখন বৈদ্যুতিক বহু ইউনিটযুক্ত ৰেল। পৰীক্ষাৰ সময়ত ৰে’লখনে ঘণ্টাত ১৮৩ কিলোমিটাৰ (ঘণ্টাত ১১৪ মাইল) সৰ্বোচ্চ গতি লাভ কৰিছিল। ভাৰতীয় ৰেলপথৰ গতিবেগ ক্ষমতা আৰু যাতায়তৰ বাধাৰ বাবে দিল্লী-ভূপাল পথত ৰেলখনৰ চলাচলৰ গতি ১৬০ কিলোমিটাৰ প্ৰতি ঘণ্টা, আৰু অন্যান্য পথত ঘণ্টাত ১১০–১৩০ কিলোমিটাৰত সীমাবদ্ধ।
বন্দে ভাৰত এক্সপ্ৰেছত ১৬টা দবা আছে, যাৰে ২ টা এক্সিকিউটিভ ক্লাছ কোচ (EC) আৰু ১৪ টা চেয়াৰ কাৰ কোচ (CC)। ৰে’লখনত কেইবাটাও আধুনিক বৈশিষ্ট্য আছে। যেনে স্বয়ংক্ৰিয় দুৱাৰ, অনব’ৰ্ড ৱাই-ফাই, জিপিএছ ভিত্তিক যাত্ৰী তথ্য ব্যৱস্থা, বায়’-ভেকুয়াম টয়লেট, চিচিটিভি কেমেৰা ইত্যাদি। ৰে’লখনত এখন ৰান্ধনী দবা আছে, য’ত যাত্ৰীসকলক সদ্যহতে ৰন্ধা খাদ্য পৰিবেশন কৰা হয়।
প্ৰতিখন বন্দে ভাৰত এক্সপ্ৰেছ ৰেলত ২ টা এক্সিকিউটিভ ক্লাছ কোচ (EC) আৰু ১৪ টা চেয়াৰ কাৰ কোচ (CC) থাকে। দুয়োবিধেই শীততাপ নিয়ন্ত্ৰিত। দিল্লী-বাৰানসী যাত্ৰাৰ বাবে এক্সিকিউটিভ ক্লাছ (EC)ত ৩,৩১০টকা আৰু চেয়াৰ কাৰ (CC)ত ১,৭৬০টকা। বন্দে ভাৰত এক্সপ্ৰেছত কোনো ৰেহাইমূলক ভাড়া বা শিশুৰ ভাড়া প্ৰযোজ্য নহয়।