| ধৰণ | ৰাজহুৱা |
|---|---|
| শ্বেয়াৰ বজাৰৰ চিহ্ন | BSE: 532149 NSE: BANKINDIA |
| উদ্যোগ | বেংকিং, বিত্তীয় সেৱা |
| স্থাপিত | ৭ ছেপ্টেম্বৰ ১৯০৬ |
| প্ৰতিষ্ঠাতা | ছাৰ ছাছুন ডেভিদ |
| মুখ্য কাৰ্যালয় | মুম্বাই, মহাৰাষ্ট্ৰ, ভাৰত |
| অৱস্থান সংখ্যা | ৫,০৭১ (২০১৯) |
| দেশ/অঞ্চল | বিশ্বব্যাপী |
| নেতৃস্থানীয় ব্যক্তিত্ব | অতনু কুমাৰ দাস (এমডি আৰু চিইঅ') |
| কৰ্মচাৰীৰ সংখ্যা | ৫২,৭০৫ (২০১৯) |
| মূল প্ৰতিষ্ঠান | ভাৰত চৰকাৰ |
| সহযোগী প্ৰতিষ্ঠান | BOI AXA Investment Managers Bank of India (Tanzania) Limited |
| ৱেবছাইট | www |
বেংক অৱ ইণ্ডিয়া ভাৰতৰ মহাৰাষ্ট্ৰৰ মুম্বাইত অৱস্থিত এখন ৰাজহুৱা খণ্ডৰ বেংক। ১৯০৬ চনৰ ৭ ছেপ্টেম্বৰত এদল ব্যৱসায়ীয়ে প্ৰতিষ্ঠা কৰা এই বেংক ভাৰতৰ অন্যতম পুৰণি বেংক। বেংকটোৱে ভাৰত আৰু বহিঃৰাজ্যত ৫ হাজাৰৰো অধিক শাখা আৰু ৬ হাজাৰ এটিএমৰ নেটৱৰ্ক পৰিচালনা কৰে।[1]
১৯০৬ চনত মুম্বাইত ছাৰ ছাছুন জে ডেভিদৰ নেতৃত্বত এদল বিশিষ্ট ব্যৱসায়ীয়ে বেংক অৱ ইণ্ডিয়া প্ৰতিষ্ঠা কৰিছিল। ১৯৬৯ চনত এই বেংকটো ৰাষ্ট্ৰীয়কৰণ কৰা হয়, আৰু তেতিয়াৰ পৰাই ই ভাৰত চৰকাৰৰ মালিকানাধীন আৰু পৰিচালক। বছৰ বছৰ ধৰি বেংক অৱ ইণ্ডিয়াই ভাৰতৰ অন্যতম আগশাৰীৰ বেংক হিচাপে গঢ় লৈ উঠিছে।[2]
বেংক অৱ ইণ্ডিয়াই নিজৰ বাৰ্ষিক প্ৰদৰ্শন আৰু কৃতিত্বৰ বাবে কেইবাটাও বঁটা আৰু স্বীকৃতি লাভ কৰি আহিছে। ২০২০ চনত বেংক অৱ ইণ্ডিয়াই এছ’চিয়েটেড চেম্বাৰ্ছ অৱ কমাৰ্চ এণ্ড ইণ্ডাষ্ট্ৰী অৱ ইণ্ডিয়া (ASSOCHAM)ৰ দ্বাৰা ‘এম এছ এম ই ঋণৰ ক্ষেত্ৰত উৎকৃষ্টতাৰ বাবে শ্ৰেষ্ঠ বেংক বঁটা’ লাভ কৰে। ডিজিটেল বেংকিং সেৱাৰ বাবেও বেংকটোৱে স্বীকৃতি লাভ কৰি এছিয়ামনি বেষ্ট বেংক এৱাৰ্ড ২০২১ত ‘ভাৰতৰ শ্ৰেষ্ঠ ডিজিটেল বেংক’ বঁটা লাভ কৰিছে।[3]