সোণাৰু

সোণাৰু
ফুলি থকা অৱস্থাত সোণাৰু
জীৱবৈজ্ঞানিক শ্ৰেণীবিভাজন
ৰাজ্য:	Plantae
(অশ্ৰেণীকৃত):	Angiosperms
(অশ্ৰেণীকৃত):	Eudicots
(অশ্ৰেণীকৃত):	Rosids
বৰ্গ:	Fabales
পৰিয়াল:	Fabaceae
উপপৰিয়াল:	Caesalpiniaceae
গণ:	Cassia
প্ৰজাতি:	C. fistula
বৈজ্ঞানিক নাম
Cassia fistula L.
সমাৰ্থক[1]
Bactyrilobium fistula Willd. Cassia bonplandiana DC. Cassia excelsa Kunth Cassia fistuloides Collad. Cassia rhombifolia Roxb. Cathartocarpus excelsus G.Don Cathartocarpus fistula Pers. Cathartocarpus fistuloides (Collad.) G.Don Cathartocarpus rhombifolius G.Don

সোণাৰু ভাৰত উপমহাদেশ আৰু দক্ষিণ পূব এছিয়াৰ স্থানীয় মাহজাতীয় আলংকাৰিক উদ্ভিদ।^[2][3][4] সোণাৰু পূবলৈ ভাৰতৰ পৰা ম্যানমাৰ আৰু থাইলেণ্ডলৈ আৰু দক্ষিণত শ্ৰীলংকাৰ পৰা দক্ষিণ পশ্চিমত পাকিস্তানলৈ পোৱা যায়। হালধীয়া সোণালী ফুলৰ বাবে সোণাৰু আলংকাৰিক গছ হিচাপে বিখ্যাত। ইয়াক আয়ুৰ্বেদিক ঔষধতো ব্যৱহাৰ কৰা হয়। সোণাৰু থাইলেণ্ডৰ ৰাষ্ট্ৰীয় গছ আৰু ৰাষ্ট্ৰীয় ফুল। ইয়াৰ লগতে ই ভাৰতৰ ৰাজ্য কেৰালাৰ ৰাজ্যিক ফুল।

সোণাৰু

বৰ্ণনা

সোণাৰু ফুল

সোণাৰু এবিধ মধ্যমীয়া আকাৰৰ উদ্ভিদ। ই প্ৰায় 10–20 মিটাৰ (33–66 ফুট) উচ্চতালৈ বৃদ্ধি হয়। পৰ্ণপাতী সোণাৰুৰ পাত ১৫ ৰ পৰা ৬০ ছে‍ঃমিঃ দীঘল। প্ৰতিটো পাতত ৩টাৰ পৰা ৮টালৈ ৭-২১ ছে‍ঃমিঃ বহল উপপত্ৰ থাকে। ফুলবোৰ পাণ্ডুলামৰ দৰে ওলমি থাকে। পুষ্পবিন্যাস ২০-৪০ ছে‍ঃমিঃ দীঘল আৰু প্ৰতিটো ফুল ৪ ৰ পৰা ৭ ছে‍ঃমিঃ ব্যাসৰ। ফুলবোৰৰ পাঁচটা হালধীয়া সমান জোখৰ পাহি থাকে। ফলবোৰ মাহজাতীয় ৩০-৬০ ছে‍ঃমিঃ দীঘল আৰু ১.৫-২.৫ ছে‍ঃমিঃ বহল। গা-গছ কঠিন আৰু দীৰ্ঘজীৱী আৰু সাধাৰণতে ইয়াৰ কাঠ বিভিন্ন স্থানত ব্যৱহাৰ কৰা হয়।^[5]

ব্যৱহাৰ

ক্ৰান্তীয় আৰু উপ-ক্ৰান্তীয় অঞ্চলত সোণাৰু ঘাইকৈ আলংকাৰিক গছ হিচাপে সৌন্দৰ্য বৰ্ধনৰ বাবে ব্যৱহাৰ কৰা হয়। বসন্ত ঋতুৰ শেষৰ ফালে সোণাৰু ফুল ফুলিবলৈ ধৰে আৰু গোটেই গছজোপা হালধীয়া ফুলেৰে ভৰি পৰে। শুকান জলবায়ুতো ই জীয়াই থাকিব পাৰে। সোণাৰু গছৰ বাবে ৰ'দ পৰা পানী ওলাই যাব পৰা ঠাইত ভাল হয়। ই খৰাং আৰু লৱণ প্ৰতিৰোধী।^[6]

খাদ্য

ভাৰতৰ কিছু কিছু ঠাইত সোণাৰুৰ ফুল খাদ্য হিচাপে গ্ৰহণ কৰা হয়। তদুপৰি সোণাৰুৰ পাত গৰু-ছাগলী আদি জীৱ-জন্তুক ইয়াৰ পাত খাদ্য হিচাপে দিয়া হয়।

ঔষধি গুণ

সোণাৰুৰ পাত

আয়ুৰ্বেদত সোণাৰুক "অৰ্গধৱ" বুলি উল্লেখ আছে। ইয়াৰ অৰ্থ হৈছে ৰোগ বিনাশক। ইয়াৰ ফল কৌষ্ঠ-কাঠিন্যত ব্যৱহাৰ কৰা হয়।^[7][8] আয়ুৰ্বেদিক ঔষধত সোণাৰু বহু বছৰ আগৰ পৰা ব্যৱহৃত হয় আহিছে যদিও ইয়াৰ বিষয়ে গৱেষণাৰ থল আছে। বৰ্তমান সময়ত কিছুমান শৌচ খোলোচা কৰা ঔষধত সোণাৰু ব্যৱহাৰ কৰা হয়।

তথ্য উৎস

1. "The Plant List: A Working List of All Plant Species". Archived from the original on July 13, 2019. https://web.archive.org/web/20190713072021/http://www.theplantlist.org/tpl1.1/record/ild-1022। আহৰণ কৰা হৈছে: June 19, 2014. 
2. "সোণাৰু". প্ৰাকৃতিক সম্পদ সংৰক্ষণ সেৱা উদ্ভিদ তথ্যকোষ, ইউ.এছ.ডি.এ.ৰ পৰা ৪ জুন ২০১৯ তাৰিখে আহৰণ কৰা হৈছে।. https://plants.usda.gov/core/profile?symbol=CAFI3. 
3. "BSBI List 2007" (xls). Botanical Society of Britain and Ireland. Archived from the original on 2014-10-23. https://web.archive.org/web/20141023044910/http://www.bsbi.org.uk/BSBIList2007.xls। আহৰণ কৰা হৈছে: 2014-10-17. 
4. USDA, ARS, Germplasm Resources Information Network. সোণাৰু in the Germplasm Resources Information Network (GRIN), U.S. Department of Agriculture Agricultural Research Service. Accessed on April 2, 2019.
5. sinhala botany website
6. "Cassia Fistula (aburnum, Purging Fistula, Golden Shower, Amaltas)", Ayurveda - Herbs (4 to 40), archived from the original on 2011-07-14, https://web.archive.org/web/20110714110438/http://www.4to40.com/ayurveda/index.asp?p=Cassia_Fistula&c=Herbs&k=Ahala_Kanuwa, আহৰণ কৰা হৈছে: 2011-01-20 
7. Pole, Sebastian (2012). Ayurvedic Medicine: The Principles of Traditional Practice. Singing Dragon. পৃষ্ঠা. 129. ISBN 1848191138. https://books.google.com/books?id=yKaVpwB7USYC&pg=PA129&dq=purgative+aragvadha&hl=en&sa=X&ei=p5WgUKCXI4TYqQHZ-YGYDg&ved=0CDMQ6AEwAQ#v=onepage&q&f=false। আহৰণ কৰা হৈছে: November 10, 2012. 
8. Bhagwan Dash, Vaidya (2002). Materia Medica Of Ayurveda. প্ৰকাশক India: B. Jain. পৃষ্ঠা. 41–42. https://books.google.com/books?id=i-IU3D6Cl3sC&pg=PA41&dq=purgative+aragvadha&hl=en&sa=X&ei=p5WgUKCXI4TYqQHZ-YGYDg&ved=0CD8Q6AEwBQ#v=onepage&q&f=false। আহৰণ কৰা হৈছে: November 10, 2012. 

ৱিকিমিডিয়া কমন্সত সোণাৰু সম্পৰ্কীয় মিডিয়া ফাইল।