| মুছাৰাত নাজিৰ | |
|---|---|
| জন্ম | মুছাৰাত নাজিৰ খোৱাজা ১৩ অক্টোবৰ, ১৯৪০ (৮৪ বছৰ) লাহোৰ, পঞ্জাব, বিট্ৰিছ ভাৰত |
| অন্য নাম | দ্য ছিলভাৰ স্ক্ৰীণছ স্পাৰ্কলিং ষ্টাৰ[1] চান্দি[1] |
| পেচা |
|
| সক্ৰিয় হৈ থকা সময় | ১৯৫১ – ১৯৯৩ |
| জনা যায় |
|
| দাম্পত্যসঙ্গী | আৰছাদ মজিদ (বি. ১৯৬৩) |
| সন্তান | ৩ |
| বঁটা, সন্মান, পুৰস্কাৰ আদি | পাকিস্তানৰ ৰাষ্ট্ৰপতিৰ দ্বাৰা প্ৰদান কৰা প্ৰাইড অৱ পাৰ্ফমেন্স বঁটা (১৯৮৯) |
মুছাৰাত নাজিৰ খোৱাজা (ইংৰাজী: Musarrat Nazir Khawaja; জন্ম: ১৩ অক্টোবৰ ১৯৪০) এগৰাকী পাকিস্তানী গায়িকা আৰু চলচ্চিত্ৰ অভিনেত্ৰী৷ তেওঁ বহু কেইখন উৰ্দু আৰু পঞ্জাবী ছবিত অভিনয় কৰিছিল।[2] তেখেতক দ্য ছিলভাৰ স্ক্ৰীণছ স্পাৰ্কলিং ষ্টাৰ বুলিও জনা যায় আৰু ১৯৫০ আৰু ১৯৬০ চনৰ সময়ছোৱাত চিনেমা অৱ পাকিস্তানত অভিনয় কৰা চৰিত্ৰটোৰ বাবে তেওঁক স্বীকৃতি দিয়া হয়।[1] বহু বছৰৰ পাছত তেওঁ একক গীতো গাইছিল, ইয়াৰ বেছিভাগেই আছিল বিবাহৰ গীত আৰু লোকগীত৷[3]
লাহোৰৰ কাশ্মীৰী মূলৰ এটা মধ্যবিত্ত পৰিয়ালত মুছাৰাত নাজিৰৰ জন্ম হৈছিল।[4] তেওঁৰ পিতৃ খাজা নাজিৰ আহমেদে লাহোৰ পৌৰ নিগমত পঞ্জীয়নভুক্ত ঠিকাদাৰ হিচাপে কাম কৰিছিল।[4][3] জীৱনৰ আৰম্ভণিতে তেওঁৰ পিতৃ-মাতৃয়ে তেওঁ চিকিৎসক হোৱাটো বিচাৰিছিল, আৰু তেওঁক সামৰ্থ্য অনুসৰি শিক্ষা প্ৰদান কৰিছিল। মুছাৰাটে প্ৰৱেশিকা পৰীক্ষাত (দশম শ্ৰেণী) সুখ্যাতিৰে উত্তীৰ্ণ হয় আৰু লাহোৰৰ কিনাইৰ্ড কলেজৰ পৰা উচ্চ মাধ্যমিক পৰীক্ষাত (দ্বাদশ শ্ৰেণী) উত্তীৰ্ণ হয়।[4][3]
সংগীতৰ প্ৰতি যথেষ্ট আগ্ৰহী নাজিমে ১৯৫০ চনৰ পৰা ৰেডিঅ’ পাকিস্তানৰ বাবে গীত গাবলৈ আৰম্ভ কৰিছিল। কিন্তু ৰেডিঅ’ৰ পৰা পোৱা ধন পৰ্যাপ্ত নোহোৱাৰ বাবে তেওঁ ১৯৫৫ চনত চলচ্চিত্ৰ পৰিচালক আনোৱাৰ কমল পাছাৰ ওচৰলৈ যায়। তেওঁৰ চলচ্চিত্ৰত গীত গোৱাৰ ইচ্ছাৰ কথা পাছাক অৱগত কৰে। তাৰ পৰিৱৰ্তে পাছাই তেওঁক অভিনেত্ৰী হোৱাৰ পৰামৰ্শ দিলে। মুছাৰাটক মাক-দেউতাকৰ অনুমোদনৰ প্ৰয়োজন আছিল। পাছাই মুছাৰাটৰ পিতৃক লগ কৰিছিল আৰু তেওঁক চলচ্চিত্ৰ জগতত গায়িকা আৰু অভিনেত্ৰী হিচাপে কাম কৰিবলৈ অনুমতি দিয়াৰ বাবে পতিয়ন নিয়াইছিল।[5] পাছাই মুছাৰাতৰ নাম সলনি কৰি পেছাদাৰী নাম চান্দনী কৰি তেওঁৰ ছবিত এটা পাৰ্শ্ব চৰিত্ৰত অভিনয়ৰ বাবে চুক্তি কৰে।[1]
| বৰ্ষ | বঁটা | শ্ৰেণী | ফলাফল | শিৰোনাম | তথ্যসূত্ৰ |
|---|---|---|---|---|---|
| ১৯৫৮ | নিগাৰ বঁটা | শ্ৰেষ্ঠ অভিনেত্ৰী | বিজয়ী | জেহৰ-ই-ইস্ক | [3] |
| ১৯৫৯ | বিজয়ী | জুমেৰ | [3] | ||
| ১৯৬২ | বিজয়ী | সাহিদ | [3] | ||
| ১৯৮৯ | প্ৰাইড অৱ পাৰ্ফমেন্স | পাকিস্তানৰ চৰকাৰী বঁটা | বিজয়ী | চলচ্চিত্ৰ উদ্যোগৰ বাবে দিয়া অৱদানৰ বাবে | [3] |