সাই ভাজি
 এটা সিন্ধী টুপীৰ কাষত সাই ভাজিৰ এখন প্লেট। | |
| অন্য নাম | সিন্ধী সাই ভাজি |
|---|---|
| প্ৰকাৰ | তৰকাৰী |
| প্ৰকাৰ | প্ৰধান খাদ্য |
| উৎপত্তিৰ স্থান | সিন্ধ, পাকিস্তান |
| অঞ্চল | দক্ষিণ এছিয়া |
| সম্পৰ্কিত ৰাষ্ট্ৰীয় ব্যঞ্জন | পাকিস্তানী, ভাৰতীয় |
| মুখ্য উপাদান | দাইল, পালেং, সেউজীয়া আৰু অন্যান্য শাক-পাচলি |
| আন উপাদান | বিভিন্ন মচলা |
| অনুৰূপ ব্যঞ্জন | সিন্ধী কান্ধ |
সাই ভাজি (ইংৰাজী: Sai bhaji) হৈছে এবিধ নিৰামিষ তৰকাৰী; ইয়াক দাইল (মচুৰ দাইল), পালক (পালেং) আৰু অন্যান্য শাক-পাচলিৰে প্ৰস্তুত কৰা হয়। ই স্থানীয় খাদ্যৰ এক প্ৰধান অংশ আৰু বিভিন্ন সেউজীয়াৰ মিশ্ৰণৰ বাবে ইয়াক পুষ্টিৰ চহকী উৎস হিচাপে গণ্য কৰা হয়।[1][2]
পাকিস্তান, ভাৰত, আৰু সিন্ধী প্ৰব্ৰজনকাৰীসকলৰ ই এক জনপ্ৰিয় ঘৰুৱা খাদ্য।[3][4][5]
উৎপত্তি
[সম্পাদনা কৰক]তৰকাৰীৰ নামটো সিন্ধী ভাষাৰ দুটা শব্দৰ পৰা উদ্ভৱ হোৱা বুলি কোৱা হয়: সাই (অৰ্থাৎ "সেউজীয়া") আৰু ভাজি (অৰ্থাৎ "শাক-পাচলি"), ই এইদৰে খাদ্য ৰান্ধিবলৈ ব্যৱহাৰ কৰা উপাদানসমূহ বুজায়।[6] সাই ভাজি গ্ৰীষ্ম আৰু শীতকালত সেৱন কৰা হয়, ৰাতি আৰু দিনৰ আহাৰ হিচাপে ইয়াক গ্ৰহণ কৰা হয়॥[7] স্বাস্থ্যকৰ পুষ্টি আৰু প্ৰস্তুত কৰাৰ সৰলতাৰ বাবে ইয়াক পছন্দ কৰা হয়। অভ্যন্তৰীণ সিন্ধৰ শুকান অঞ্চলত, ঋতুভিত্তিক শাক-পাচলি শুকোৱা হয় আৰু বছৰজুৰি ৰন্ধাৰ উদ্দেশ্যে মজুত কৰা হয়।[7]
উপাদান আৰু প্ৰস্তুতি
[সম্পাদনা কৰক]এই ভাজিত ব্যৱহৃত প্ৰধান উপাদানসমূহ হ’ল কটা পালেং পাত, কম পৰিমাণে মেথি, ডাইল আৰু গংগুৰাৰ পাত। শাক-পাচলিখিনি নিষ্কাশিত মাহজাতীয় শস্য (সাধাৰণতে চানা ডাল বা মুগ ডাল) আৰু ৰন্ধন তেলৰ সৈতে মিশ্ৰণ কৰি ষ্ট্যু প্ৰস্তুত কৰা হয়।[2]
গ্ৰেভিত যোগ কৰা অন্যান্য উপাদানসমূহৰ ভিতৰত আছে জিৰা, আদা আৰু নহৰু, কটা পিঁয়াজ আৰু বিলাহী, পানী, নিমখ, সেউজীয়া জলকীয়া, হালধি আৰু ধনিয়া পাউডাৰ, ৰঙা জলকীয়াৰ পাউডাৰ আৰু বেঙেনা আৰু আলু।[2] ব্যৱহৃত মচলাৰ স্তৰ সাধাৰণতে মৃদু হয়।[4] এবাৰ ৰন্ধাৰ পিছত তৰকাৰীৰ এক মসৃণ আৰু ক্ৰীমযুক্ত গঠন হয়। [8]
-
সাই ভাজি ৰান্ধি থকাৰ ক্ল’জ-আপ দৃশ্য
সেৱা
[সম্পাদনা কৰক]সাই ভাজি বাছমতী চাউল বা ৰুটিৰ সৈতে পৰিৱেশন কৰিব পাৰি।[1][4] খোৱাৰ এক জনপ্ৰিয় সংমিশ্ৰণ হৈছে খিচুৰি চাউলৰ সৈতে।[7]
তথ্যসূত্ৰ
[সম্পাদনা কৰক]- ↑ 1.0 1.1 Dalal, Tarla (2003). Home Remedies. Sanjay & Co. পৃষ্ঠা. 31. ISBN 9788186469736.
- ↑ 2.0 2.1 2.2 "How to make Sai bhaji - fresh green leafy vegetables, chana dal and vegetables cooked together - a Sindhi speciality". Sanjeev Kapoor. http://www.sanjeevkapoor.com/Recipe/Sai-Bhaji-Sanjeev-Kapoor-Kitchen-FoodFood.html। আহৰণ কৰা হৈছে: 29 July 2016.
- ↑ "How to make Sindhi Sai Bhaji - fresh vegetables cooked in Sindhi style". Sanjeev Kapoor. http://www.sanjeevkapoor.com/Recipe/Sindhi-Sai-Bhaji-Maa-ki-Dal-FoodFood.html। আহৰণ কৰা হৈছে: 29 July 2016.
- ↑ 4.0 4.1 4.2 Kapoor, Sanjeev (2011). How to Cook Indian: More Than 500 Classic Recipes for the Modern Kitchen. Abrams. পৃষ্ঠা. 7. ISBN 9781613121351.
- ↑ . 25 July 2015. http://timesofindia.indiatimes.com/life-style/food/recipes/Recipe-Sai-bhaji-the-favorite-Sindhi-dish/articleshow/48203480.cms.
- ↑ "Sayee Bhaji- Spinach Vegetable". iFood.tv. Archived from the original on 21 September 2016. https://web.archive.org/web/20160921220135/http://new.ifood.tv/indian/478061-sayee-bhaji-spinach-vegetable। আহৰণ কৰা হৈছে: 29 July 2016.
- ↑ 7.0 7.1 7.2 Bannerjee, Himadri; Gupta, Nilanjana; Mukherjee, Sipra (2009). Calcutta Mosaic: Essays and Interviews on the Minority Communities of Calcutta. Anthem Press. পৃষ্ঠা. 101. ISBN 9781843318057. https://archive.org/details/calcuttamosaices00bane.
- ↑ Kochhar, Atul (2015). Atul's Curries of the World. Bloomsbury Publishing. পৃষ্ঠা. 215. ISBN 9781472932785.