মাৰ্চেল ফেৰণ
| মাৰ্চেল ফেৰণ | |
|---|---|
| জন্ম | ২৯ জানুৱাৰী, ১৯২৪ লুইজভিল, কিউবেক, কানাডা |
| মৃত্যু | ১৯ নৱেম্বৰ, ২০০১ (৭৭ বছৰ) মণ্ট্ৰিয়েল, কিউবেক, কানাডা |
| জীৱন-সংগী | ৰেনে হামেলিন |
| পেচা | ষ্টেইনড গ্লাচ আৰ্টিষ্ট, চিত্ৰকৰ |
| বিপ্লৱ | অটোমেটিষ্টচ্ |
মাৰ্চেল ফেৰন GOQ RCA (২৯ জানুৱাৰী, ১৯২৪ – ১৯ নৱেম্বৰ, ২০০১) কানাডাৰ এগৰাকী চিত্ৰশিল্পী আৰু ষ্টেইনড গ্লাছ শিল্পী আছিল, তেওঁ পল-এমিল বৰ্ডুৱাছৰ ৰিফাছ গ্ল'বেল ইস্তাহাৰৰ মূল ১৬ জন স্বাক্ষৰকাৰীৰ ভিতৰত অন্যতম আৰু ক্যুবেকৰ সমসাময়িক শিল্প জগতৰ অটোমেটিষ্টসকলৰ মাজৰ এজন প্ৰধান ব্যক্তি আছিল।[1]
জীৱনৰ আদিছোৱা
[সম্পাদনা কৰক]১৯২৪ চনৰ ২৯ জানুৱাৰীত ক্যুবেকৰ লুইজভিলত জন্মগ্ৰহণ কৰিছিল ফেৰনে। তেওঁৰ ভাতৃ জেক ফেৰন আৰু ভগ্নী মেডেলিন ফেৰন দুয়োজনেই লেখক আছিল। তেওঁ ইক'ল ডেছ ব'ছ-আৰ্টছ ডি ক্যুবেকত অধ্যয়ন কৰিছিল।কিন্তু স্কুলৰ প্ৰশিক্ষকসকলে আধুনিক শিল্পক সম্বোধন কৰাৰ ধৰণত অসন্তুষ্ট হৈ তেওঁ বিদ্যালয় এৰি দিছিল।[2]
ফেৰন আছিল পল-এমিল বৰ্ডুৱাছৰ অটোমেটিষ্টছ শিল্প আন্দোলনৰ প্ৰাৰম্ভিক সদস্য। ১৯৪৮ চনত কিউবেকৰ এক সাংস্কৃতিক মুখ্য অনুষ্ঠানত Refus global ইস্তাহাৰত তেওঁ স্বাক্ষৰ কৰে।[3]
কৰ্ম
[সম্পাদনা কৰক]
১৯৫৩ চনত তেওঁ পেৰিছলৈ যায় আৰু ১৩ বছৰ ধৰি অংকন আৰু চিত্ৰকলাৰ কাম কৰে আৰু ষ্টেইনড গ্লাছৰ শিল্পৰ সৈতে পৰিচয় হয়, যাৰ বাবে তেওঁ বেছিকৈ পৰিচিত হ'ব।[4] বিশেষকৈ ফৰাচী কাঁচ শিল্পী মিচেল ব্লামৰ কাম আৰু তেওঁৰ উদ্ভাৱনৰ পৰা তেওঁ অনুপ্ৰাণিত হৈছিল।[5] ১৯৬৬ চনত ফেৰনে ক্যুবেকলৈ উভতি আহে আৰু তাৰ পিছৰ দুটা দশকত তেওঁ কেৱল ষ্টেইনড গ্লাছৰ সৈতে কাম কৰিছিল।
তেওঁৰ ষ্টেইনড গ্লাছৰ এখন খিৰিকী কিউবেকৰ মণ্ট্ৰিয়েলৰ চেম্প-ডি-মাৰ্চ মেট্ৰ’ ষ্টেচনত আছে। সেই সময়ৰ অন্যান্য ৰচনাসমূহত উপস্থিত ডিডাক্টিক শৈলীক অৱজ্ঞা কৰি মেট্ৰ'ত স্থাপন কৰা প্ৰথম অ-আলংকাৰিক ৰচনাসমূহৰ ভিতৰত ই অন্যতম আছিল আৰু তেতিয়াৰ কলা পৰিচালক ৰবাৰ্ট লাপালমে আৰু ভৱিষ্যতৰ কলা পৰিচালক আৰু সহযোগী অটোমেষ্ট জিন-পল মৌছ'ৰ নীতিৰ মাজত মণ্ট্ৰিয়েলত ৰাজহুৱা শিল্পৰ এক বৃহৎ পৰিৱৰ্তনৰ সংকেত দিছিল। তেওঁৰৰ ৰচনাৰ আন উদাহৰণ ভেণ্ডোম মেট্ৰ' ষ্টেচন, চেণ্টাৰ হস্পিটেলিয়াৰ ইউনিভাৰ্চিটি চেণ্ট-জাষ্টিন আৰু মণ্ট্ৰিয়েলত থকা কিউবেকৰ গেটিন'ৰ প্লেচ ডু পৰ্টেজ; আৰু গ্ৰেনবি, ক্যুবেক আদালতৰ লগতে আইচিএঅ'ৰ মুখ্য কাৰ্যালয়ত দেখা যায়।
তথ্য সূত্ৰ
[সম্পাদনা কৰক]- ↑ Farr, Dorothy; Luckyj, Natalie (1975). From Women's Eyes: Women Painters in Canada. প্ৰকাশক Kingston: Agnes Etherington Art Centre. পৃষ্ঠা. 60–61.
- ↑ "Marcelle Ferron". Library and Archives Canada. October 2, 2000. https://www.collectionscanada.gc.ca/women/030001-1160-e.html। আহৰণ কৰা হৈছে: March 28, 2015.
- ↑ Davis, Ann (May 22, 2008). "Marcelle Ferron". The Canadian Encyclopedia (online ed.). Historica Canada. Archived from the original on April 2, 2015. Retrieved March 28, 2015. Unknown parameter
|url-status=ignored (help) - ↑ Lambton, Gunda. Stealing the show : seven women artists in Canadian public art. পৃষ্ঠা. 17. http://mcgill.worldcat.org/oclc/180704169। আহৰণ কৰা হৈছে: 1 March 2016.
- ↑ Cheetham, Mark A.. "Article". Cowley Abbott Auction, spring 2024, lot 26cowleyabbott.ca. https://cowleyabbott.ca/artwork/AW45858। আহৰণ কৰা হৈছে: 15 May 2024.